लुका 3
3
बप्तीस्मा पीन्बे युहन्नातेङ् येसु
(मत्ती ३:१-१२; मर्कुस् १:१-८; युहन्ना १:१९-२८)
1रोमी ग्यल्बो तीबेरीअसचे राज्य स्य्हेङ्ज्यीम् ल्हेगोर् गीः स्यी सोम्तीङ् तबल मुबल। हुजु बेलोरी पन्तीयस् पीलातस यहुदीया प्रदेस्की रोमी हाकीम् मुबल। हेरोदचे गालीलरी राज्य स्य्हेङ्ब मुबल। ओसेम् थेइ अले फीलीपचे इतुरीयातेङ् त्राखोनीतीस्री राज्य स्य्हेङ्ब मुबल। ओसेम् अबीलेनेरीमी लुसानीयास्चे राज्य स्य्हेङ्ब मुबल। 2गोदोब्न्हङ्की ङ्हच्छ्यङ् लम्बुमा हन्नासतेङ् कैयाफा मुबल। हुजु बेलोरीनो उजाड-ग्लारी पर्मेस्वर्चे जकरीयाकी ज युहन्नात फ्रोइ न्हङ्ज्यी।
3युहन्नाचे यर्दन गेन्दी रेइ-रेइकी जम्मा ग्लामारी कोर्ज्यीम् म्हीमात चोले प्रचार स्य्हेङ्ज्यी, “एङ्यीमाचे पस्चताप स्य्हेङ्ज्यीम् बप्तीस्मा कीनो। ओसेम् पर्मेस्वर्चे एङ्यीमाचे स्य्हेङ्बे पाप क्षम न्हङ्स्ये मुब।” 4यसैया अगम्बक्तइ पर्मेस्वर्की फ्रोइ्री चोले ब्रीबल मुब।
“उजाड-ग्लारी म्ही गीः केत् ङ्हच्छ्यङ् तेत्ज्यीम् चोले पङ्टीब मुब,
‘परमप्रभु ब्योन्खबे ग्यम् तयार् स्य्हेङो,
परमप्रभु ब्रजेत्स्येकी ग्यम् तङ्-तङ् स्य्हेङो!
5होक्तोङ्मा जम्मनो कङ्स्ये मुब,
गङ्स्योङ्मा च्येत् स्य्हेङ्स्ये मुब।
कोक्ता ग्यम्मा तङ्-तङ् ओसेम् ग्यम्री मुबे जब्जोब्मा सङ्सेङ् स्य्हेङ्स्ये मुब।
6ओसेम् म्हीमा जम्मचेनो पर्मेस्वर्की मुक्ती म्रङ्स्ये मुब।’”#३:६ यसैया ४०:३-५
7य्हक्को म्हीमा युहन्नाजा बप्तीस्मा कीन्बरी खज्यी। तर युहन्नाचे थेमात चोले पङ्ज्यी, “ओ पुख्रीइ कोलमा! ‘पर्मेस्वर्चे स्य्हेङ्जेत्पे न्याय ग्यम्से स्योर्म्यङ्ब पङ्ज्यीम्’ एङ्यीमाता खल्चे लोप्ज्यी? 8एङ्यीमाचे पस्चताप स्य्हेङ्ज्यीम् पर्मेस्वर्त सेम्री ङ्यीबे लक् स्य्हेङ्ज्यी। ओसेम् एङ्यीमाचे र्हङ न्हङ्री, ‘ङ्यीमा अब्रहामकी ज-जमे य्हीन्ब होत्तज्यीम् पर्मेस्वर्की न्याय ग्यम्चे स्योर्ब खम्ब’ बी थपङो। तलेपङ्सम्, ङ एङ्यीमात पङ्ब, पर्मेस्वर्चे अब्राहामकी लागीरी चु युङ्बमाचेएनो ज-जमे स्य्हेङ्जेत्प खम्ब। 9दोङ्बो दुङ्री तरीचे तम्यम्बल मुब। ओसेम् ज्यबे रोःरो अरोबे जम्मा दोङ्बोमा थाज्यीम् मेन्हङ् फर्स्ये मुब।”
10हुजु लीप्चे म्हीमाचे युहन्नात ङ्योत्ज्यी, “होलेपङ्सम् ङ्यीमाचे ता स्य्हेङ्थोब?” 11युहन्नाचे थेमात पङ्ज्यी, “गोइ्ल ङ्य्ही मुबे म्हीचे अरेबे म्हीत गीः पीनो। ओसेम् चबे स्हे मुबे म्हीचे अरेबे म्हीत जुज्यीम् पीनो।” 12ओसेम् तीरो दुत्पे म्हीमाएनो बप्तीस्मा कीन्बरी खज्यीम् युहन्नात ङ्योत्ज्यी, “लोप्पोन्, ङ्यीमाचेम् ता स्य्हेङ्थोब?” 13थेमात युहन्नाचे पङ्ज्यी, “सरकारचे तोक्तीब बीमम् य्हक्को तीरो थदुदो।” 14सीपाहीमाचेएनो थेत ङ्योत्ज्यी, “ङ्यीमाचेम् ता स्य्हेङ्थोब?” युहन्नाचे थेमात पङ्ज्यी, “एङ्यीमाचे खल्तेङएनो भ्यु पङ्ज्यीम् ओसेम् कर लज्यीम् टङ थकीनो। एङ्यीमाकी तलब्रीनो तङ्ज्यीम् टीउ।”
15म्हीमा मुक्ती न्हङ्बे ख्रीस्ट् ब्रेन्ज्यीम् टीटीब मुबल। ओसेम् थेमाचे सेम् न्हङ्री, “युहन्नानो ख्रीस्ट् य्हीन्ज्यीवा स्यीम्?” बी पङ्ज्यीम् म्हेन्टीब मुबल। 16ओसेम् युहन्नाचे थेङ्यीमात पङ्ज्यी, “ङचेम् एङ्यीमात कीचे बप्तीस्मा पीन्ब। ङ बीम ङ्हच्छ्यङ् गीः ब्योन्खटीब। ङ थेङ्की पनेइ तन फ्रेन्बरीएनो ज्योबल अरे। थेङ्चेम् एङ्यीमात पबीत्र आत्मातेङ् मेचे बप्तीस्मा न्हङ्जेत्स्ये मुब। 17थेङ्चे अन्न क्रप्परी नख्ले फ्यारी थोजेत्पल मुब। थेङ्चे अन्नमी क्रप्ज्यीम् बर्टी थेन्जेत्स्ये मुब। तर पोल्वमी खेमेनो अस्यीबे मेन्हङ् ख्लाजेत्स्ये मुब।”
18चोतेबे अर्तीमाएनो य्हक्को पीन्ज्यीम् युहन्नाचे म्हीमात ज्यबे सम्तर् स्येत्ज्यी। 19हेरोदचे सासन् स्य्हेङ्बे बेलोरी र्हङ्की अलेइ म्रीङ् हेरोदीयासत भ्या स्य्हेङ्बल मुबल। युहन्नाचे थेत चु अज्यबे लक् स्य्हेङ्बल तज्यीम् बराज्यी। ओसेम् थेइ ल्हो-ल्हो अज्यबे लक्माएनो ङोन्पीन्ज्यी। 20युहन्नाचे चोले पङ्ब बीसेम् हेरोदचे युहन्नात जेल्न्हङ् च्युप्लाज्यी। चोले युहन्नात च्युप्ज्यीम् हेरोदचे देबेएनो ल्हो-ल्हो अज्यबे लक् गीः स्य्हेङ्ज्यी।
येसुचे बप्तीस्मा कीन्जेत्पल
(मत्ती ३:१३-१७; मर्कुस् १:९-११; युहन्ना १:३२-३४)
21म्हीमा जम्मचेनो बप्तीस्मा कीन्बे बेलोरी येसुचेएनो बप्तीस्मा कीन्ज्यीम् प्रार्थना स्य्हेङ्टीबे बेलोरी म्रप् ठोङ्ब र्हङ्ले स्वर्ग ठोङ्ज्यी। 22ओसेम् स्वर्गचे पबीत्र आत्मा ढुकुरकी ल्हीरी येसुतेङ् स्य्हुबरी न्हेयुज्यी। ओसेम् स्वर्गचे पर्मेस्वर्की चोतेबे फ्रोइ युज्यी, “ए ङइ खोबे ज य्हीन्ब। ङ एतेङ् य्हक्को तङ्बल मुब।”
येसु ख्रीस्ट्की म्हेमेमा
(मत्ती १:१-१७)
23येसुचे ल्हेगोर् ङ्य्ही स्यी डु तीङ् तबे बेलोरी थेङ्चे पर्मेस्वर्की लक् तीप्प स्य्हेङ्जेत्ज्यी। म्हीमाचे येसुत योसेफकी ज म्हेम्ब मुबल। योसेफकी अप एली मुबल, 24एलीकी अप मत्तात, मत्तातकी अप लेबी, लेबीइ अप मल्की, मल्कीकी अप यान्ना, यान्नाकी अप योसेफ, 25योसेफकी अप मत्ताथीयास, मत्ताथीयासकी अप आमोस, आमोसकी अप नहुम, नहुमकी अप इसली, इसलीकी अप नग्गै, 26नग्गैकी अप माथ, माथकी अप मत्ताथीयास, मत्ताथीयासकी अप सेमैन, सेमैनकी अप योसेख, योसेखकी अप योदा, 27योदाकी अप योआनन, योआननकी अप रेसा, रेसाकी अप यरुबाबेल, यरुबाबेलकी अप सालतीएल, सालतीएलकी अप नेरी, 28नेरीकी अप मल्की, मल्कीकी अप अद्दी, अद्दीकी अप कोसाम, कोसामकी अप एलमादम, एलमादमकी अप एर्, 29एर्की अप यहसु, यहसुकी अप एलीएजर, एलीएजरकी अप योरीम, योरीमकी अप मत्तात, मत्तातकी अप लेबी, 30लेबीइ अप सीमीयोन, सीमीयोनकी अप यहुदा, यहुदाकी अप योसेफ, योसेफकी अप योनान, योनानकी अप एल्याकीम मुबल, 31एल्याकीमकी अप मलेआ, मलेआकी अप मीन्ना मुबल, मीन्नाकी अप मत्ताथा, मत्ताथाकी अप नातान, नातानकी अप दाऊद, 32दाऊदकी अप यीसै, यीसैकी अप ओबेद, ओबेदकी अप बोअज, बोअजकी अप सल्मोन, सल्मोनकी अप नहसोन, 33नहसोनकी अप अम्मीनादाब, अम्मीनादबकी अप आदमीन, आदमीनकी अप आर्नी, आर्नीकी अप हेस्रोन, हेस्रोनकी अप फारेस, फारेसकी अप यहुदा, 34यहुदाकी अप याकुब, याकुबकी अप इसाहक, इसहाककी अप अब्रहाम, अब्राहामकी अप तेरह, तेरहकी अप नाहोर मुबल, 35नाहोरकी अप सरुग, सरुगकी अप रऊ, रऊकी अप पेलेग, पेलेगकी अप एबेर, एबेरकी अप सेलह, 36सेलहकी अप केनान, केनानकी अप अर्पक्षद, अर्पक्षदकी अप सेम, सेमकी अप नोआ, नोआकी अप लेमेख, 37लेमेखकी अप मतुसेलह, मतुसेलहकी अप हनोक, हनोककी अप येरेद, येरेदकी अप महलालेल, महलालेलकी अप केनान, 38केनानकी अप एनोस, एनोसकी अप सेत, सेतकी अप आदम ओसेम् आदमकी अप पर्मेस्वर् मुबल।
वर्तमान में चयनित:
लुका 3: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
