Luka NAKESIAUNAK
NAKESIAUNAK
Akitab na a Ngakiro Anaajokak egiri Luka idodiunit Yesu erai Kiristo, lo alimokinitae Ngisirael atamar ebuni, arai Ekayuunan a ngitunga kadaang. Igirit Luka atamar anyarae Etau a Ekapolon Akuj Yesu, “Ayaun Ngakiro Naajokak lokebootok” (4:18). Ngakiro Naajokak nugu eraakasi ngaka ngitunga alu a ngichan alugelagelae. Atakani alakara keng anakitab a Luka, tarai noi alodorin alu a ekingaren alu elimorito abunere a Yesu, ka esal a akitab, esaa lo alosio Yesu kidiama nadis. Anakitab a Ngitichisio, isisaunit ekegiran lopei ngolo eger lo esikokinor anupit a ngikiristoi topetar, ekisidi a Yesu alosit kidiama nadis.
Eyakasi ngatiaket ngaarei (ngidorin 1-2, ka 9-19) na igiritae ngakiro natenoyek na eraakasi nakitab naga make eyakasi. Ngakiro nguna kesi na ikote ngakiro a eeos a ngimalaikae ka alosit a ngikeyokok ni edounere Yesu, alomar a Yesu kai a Akuj erai idia, ka ngakitadapet a Esamariat a loajokon ta edia lo achakara. Anakitab kana kadaang, ngakiro natenoyek itatamio kesi akilip, ka etich a Etau a Akuj, ka etich a ngaberu anakitatamet a Yesu ta eger lo arimakinea Akuj ngasechesea.
Eger lo erekinitere na eyakasi
Nakesiaunak 1:1-4
Akidouno a Yoana ka Yesu ta ekiditeu kech 1:5–2:52
Akitatam a Yoana Ekebatisan 3:1-20
Akibatisare ka akiningo a Yesu 3:21–4:13
Akitatam a Yesu alo Galilaya 4:14–9:50
Akisiakin alo Galilaya tanang Yerusalem 9:51–19:27
Ngirwa lukan-kaarei a esal alo Yerusalem 19:28–23:56
Ayarun, atakanuun ta alosit a Ekapolon Yesu kidiama 24:1-53
Trenutno odabrano:
Luka NAKESIAUNAK: ABIBILIA
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
BIBLE SOCIETY OF KENYA (c) 1999