Popularni biblijski stihovi od Vilinga 2

Podijeli

Petulu avambile ngwenyi, Kunyukenu hashili nakwalumuka mumuchima vamijimike, mutu himutu, mulijina lyaYesu Kulishitu mangana vamikonekele milonga yenu yashili, kaha namutambula wana waShipilitu Wajila.

Kaha vakakachililenga kukunangula chavaposetolo nakukulikata nakukupuzula mbolo nakukulomba.

Kaha vosena vazalile naShipilitu Wajila, kaha vaputukile kuhanjika malimi eka, kutesa nomu Shipilitu avahanyinyine kuhanjika.

Kaha kukasumuka, lushindo lwakufuma mwilu nge lwanyamanganda naluzalisa zuvo yosena muze vatwamine. Kwavasolokelele malimi akufwana nge milangi kaha alipangile nakutwama hali mutu himutu. Kaha vosena vazalile naShipilitu Wajila, kaha vaputukile kuhanjika malimi eka, kutesa nomu Shipilitu avahanyinyine kuhanjika.

Kaha hakumbi hakumbi vakakachililenga kukukunguluka mu Tembele namuchima umwe, nakulyangana kuzuvo hizuvo, valipangililenga kulya chavo nakuwahilila namuchima wamwenemwene, vapwile nakwalisa Kalunga nakuwana uselewa kuli vatu vosena. Kaha vaze ápwilenga nakulwila hakumbi hakumbi Mwata avahakililengako kukuvula chavaka-kufwelela.

Kalunga nambe ngwenyi, Hamakumbi akukuminyina nachikapwa ngana: Nangukahingunwina vatu vosena Shipilitu yami, Kaha vana venu vamalunga naava vamapwevo navakapolofweta, Vakweze jenu vamalunga navakamona vimweneso, Vakulwane jenu vamalunga navakalota vilota.

Vaze vosena váfwelelele vatwaminenga hamwe, kaha vyavo vyosena vyapwilenga vyavuwa. Valanjishilenga luheto lwavo navikumba vyavo, kaha vize vawanyine valipangililengavyo vosena kutesa nakukalikiza chamutu himutu.

Kaha nachikasoloka, weshowo mwakasanyika MWATA halijina lyenyi navakamulwila.

Likumbi navakalilavisa, Kakweji mwakapwa nge manyinga, Shimbu kanda Likumbi lyaMWATA lyalilemu lyaupahu lizenga.