Zwz Nduq 20
20
Yaqboahlazhanq Daj Yaqbixmixlowh
1 Yaqboahlazhanq daeq ndaw Manqliq ban bae Nanhdiq, dih paenqdix ndowj naeh yuq jinghzang aen chaenh Zazdixswz daj aen chaenh Suzex. Ndauj Yaqboahlazhanq yuq ndaw aen chaenh Jizlazex ndowj naeh, 2dix ndaej daj daenh hax mez dix Sazlaz zawh nongx nyingz dix. Yaq Yaqbixmixlowh laux hongz ndaw Jizlazex naeh zoq nemz dij goanz bae zowz Sazlaz maz rownz dix. 3Miz haemh ux, dij Sen hawj Yaqbixmixlowh paen'hwnz taen, daj dix hax: "Goanz nyingz mawz zowz maz naeh haeuz baenzrownz yaq, dix zawh mijmez daenh. Mawz cha tai raj?" 4Zwz naeh Yaqbixmixlowh naengz mboq daj Sazlaz zaemhnoanz. Yaq dix daj dij Sen hax: "Zaeuj gux aj, sowh goh hoak hoj naeh mawz mboq rux ndaep naeujbojleh? 5Yaqboahlazhanq haeggaj hax goanz nyingz naeh zawh nongx nyingz dix, yaq goanz nyingz naeh goj hax Yaqboahlazhanq zawh goz dix. Gux mboq hoak loang gaeng mah!"
6Dij Sen hawj dix paen'hwnz taen, daj dix hax: "Mawz zowz dix maz rownz mawz mboq zawh mawz loang. Gux ruxndeq mawz zowz dix maz rownz mawz zawh mboq ruxndeq goanz nyingz naeh zawh mez daenh. Baenzzaqnaeh, gux zux daet mawz mboq hawj mawz daj dix zaemhnoanz. Hoakzaqnaeh mawz zux mboq hoak loang gux. 7Gannaeh, mawz daeuq aeu goanz nyingz naeh hawj po dix Yaqboahlazhanq. Unj Yaqboahlazhanq zawh puj zawxkauq gux, dix rux saeh mawz vanz gux, mawz zux mboq rux tai. Jixzawh mawz mboq aeu goanz nyingz naeh hawj Yaqboahlazhanq, mawz ruxndeq, mawz daj dij goanz mawz zoah tai nauq mboqyaq."
8Nawlaeng zaeux, Yaqbixmixlowh rongx daengzle puj saeq dix daj puj koij dix maz nauq, haxdoq paenqdix mbaed saeh naeh. Paenqdix biak yaq, gaj goanz gaj mbu taeuq. 9Yaqbixmixlowh rongx Yaqboahlazhanq maz, hwt dix: "Mawz baenzrawz hoakzaqnaeh doiq piu? Gux ijrawz hoak loang mawz, hawj mawz daengz daz hawj gux daj dij goanz goh gux hoak loang dwx baenznaeh? Mawz mboq hoj hoak sowh naeh saek'i!" 10Yaqbixmixlowh daeuq daj Yaqboahlazhanq hax: "Mawz baenzzaqrawz hoakzaqnaeh hoak mux?" 11Yaqboahlazhanq yaeng dix: "Gux faeklaih dij goanz dih inxnaeh mboq miz saek goanz mbu dij Sen. Gux mbu paenqdix daz aeu mez gux ej kaj gux. 12Gaj dix goj zawh nongx nyingz gux zaeh. Dix zawh daj gux zaemh boh dangq meh. Gaj daeklaeng hoak mez gux. 13Dij Sen nemz gux ni goakrownz gux. Gux ni goakrownz gux maz baihnog, bae dih rawz gojndae, gux zoq hawj dix hax dix zawh nongx nyingz gux, gux zawh goz dix. Gux daj dix hax dix hoakzaqnaeh hoak suanq zawh dix nwh gux."
14Yaq, Yaqbixmixlowh daeuq aeu Sazlaz hawj Yaqboahlazhanq, aeu daengz dij mbej, dij moaz, daj puj koij zaiz puj koij nyingz soangq hawj Yaqboahlazhanq. 15Yaqbixmixlowh daj Yaqboahlazhanq hax: "Mawz lez, dih inxnaeh zawh goh gux gangq, mawz ngaiq yuq rawz ndowj, zoq yuq rawz ndowj." 16Yaqbixmixlowh daj Sazlaz hax: "Mawz biak gux hax, gux aeu ngaenz hawj goz mawz tiang ndeaj ux, hoak gaenq mboq hawj mawz laizlom daengzle, hoakzaqnaeh, gawz goj ruxndeq mawz mboq hoak loang gaeng." 17-18Cholaeng dij goanz Yaqbixmixlowh zowz Sazlaz mez Yaqboahlazhanq mwz rownz Yaqbixmixlowh, Yez'hoahhuah hawj puj nyingz yuq ndaw rownz Yaqbixmixlowh naeh daengzle mboq rux zowngx lug. Yaqbixmixlowh aeu Sazlaz mijmez Yaqboahlazhanq hawj Yaqboahlazhanq yaq, Yaqboahlazhanq zoq saeh dix vanz dij Sen. Dij Sen hawj aen chaej Yaqbixmixlowh ndae. Hawj mijmez Yaqbixmixlowh daj puj nyingz yuq ndaw rownz dix naeh rux zowngx lug.
वर्तमान में चयनित:
Zwz Nduq 20: ZHN
हाइलाइट
शेयर
कॉपी
Want to have your highlights saved across all your devices? Sign up or sign in
© 2023, Peace Publishing Co. All rights reserved.