JENESIS 9
9
Ka jutang hapdeng U Blei bad u Noah
1 #
Jen. 1:28. Bad U Blei u la kyrkhu ïa u Noah bad ïa ki khun shynrang jong u, u la ong ruh ha ki, “To da nang kha, bad to da pyndap pat ïa ka pyrthei. 2Ka jingtieng ïa phi ruh bad ka jingsngewkyiuh ïa phi kin long ha ki mrad baroh ka pyrthei, bad ha ki sim bneng baroh, bad ha ki kynja bapar baroh halor ka khyndew, bad ha ki dohkha baroh ha ka duriaw; ha ka kti jong phi la aiti ïa ki. 3U kynja bakhih baroh ba-im un long jingbam ïa phi; kumba nga la ai ïa u kynja jhur bajyrngam, kumta keiñ nga ai baroh ha phi. 4#Leb. 7:26,27; 17:10-14; 19:26; Deu. 12:16,23; 15:23.Hynrei, tang ïa ka doh kaba dang sah ka snam ka jingim ha ka, phin ym bam. 5Bad shisha ïa ka snam ka jingim jong phi ruh ngan dawa; na ka kti u mrad baroh ngan dawa ïa ka, bad na ka kti u briew ruh, bad na ka kti u parabriew baroh ngan dawa keiñ ïa ka jingim jong u briew.
6 #
Jen. 1:26; Eks. 20:13. “Jar uba pynmih
ïa ka snam u briew,
da u briew keiñ
yn sa pynmih
ïa ka snam jong u ruh:
naba ha ka dur U Blei
la thaw ïa u briew.
7 #
Jen. 1:28. “Te ma phi, to da nang kha, to da nang roi ruh; to da pynmih noh bun eh u symbai ha ka pyrthei, bad to da pynbun ha ka.”
8Bad U Blei u la ïathuh ha u Noah, bad ha ki khun shynrang jong u lem bad u, u da ong, 9“Ha khmih te ma nga, nga pynlong skhem ïa la ka jutang bad phi, bad u symbai jong phi ruh hadien jong phi; 10bad lem bad kiei kiei ki kynja ba-im baroh kiba don ryngkat bad phi, bad ki sim, bad ki jingri, bad ki kynja mrad baroh ka pyrthei kiba don lem bad phi; naduh kito baroh kiba la mih noh na kata ka ïinglieng, haduh ki mrad ki mreng ka pyrthei baroh. 11Nga te, ngan pynlong skhem ïa la ka jutang bad phi; ba da ki um ka jingshlei yn ym ot noh shuh ïa ka doh baroh: Lymne yn ym long shuh ka jingshlei ïa ka ban pynjot noh ïa ka pyrthei.” 12Bad U Blei u la ong, “Kane ka long ka dak jong kata ka jutang ïa kaba nga buh junom hapdeng jong nga bad phi bad kiei kiei ki kynja ba-im baroh ba don lem bad phi, ha ban da kut ka rta ka pyrthei: 13Nga buh ïa la ka ryntieh ha u lyoh, bad kan long ka dak jong ka jutang hapdeng jong nga bad ka pyrthei. 14Kan jia ruh, ha kaba ngan pynmih ïa u lyoh halor ka khyndew, ba kata ka ryntieh kan paw ha uta u lyoh, 15te ngan kynmaw ruh ïa la ka jutang kaba hapdeng jong nga bad phi bad kiei kiei ki kynja ba-im baroh na ka doh baroh; bad kita ki um kin ym man long ka jingshlei shuh ïa ka ban pynjot ïa ka doh baroh. 16Bad kata ka ryntieh kan long ha uta u lyoh; nga te ngan khmih ïa ka, ïa ka ban kynmaw ïa ka jutang ka bymjukut hapdeng U Blei bad kiei kiei ki kynja ba-im baroh na ka doh baroh katba don ha ka pyrthei.” 17Bad U Blei u la ong ha u Noah, “Kane ka long ka dak jong kata ka jutang, ïa kaba nga la pynlong skhem hapdeng jong nga bad ka doh baroh katba don ha ka pyrthei.”
U Noah bad ki khun jong u
18Te ki khun shynrang u Noah, kiba la ïawan mih noh na kata ka ïinglieng, ki la long u Shem, bad u Ham, bad u Japhet: bad u Ham u la long u kpa jong u Kanaan. 19Kine lai ngut ki la long ki khun shynrang u Noah: bad na kine hi la pynphriang ïa ka pyrthei baroh da ki briew.
20Hadien kata, u Noah u la sdang ban long u nongrep, bad u la thung ïa ka brisoh Waiñ. 21U la dih ruh na ka umsoh Waiñ, bad u la buaid; bad u la shah lyngkhuit hapdeng ka ïingjaiñ jong u. 22Te u Ham, uba u kpa u Kanaan, u la ïohi ïa ka jinglyngkhuit u kpa jong u, bad u la leit ïathuh ha ki baroh ar ngut ki hynmen jong u sha bar. 23Te u Shem bad u Japhet ki la ïashim ïa ka jaiñkup, bad ki la ïabuh ïa ka halor ki tyrpeng jong ki baroh ar ngut, bad ki la ïaïaid da dien, bad ki la ïatap ïa ka jinglyngkhuit u kpa jong ki; bad ïa ki khmat jong ki la pynphai da dien keiñ, ba kin ym ïohi ïa ka jinglyngkhuit u kpa jong ki. 24Bad u Noah u la kyndit noh na ka jingbuaid jong u, bad u la tip ïa kaei ba u khun khatduh jong u, u la lah leh ïa u. 25Te u la ong,
“Long ba la tim ïa u Kanaan;
un long u mraw jong ki mraw
ha ki hynmen jong u.”
26Bad u la ong,
“To long ba la kyrkhu
ïa u Shem
da U Trai uba U Blei
jong nga;
bad u Kanaan un long
u shakri jong u.
27U Blei un pynkhraw
ïa u Japhet,
bad un shong sah
ha ki ïingjaiñ u Shem;
bad u Kanaan un long
u shakri jong u.”
28Te u Noah u la im hadien kata ka jingshlei, laispah bad sanphew snem. 29Kumta ki sngi baroh jong u Noah ki la long khyndaispah bad sanphew snem: bad u la ïap noh.
Trenutno odabrano:
JENESIS 9: KHB
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
The Bible Society of India