रोमि जान-चिनहार
जान-चिनहार
रोम रेन रआ चिट्ठी पाउलुस कुलवानीः दोवासते ईसु रआ जनम रआ 54-58 बरीस रआ लगेभगे ओल्लेना। पाउलुस निमीः तक रोम काय सेन केनाय, इनाते उनी ता नुवां चिट्ठी रोम रे तहीः वनकु जहुदी अरो गइर-जहुदी बनार लेकन मसीहिकु के होरा देखाव कथिर ओल्लेताय। उनी ता नुवां चिट्ठी हरदेन चट्ठी एते ओल्लेताय, जे ठिनुः उनी उना समेय तहिकेनाय। पाउलुस ता इनाते ओल्लेताय चि पुरा दिसुम रेन होर ईसु रे बिसवास एकाकु अरो उनी रआ मानाःकाकु। रोम रेन रआ पोथी सुबिन ठिनुः रेन मसीहिकु कथिर हर समेय कथिर इसतेमाल मियाः जरुरेत पोथी हेके, चिलिमेनचि नियां रे पाउलुस ता करा लेका एते अबुन ईसु मसी रआ दोवासते उद्धार नाम दड़िवाःआबुन, नियां ठिक-ठिक ओल्लेकाःआय। पाउलुस ता ईसु रआ बुगिन खभेर ता मरी नियम एते हों जोड़ाव एकाःआय। बेचोट बुधिजीवि मानाः कनाकु चि नियां पोथी रआ सुबिन एते जरुरेत पद (1:16) हेके, जे गाम कनाय, “इञ बुगिन खभेर एते काइञ लजाः काना, चिलिमेनचि नुवां हरेक बिसवास कराव वनकु कथिर उद्धार रआ निमित परमेसर रआ सोमोर्थ हेके, पहिल जहुदी कथिर, अरो एटाः जाइतकु कथिर।” रोम रेन रआ चिट्ठी रआ पहला हिस्स (1—12)गहरा धरम बिगयान एते संबंधित काएक बेवहारिक होरा देखाव हेनाःआं केते दुसरा हिस्स (13—15) रे ईसु रआ जीवन रआ संबंधित ढेर बेवहारिक दिसा-निरदेस हेनाःआं।
रंग-रुप
1. पाउलुस अपन चिट्ठी रआ एटेच अपन जान-चिनहार एम वते कराव कनाय अरो उदुः कनाय चि उनी ओकोय कथिर ओल कनाय (1:1–15)
2. नियां तयोम उनी मनवां जाति रआ वस्ताविक दसा रआ बाखान कराव वते, ईसु मसी रआ दोवासते उद्धार नाम दड़िनोःओ रआ चरचाय कनाय (1:16—11:36)
3. उना तयोम पाउलुस मसीही जीवन एते संबंधित थोड़गन बेवहारिक होरा देखाव रआ बाखान कनाय (12:1—15:13)
4. रोम रेन रआ चिट्ठी रआ मुचत उनी रोम रआ कलीसिया रेन थोड़गन होरकु रआ जोहार कराव वते कराव कनाय(16)
נבחרו כעת:
रोमि जान-चिनहार: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0