Olubereberye Ennyanjula
Ennyanjula
Ekitabo kino kiyitibwa ekitabo kya Musa, Olubereberye. Kijjudde ebitundu bingi ebyawandiikibwa abantu abawerako naye ng’omukuŋŋaanya tategeerekeka. Ebiri mu kitabo kino byatandika okukuŋŋaanyizibwa mu kyasa eky’ekkumi n’ebisatu (13) bc, ne bikomekkerezebwa oluvannyuma lw’okuva mu buwaŋŋanguse bw’e Babulooni mu 587 okutuuka 538 bc. Kyogera ku ebyo ebifa ku ggulu n’ensi nga bwe byatondebwa Katonda byonna. Katonda y’asinga okussibwako essira era y’alamula ate n’abonereza n’abo abakola ebibi. Newaakubadde nga Katonda abonereza omuntu olw’ebibi bye, kyokka amusaasira n’amuddiramu. Ekitabo kino kyawulibwamu ebitundu bibiri: ekisooka kiri ku byafaayo ku kutondebwa kw’ensi n’okw’omuntu (Essuula 1–2); ne ku kusobya kw’omuntu n’ekibonerezo kye yafuna ekitwaliramu ne bazzukulu be bonna (Essuula 3–6); ne kyogera ku kusalira ensi omusango okugisinga n’okugibonereza, kwe kuleeta amataba (Essuula 6–7); ate ne kyogera ne ku Mukama okukola endagaano n’omuntu, eddirira ku eri gye yakola ne Adamu (Essuula 8–9). Ekyokubiri kyogera ku byafaayo bya bajjajja, eby’obuweereza bwabwe okutandikira ku Ibulayimu ne kimaliriza ne Yusufu (Essuula 12–50).
Trenutno odabrano:
Olubereberye Ennyanjula: EEEE
Istaknuto
Podijeli
Kopiraj
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fhr.png&w=128&q=75)
Želiš li svoje istaknute stihove spremiti na sve svoje uređaje? Prijavi se ili registriraj
Bayibuli Entukuvu, Endagaano Enkadde nʼEndagaano Empya
Copyright © 1984, 1986, 1993, 2014 by Biblica, Inc.®
Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc.
Luganda Contemporary Bible
Copyright © 1984, 1986, 1993, 2014 by Biblica, Inc.®
Used by permission of Biblica, Inc.® All rights reserved worldwide.