Popularni biblijski stihovi od ཡུ་ཧན་ན། 13

Podijeli

ཇི་གི་ ན་ཧ་བཀའ་རྒྱ་སིང་མ་བིན༌ཅ། ན་ཧ་བ་ནང་དོ་ཕང༌ཅོ། ཇི་གི་ ན་ཧ་བ་ཕང་པ༌ཅ། ཉི་ན་ཤི་བུ་ ནའི་ནང་དོ་ཕང་པེ་ཁེ༌ལེ། ཨོ་ཐེན་ཨ་ཉི་ ན་ཤི་ ནའི་ནང་དོ་ཕང་ནེ་ལ་ ན་ཧ་བ་ཤོ་ ཇ་ག་སློ་མ་གི་ཝ་ལ་དག་ཉི་ སོ་ངོ་ཐམས་ཅན་གི་ སེ་ལེ་རེ་བེ་དག༌ཉི།

ཉི་ཨོམ་ ཇང་ན་ཧ་གཙོ་བོ་དང་ སློབ་དཔོན་གི་ནེ་བུ་ ཇི་གི་ ན་ཧ་བི་ཟིག༌པ། ཉི་ན་ཤི་བུ་ ནའི་ནང་དོ་ག་བི་ ཟིག་པེ་ཁེ༌ལེ། ཇི་གི་ན་ཧ་དེན་གེ་ ཨ་ཝ་པུརུས་ཀིན་ཨ་ཉི་ ན་ཤི་བུ་ ཨ་ལེ་ཁེ་ལེ་དག་ཉི་ ཇི་གི་དཔེ་གེན་མ༌ཅ།

ཡི་ཤུ་གི་གསུངས་མ་ལ་ ཇི་གི་ཨ་ཁཱན་ཁེ་པ་ ནཱན་གི་ ཨོ་མ་ཧ་མ་གོ༌ལ། དག་པ་ཀབ་ཉི་ ཇུ་ཀེ་ ནཱན་གི་ ཧ་གོ་ལེ་རེ་བེ་དག༌ཉི།

ཇི་གི་ ན་ཧ་དེན་པ་ཡེག་ཅ་ གཡོག་པ་ཤོ་ ཡོན་ད་གེ་ཆི་ལུ་མང་གི། ཉི་འཐེན་བུ་ཁཱན་བུ་ འཐེན་ཡེག་པེ་ཀུན་ཏི་ཁཱན་གེ་ ཆི་ལུ་མང་གི།

ཉི་ཨོམ་ ན་ཤི་ཨོ་ཐ་བ་ སེ་ཝ་ཨ་དེན་གེ་ ན་ཤི་ཨོ་ཐ་བ་དང་ཏུ་ཉི་ཨ་ནེ་ལ་ བྱིན་རླབས་ཉོང༌པེ༎

ཨོ་ཉི་ཨ་དེན་གེ་ རོག་ཚོགས་བཞེས་ཝ་གེ་ བཞེངས་པ༌ལ། ཉི་རོ་ཀ་ ཕིས་ཀ་ནམ་བཟའ་ཁེ་པ་ཕེག་ཐཱན་ ཨ་ཅོ་ལྟོ་རས་གི་ རོ་ཀ་ཤ་ཅི་ནང་ དམ་པ༌ལ། ཨོ་ཉ་ཚི་ངེ་ རོ་ཀི་ཟང་ཡོང་ག་རི་ལུག་ཐཱན་ སློ་མ་བ་ཀ་བི་ ཟིག་པེ་གོ་ཙུག་པ༌ལ། ཉི་རོ་ཀ་ཤ་ཅི་ནང་གེ་དམ་ཁཱན་ ཨ་ཅོ་ལྟོ་རས་གི་ རོག་ཏེ་བ་ཀ་ བི་ཕག་པ༌ལ།