Popularni biblijski stihovi od GALUEGA, 1

Podijeli

A e maua e outou le mana, pe a afio ifo le Agaga Paia i luga ia te outou; e fai foi outou ma molimau ia te au i Ierusalema ma Iutaia uma lava, ma Samaria, e oo lava i le tulu‘iga o le lalolagi.

A ua fetalai atu o ia ia te i latou, E le tusa ona outou iloa o ona po ma ona tausaga ua tuu e le Tamā i lana lava pule.

Sa faapotopoto foi o i latou ma ia, ona fetalai atu lea o ia ia te i latou, ia le tuua Ierusalema, a ia faatali i le mea na folafolaina e le Tamā, ua outou faalogo ai ia te au. Auā na papatiso lava Ioane i le vai; a o outou, e papatisoina outou i le Agaga Paia e le tele ni aso e va a‘i.

Na faailoa atu foi o ia e ia ia te i latou ua soifua ia, ina ua mavae o lona tiga, ua faamaonia i faailoga faamaoni e tele; e fagafulu po ua iloa ai o ia e i latou, ma na fetalai atu i mea a le malo o le Atua.

Ua fetalai atu ia i ia mea, ona siitia lea o ia, o latou o vaavaai atu; ua avea foi o ia i le ao nai o latou luma.

Ua latou tulimatai ae i le lagi, a o afio ae o ia, faauta foi, o tagata e toalua ua tutū mai ia te i latou ma ofu sisina. Ua la fai mai, O outou tagata Kalilaia e, se a le mea tou te tutū ai, ma vaavaai i le lagi? O Iesu lena, ua aveina ae nai ia te outou i le lagi, e faapea ona toe afio mai o ia, pei o lona afio atu i le lagi na outou vaavaai i ai.