Popularni biblijski stihovi od Mothi 7

Podijeli

"Koipe, ape ma hoʹhaʹ, sendrepe nampehaʹ, duârre ṭhok ṭhokpe, ape laʹte jhiʹ hoʹhaʹ.

Ar jahegi koie ânido name, eke sendreye âniho name, ar ekedo duârre ṭhok ṭhoke âni laʹdo duâr jhiʹ hoʹhaʹ.

"Anate mening, jahegi Ingâʹ katha atene ar ana palone ânido miṭiʹ buddhiman âdmi laka ekedo diri cetanre oraʹ banokede.

"Ape alka âdmikoṭheʹ khoiʹ koiape engkagi apeho angko salaʹ rikipe, karon niâgiâ nâbikoaʹ ar Mosiaʹ ânnaʹ sâri katha.

Cekelaʹbang jiui ḍahardo sakragiâ ar duârho sakragiâ, ar thoṛa âdmigi ana ḍaharte bolodarenako.

"Sakra ḍaharte bolonpe, cekelaʹbang aka ḍaharte dhongso hate idikoe ana ḍahardo marang ar osargiâ, ar aima horgi ana ḍaharte bolonako.

Kharap hoketeʹho judi apete aperen gidrâko manja manja jinis ma darekoape, tahale aperen sorgoren Baba, ekeko âniṭheʹ koiako, angkodo tiniʹgibang manja manja jinis makoheʹ.

"Apedo eṭaonkhoiʹaʹ dos alo sendrabere takoape, jate apeyaʹ dos bang sab hoʹa, cekelaʹbang alka bicârre ape bicârape, enkagi apeho bicârre bicârsoʹpehaʹ, ar apete alka songketeʹ makoaʹpe engkagi apelaʹho song hoʹhaʹ.

"Ar eke Ingâʹ sanam katha atenako kheʹ bang palonako âni miṭiʹ murkho âdmi laka, ekedo gitil cetanre oraʹ banokede.

"Ar amren boihaoaʹ metʹre je ghansar menaʹa, anagi cekelaʹ leldam, kheʹ amaʹ nijeoaʹ metʹrigi je kuṛikaṭ menaʹa, anado ceklaʹ bang leldam? Othoco amte alkaketeʹ nijeren boiha metaikanam, 'Hijup Ingte amaʹ metʹ khoiʹ ghansar oṛoʹgiritâming?' Ar lelme, amaʹ nijeoaʹ metʹrigi kuṛikaṭ menaʹa.

"Bhonḍo nâbikoaʹ bisoite sabdhanoʹpe, angkodo bhiṛioaʹ rupte hijuʹako ar angkoaʹ ontor tahentakoa rangeʹ ghenga târup laka. Angkoaʹ jiuire akaṭaʹ joʹa ana jotigi angkodo cinhu darekopehaʹ. Jaheki jânumjhâilâ khoiʹ ânggur jo, se bâblâ dare khoiʹ loa jo aṭeyako?

Ṭhik engkagi manja darere manja jo ar kharap dareredo kharap jogi joʹa.

Manja dareredo kharap jo bang joʹa, ar kharap dareredo manja jo bang joʹa.

Aka darere manja jo bang joʹa ana daredo getʹketeʹ sengelre giṛigiri hoʹa.