Jã Sɛbɛ 14
14
A JEEJU Ɩ̃ Ɩ A SƆR NA CERE A SÃA SƐ̃
1A *Jeeju yel ba na:
“Nyɩ taa ɩ a tɩɛrɩ̃sɩ dama nyɩ wa. Nyɩ́ tɛrɛ ƴɔ̃w-nyãa a Naaŋmɩn jie ɩ̃ mɩ tɛrɛ ƴɔ̃w-nyãa a maa jie. 2Jaaji-yaw be na a ɩ̃ Sãa yir. A ala ma ɩ lɛ ʋ wa, ɩ̃ kɔ̃ɔ dãa yel nyɩ wa. Ɩ̃ cere na a be na gbɛɛrɛ a nyɩ jaajie. 3A maa wa cen na gbɛɛrɩ̃ a nyɩ jaajie baar, ɩ̃ na lɛ lɩɛbʼã wa na de nyɩ, a mɩnɛ a jie ʋlɔ ɩ̃ na be, a nyɩ na mɩ be a be. 4Ɩ̃ a jie ʋlɔ ɩ̃ na cere, nyɩ bɔ̃w na a sɔr.”
5A Tomasi yel ʋ:
“Nɩ-kpɛ̃ɛ, saa bɔ̃w a jie fʋ na cere wa. Mɩnɛ sɩ na ɩ ɩ̃ bɔ̃w a sɔr?” 6A Jeeju yel ʋ:
“Maa ɩ̃ ɩ a sɔr, maa ɩ̃ ɩ a yel-mɩ̃ɛ, maa ɩ̃ ɩ a baafʋ. Nɩrɛ ma tʋɔrɔ wɩɛrɛ a ɩ̃ Sãa jie ɩ̃ a ala ma ɩ a maa jie ʋ tɔlʼɩ̃ wa. 7A ala ɩ̃ ɩ nyɩ dãa na bɔ̃w ma, nyɩ naa mɩ bɔ̃w na a ɩ̃ Sãa. Ɩ̃ wa nyɔw nɩ a ƴɛ̃ƴɛrɩ̃ na, nyɩ bɔ̃w ʋ na ɩ̃ nyɩ mɩ nyɛ ʋ na.”
8A Fɩlɩpɩ yel ʋ:
“Nɩ-kpɛ̃ɛ, miil sɩ a Sãa ɩ̃ a na sɛw sɩ na.” 9A Jeeju yel ʋ:
“Ɩ̃ kamʼã a nyɩ jie ɩ̃ a faa bɔ̃w ma sɛr wa Fɩlɩpɩ? A ʋlɔ na nyɛ ma, ʋ mɩ nyɛ na a Sãa. Mɩnɛ a ɩ a fʋ yel a ɩ̃ miil nyɩ a Sãa? 10Faa sɔw ka ɩ̃ be na a ɩ̃ Sãa pʋɔ ɩ̃ a ɩ̃ Sãa mɩ be a ɩ̃ pʋ̃ɔ wa mɩɩ? A ala ɩ̃ na ƴɛrɛ nyɩ, aa ɩ a ɩ̃ mɩ̃ɛ ƴɛrɩ̃sɩ ʋ wa, ɩ̃ a ɩ̃ Sãa na be a ɩ̃ pʋɔ, ʋlɔ ɩ̃ tʋnɔ a ʋ tʋmɔ. 11Nyɩ́ sɔw a mɩnɛ ɩ̃ na yel nyɩ á ɩ̃ be na a ɩ̃ Sãa pʋɔ, a ɩ̃ Sãa mɩ be a ɩ̃ pʋɔ. A ala ma ɩ lɛ ʋ wa, nyɩ́ sɔw a tʋmɔ ala ɩ̃ na maala ɩnɛ. 12Yel-mɩ̃ɛ ɩ̃ yele nyɩ, a ʋlɔ na sɔw de ma, ʋ na tʋnɔ na a tʋmɔ ala ɩ̃ na tʋnɔ, ɩ̃ ʋ na tʋ̃ na a gãw a lɛ, a-na-ɩ ɩ̃ cere na a ɩ̃ Sãa sɛ. 13A bom jaa lɛ nyɩ na de a ɩ̃ yuor sʋɔrɔ nɩ, ɩ̃ na maalʼã kʋ nyɩ, a mɩnɛ a Sãa yo-yifʋ na nyɩr a Bie jie. 14A nyɩmɩ de a ɩ̃ yuor sʋɔrʼɩ̃ ma bom lɛ, ɩ̃ na maalʼã kʋ nyɩ.
A NAAŊMƖN SƖƐ A JEEJU NA PƲLƖ̃ NƖ
15“A nyɩmɩ nʋnɔ ma, nyɩ na jɔrɔ na a ɩ̃ ƴɛrɩ̃sɩ, 16ɩ̃ a maa, ɩ̃ na sʋɔrʼã a Sãa ʋ kʋ nyɩ a Sõsũono ƴen sʋbɔ, a ʋlɔ na ɩ a yel-mɩ̃ɛ Sɩɛ, ʋ na be nɩ nyɩ daadaa kpoolaa. 17A tẽw pʋɔ nɩbɛ ma tʋɔrɔ pɔwrɔ a Sɩɛ ʋlɔ wa a-na-ɩ baa tʋɔrɔ nyɛrɛ ʋ wa, baa mɩ tʋɔrɔ bɔ̃wnɔ ʋ wa. Ɩ̃-cɛ a nyɩmɩ, nyɩ bɔ̃w ʋ na, a-na-ɩ ʋ be na a nyɩ sɔ̃w ɩ̃ mɩ be a nyɩ pʋ̃ɔ.
18“Ɩ̃ kɔ̃ bar nyɩ a nyɩ wɔ̃ taa nɩ kpiibsɩ wa; ɩ̃ na lɛ lɩɛbʼã wa a nyɩ jie. 19A ka nɩ a fɩ̃ɩ, a tẽw pʋɔ nɩbɛ ma lɛ nyɛrɛ ma wa; ɩ̃ a mɩnɛ ɩ̃ na tɛrɛ a baafʋ nyɩ na mɩ tɛrɛ na a baafʋ. 20Ɩ̃ a ʋna bibir#14.20 A ʋna bibir miile na a daar ʋlɔ a *Kirisi na ir a kũu pʋɔ baar. ɩ̃ wa ta, nyɩ na bɔ̃w na bɔ̃w ka ɩ̃ be na a ɩ̃ Sãa pʋɔ, ɩ̃ a nyɩ be a ɩ̃ pʋɔ ɩ̃ mɩ be a nyɩ pʋɔ.
21“A ʋlɔ na sɔw a ɩ̃ ƴɛrɩ̃sɩ ɩ̃ maala, ʋlɔ ɩ̃ nʋ ma. Ɩ̃ a ʋlɔ na nʋ ma, a ɩ̃ Sãa na mɩ nʋ ʋ na, ɩ̃ a maa mɩ, ɩ̃ na mɩ nʋ ʋ na ɩ̃ miilʼɩ̃ ʋ a ɩ̃ mɩ̃ɛ.”
22A Judasɩ soor ʋ (ɩ̃ aa ɩ a Judasɩ Isikaryɔtɩ ʋ wa):
“Nɩ-kpɛ̃ɛ, mɩnɛ a ɩ a fʋ na miilʼɩ̃ a fʋ mɩ̃ɛ a sɩmɩ tɛw ɩ̃ ma miile nɩ a tẽw pʋɔ nɩbɛ wa?” 23A *Jeeju yel ʋ:
“A nɩrɛ ɩ̃ nʋ ma, ʋ na jɔrɔ na a ɩ̃ ƴɛrɩ̃; a ɩ̃ Sãa na nʋnɔ ʋ na ɩ̃ sɩ na wɩ na de ʋ ʋ ɩ a sɩ jaajie. 24A nɩrɛ ʋlɔ na ma nʋ ma wa, ꞌwaa jɔrɔ a ɩ̃ ƴɛrɩ̃sɩ wa. A ƴɛrɩ̃ ʋlɔ nyɩ na wõ, aa ɩ a maa mɩ̃ɛ ƴɛrɩ̃ ʋ wa, ɩ̃-cɛ a yi na a ɩ̃ Sãa na tʋ̃ ma jie.
25“Ɩ̃ man nyɩ na a yele ala a lɛ a mɩnɛ ɩ̃ na cãa be nɩ nyɩ. 26Ɩ̃-cɛ a Sõsũono ʋlɔ na ɩ a Naaŋmɩn Sɩɛ a Sãa nɔɔ tʋnɔ nɩ a ɩ̃ yuor, ʋlɔ ɩ̃ na jaana nyɩ a yele a jaa ɩ̃ mɩ jawra nyɩ a ala a jaa ɩ̃ na dãa yel nyɩ.
27“Su-ɓaar pʋɔ ɩ̃ bar nyɩ, a maa mɩ̃ɛ su-ɓaar ɩ̃ bar kʋ nyɩ. A su-ɓaar ʋlɔ ɩ̃ na kʋ nyɩ ma wɔ̃ taa nɩ a tẽw na ben wa. Nyɩ taa ɩ a tɩɛrɩ̃sɩ dama nyɩ wa. Nyɩ taa mɩ ɩ a dãbɩ̃ɛ nyɔw nyɩ wa. 28Nyɩ wõ na a mɩnɛ ɩ̃ na dãa yel nyɩ a ɩ̃ cere na, ɩ̃-cɛ ɩ̃ lɛ lɩɛbɛ na waara a nyɩ sɛ̃. A ala ɩ̃ ɩ nyɩ dãa na nʋ ma, a naa mɩ nʋmɔ nyɩ na ɩ̃ na cere a ɩ̃ Sãa sɛ̃, a-na-ɩ a ɩ̃ Sãa bɛrmɛ na gãw ma. 29Ɩ̃ de na nĩe man nyɩ a yele ala a ƴɛ̃ƴɛrɩ̃ ɩ̃-cɛ a aa ta sɛr wa, a mɩnɛ a ala ɩ̃ wa ta, nyɩ na ƴɔ̃w ma na nyãa. 30Maa lɛ ƴɛrɛ nyɩ ƴɛr-yaw go wa, a-na-ɩ a tẽw na jamana waara na. ꞌWaa tɛrɛ bom a ɩ̃ pʋɔ na kʋrɔ ʋ sɔr a ɩ̃ jie wa, 31ɩ̃-cɛ a sɛw na a tẽw na nɩbɛ na bɔ̃w ka ɩ̃ nʋ na a ɩ̃ Sãa ɩ̃ maala a ala a jaa ʋ na ƴɔ̃w ma. Nyɩ́ ir a sɩ cen.
वर्तमान में चयनित:
Jã Sɛbɛ 14: BNT93
हाइलाइट
शेयर
कॉपी
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
