Popularni biblijski stihovi od GALUEGA, 2

Podijeli

Ona fai atu lea o Peteru ia te i latou, Ina salamo ia, ma ia taitasi ma papatisoina outou uma i le suafa o Iesu Keriso, mo le faamagaloina o agasala; ona maua lea e outou o le mea foai fua mai, o le Agaga Paia lea.

Ua tumau pea i latou i le mataupu a le au aposetolo, ma le mafuta faatasi, ma le tofitofiga o le areto, ma talotaloga.

Ua faatutumuina foi i latou uma i le Agaga Paia, ua afua ai ona tautala i gagana eseese, pei ona foaiina mai e le Agaga o le gagana ia te i latou.

Ona faafuasei mai lea o le atalii mai le lagi, peiseai o le matagi ua agi tele mai, ua tumu uma ai le fale sa latou nonofo ai. Ua iloa foi e i latou o laulaufaiva peiseai o le afi ua vaevaeina, ua nofo i o latou luga taitoatasi. Ua faatutumuina foi i latou uma i le Agaga Paia, ua afua ai ona tautala i gagana eseese, pei ona foaiina mai e le Agaga o le gagana ia te i latou.

Ua latou nonofo pea ma le loto gatasi i le malumalu i lea aso ma lea aso, ua tofitofi foi le areto i lea fale ma lea fale, ua latou aai a latou mea e ‘ai ma le fiafia ma le loto faamaoni, ua latou vivii atu i le Atua, ma ua alofaina e le nuu uma lava. Ua faaopoopoina i le ekalesia e le Alii i aso fai soo o e ua faaolaina.

O ona aso e gata ai, o loo faapea mai le Atua, e iu ina ou liligi ifo ai lo‘u Agaga i luga o tagata uma lava; ona perofeta mai lea o outou atalii ma o outou afafine, e iloa faaaliga e o outou taulelea, e fai miti foi o outou toeaina.

Ua faatasia foi e ua faatuatua uma lava, ua tuu tele a latou mea uma lava; ua faatau atu foi o latou fanua ma oloa, ma ua tufatufa le tau o ia mea i tagata uma, ua faatatau i le mativa o le tagata.

E iu foi ina faaolaina o i latou uma lava o e valaau atu i le suafa o le Alii.

E muamua ona liua o le la i le pouliuli, ma le masina i le toto, i le oo ai i le aso tele ma le silisili o le Alii.