Popularni biblijski stihovi od Mateo 7

Podijeli

C'ajtinla, mi caj la' wʌq'uentel. Sajcanla, mi caj la' taj. Pejcanla, mi caj la' jambentel.

Come majqui jach mi' c'ajtin mi caj i yʌq'uentel; jiñi mu' bʌ i sajcan mi' taj; jiñi mu' bʌ i pejcan mi caj i jambentel.

Majqui jach mi yu'bibeñon c t'añ, yic'ot mu' bʌ i jac'beñon, lajalʌch bajche' wiñic p'ip' bʌ i ña'tʌbal, tsa' bʌ i mele i yotot ti' pam xajlel.

Jiñi cha'añ, melela chuqui uts'at ti' tojlel la' pi'ʌlob mi la' wom mi' melob chuqui uts'at ti la' tojlel. Come jiñʌch jiñi mandar yic'ot i su'bal x'alt'añob.

Come ch'och'oc i ti', ch'och'oc i bijlel ba' mi la' taj la' cuxtʌlel. Ts'ita' jax jiñi mu' bʌ i yochelob i taj i cuxtʌlel.

Ochenla ti ch'och'oc bʌ i ti', come colem i ti', ñuc i bijlel mu' bʌ i pʌyonla majlel ti wocol. Ca'bʌl mi' yochelob ya'i.

Anquese jatetla jontoletla, la' wujil i yʌq'uentel la' walobilob chuqui uts'at. ¿Mach ba ñumen yujilic ac'ol chuqui uts'at la' Tat am bʌ ti panchan che' mi la' c'ajtiben?

Mach mi la' wʌlben i mul la' pi'ʌlob, cha'añ ma'añic mi yʌlob la' mul ja'el, come che' mi la' wʌlben i mul la' pi'ʌlob, mi caj i yʌlob la' mul ja'el. Che' bajche' mi la' p'isben wiñicob, che'ʌch mi caj la' p'isbentel ja'el.

Pero majqui jach mi i yu'bibeñon c t'añ pero ma'añic mi' jac'beñon, lajalʌch bajche' wiñic mach bʌ añic i ña'tʌbal tsi' mele i yotot ti' pam ji'.

¿Chucoch ma' q'uel sajl te' am bʌ ti' wut a wermañu, che' ma'añic ma' q'uel cucujl am bʌ ti a wut? ¿Bajche' mi mejlel a su'ben a wermañu: “La' c loc'san jiñi sajl te' am bʌ ti a wut”, che' añ cucujl ti a wut ja'el?

Yom tsajiletla cha'añ jiñi lot bʌ x'alt'añob mu' bʌ i tilelob ba'añetla lʌpbil bʌ i cha'añob i tsutsel tʌñʌme' yilal, pero i pusic'al lajalob bajche' jontol bʌ bʌte'el ts'i'. Ti' melbalob jach mi laj cʌn lot bʌ x'alt'añob ¿mu' ba i tujq'uel ts'usub ti ch'ixol, o wut te' i c'aba' higo ti ts'ʌ'b ac'ol?

Ixcu ja'el, pejtelel wen bʌ te' mi' yʌc' uts'at bʌ i wut, pero jiñi mach bʌ weñic bʌ te' mi' yʌc' leco bʌ i wut.

Mach mejlic i yʌc' leco bʌ i wut jiñi wen bʌ te'. Mi jiñic ja'el, mi' yʌc' uts'at bʌ i wut jiñi te' mach bʌ weñic.

Pejtelel te' mach bʌ añic mi' yʌc' uts'at bʌ i wut mi' sejq'uel. Mi' chojquel ti c'ajc.