कुलवानकु.कामि जान-चिनहार
जान-चिनहार
कुलवानकु रआ कामि रआ पोथी कलीसिया रआ एटेच रआ कहनी हेके नुवां समरिया अरो उना रआ टांड़ी उदुः कनाय चि चिलका एते नियां रआ बाखान जरुसलेम एते जहूदिया तक होय्येना, जेलेका चि ईसु ता अपन चेलाकु के सोवाराग सोझ रिम सिनुः एते पहिल गाम लाःआय (1:1)। नुवां खभेर लूका दोवासते ओल्लेकाना, जे ता लूका रचित बुगिन खभेर ता हों ओल्लेताय। लूका मिहोर बाइध हों तहिकेनाय अरो अपन खभेर ओओल रे उनी ता पुरा सावधानी दोहो एताय उनी ता अपन बुगिन खभेर अरो कुलवानकु रआ कामि रे थियुफिलुस के संबोधित एदेयाय, जे मिहोर जूनानी तहिकेनाय, मुदा नियां बनार पोथी जूनानी अरो जहुदी बनार रकम रेन मसीहिकु के धेयान रे दोहो केते ओल्लेना (1:1)।
नुवां पोथी ईसु रआ जनम रआ 60 एते 64 बरीस तयोम ओल्लेना, चिलिमेनचि पाउलुस रआ जेहेल एते छुटाः एते पहिल नियां रआ ओलुः मुडू होय एकानोः काना। लूका ता पाउलुस कुलवानीः लोः हों यातरा एताय अरो अन्ताकिया रे कुलवानकु रआ कामि रआ पोथी ओल्लेताय। कुलवानकु रआ कामि लूका रचित बुगिन खभेर रआ अगला कड़ी हेके, ईसु रआ सोवाराग सिनुः एते एटेचोः काना। नियां पोथी लूका रआ दोवासते ओओल रआ उदेस लगेभगे इनागी हेके, जे बुगिन खभेर ओओल रआ तहिकेना। उनी चहाः केनाय चि थियुफिलुस अरो संघे मसीही जे लघाइर बड़हाः केनाकु, उनकु सिखाव वनाः गानाम रआ निसचायता ता सरीयाकु अरो इनाते उनी ता ईसु रआ जीवन खभेर अरो मसीहियत रआ बड़हाः रआ सही-सही बाखान ओल्लेताय।
कुलवानकु रआ कामि रआ पोथी एटेच कलीसिया रआ नमुना ता अरो ईसु रे बिसवास रआ जीवन ता अबुन रआ सामने उदुः कनाय।
रंग-रुप
1. सुबिन एते पहिल चेलाकु रे पबितर रावा आरगुः काना अरो कलीसिया बड़हाः एटेचोः काना (1:1—8:1)
2. नियां तयोम कलीसिया रे सताव हिजुः काना, नियां रआ बाखान जरुसलेम रआ टांड़ी रे होयुः काना (8:2—12:23)
3. उना तयोम पाउलुस रआ पहला मिसनारी यातरा एटेचोः काना (12:24—14:28)
4. केते जरुसलेम रे नवां बिसवासिकु कथिर चिलि जरुरेत हेनाःआं, नियां रआ निचित कथिर मुधकु रआ सभा जामा होयुः काना (15:1–35)
5. तोब पाउलुस रआ दुसरा मिसनारी यातरा एटेचोः काना (15:36—18:22)
6. उना तयोम उनी अपन तीसरा मिसनारी यातरा रे उडुङओः कनाय (18:23—20:38)
7. अरो पाउलुस के जरुसलेम रे जेहेल रे हंडेत एदेयाकु (21—26)
8. उनी के रोम रे ठांव बादलाव एदेयाकु (27—28)
נבחרו כעת:
कुलवानकु.कामि जान-चिनहार: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0