Popularni biblijski stihovi od Lǔka 17

Podijeli

Htodě Ye̤shǔ hî̌ yǎ, “Ihtǒcû̌mò̌, na ta̤yṳ ma̤bǎkè bǎ na ta̤sha hǒ.”

Ti̤ni̤ akû, a dè ma̤sǔ na susǒtaplǎ hî̌dě, a dè hèhtohèsǒ naǒ susǒtaplǎ dě a hè hî̌ ta, ‘He yò̤lò̤ge hesò̌ hǒ’ hî̌nu, na bǎ bòlû̌yǎ ta̤sǔ.”

Dě asîkla tapwa̤nu, a kè̌shǐlò̤ ana̤ ta Ye̤shǔ ma̤bǎkè yǎ akhû̌akhî, a gesǒ dě a yi̤kǒ htû̌sò̌ǐ Cǒmara. Htodě a gene̤lò̤saba Ye̤shǔ a khò̌lopo̤kòshî̌ dě a hî̌bwǐhî̌sîrîhtò̌ nû̌û. A mî̌ Shamarî̌taphû̌ tapwa̤.

Ǒsè̌rè̌ lǒkho sîna̤ nî̌꤮. “Sî pṳwè̤ htě a yṳǎ Ye̤shǔ tapwa̤ dè ma̤ta̤sǔ hî̌dě, bǎ sû̌ǐtòwòǐ yǎ. A dè yò̤lò̤gesǒ asò̌ hî̌dě bòlû̌yǎ ta̤sǔ nî̌꤮.

Dě Ye̤shǔ hî̌ nû̌û, “Kòyò htě he ma̤bǎ bǎyǎ toǒ numî̌ a ǒ pwa̤shǐ mè̤tò̤ya! Lǐ̤sǒtapwa̤pe lè꤮ a ǒdě bǎtè?

Dě Běcǎ hî̌shǔ asî, “Sî ta̤yṳ dè ǒmò̌ tî̌꤮ saplǎphlǒ tophlǒnu hǐnudě sî dè hî̌ sǒmṳdû̌ htǒotṳmṳ ta, ‘Johtò̌ nakhò̌wi̤nu, dě cû̌shǒlò̤ nana̤ dě shidû̌shite̤we̤ akûnu,’ sî dè hî̌ yǎnu, a bǎ jûle̤phî̌yo̤pwǎ sîyo̤.

Ma̤tè̤hî̌dě kòyò htě a sò̌yṳ ma̤lû̌htò̌ge tû̌ a ta̤htûpwa̤ tapwa̤pwa̤nu, a ta̤htûpwa̤ hǎmǎkè pě. Pwǎ̤ta kòyò htě a ǐlò̤kè a ta̤htûpwa̤ ta hekhû̌hekhî tapwa̤pwa̤nu, a nî̤bǎ ta̤htûpwa̤ tûjûpwa̤ pě.

Ye̤shǔ hî̌ akhophijaû̌ toǒ, “Ta̤lǒǎplò̤ǎ kòyò toǒnu a bǎ ǒhtò̌lòtṳ̌ pě pwǎ̤ta kòyò htě a ma̤ htûhtò̌ ta̤lǒǎplò̤ǎ kò htǒotapwa̤nu, a khòbǎ na̤cè̌ ta̤jîta̤jû pě. Kòyò htě a noma̤ phijaû̌ akla tapwa̤pwa̤ ata̤sǔnu, kò dè co lo̤dû̌ a gobolo̤nu dě wîlò̤te̤kè yǎ shidû̌shite̤we̤kû numî̌ awǒkhlope nû̌ûya.

“Kòyòphû̌khû mî̌ hehtǒo hèpě akhanu, a htûhtò̌ sǒsǒta pwǐ Nǒa htukhanu pě. Bǎnukha kòyò toǒ ǎo lǒkho, nî̤phû̌nî̤ma to̤htû̌ lǒkho bǎ Nǒa nṳ sǒkhlidû̌kûnu ti̤ni̤. Dě shidû̌htò̌ sibòkè kòyò ǒkè dě akhlonu toǒ.