مقتطفات من الزبور 1
1
دعاء الحكمة للنبي داود (ع)
1هنيئاً لِيلّي ما بيِسمَع لولاد السوء،
وما بيمشي ممشاهُن،
ولا بيقعُد مع المستهزْئين ولابيعجبوا هواهُن.
2بالعكس بقوم وبنام وذِكِر كتاب الله علسانُه،
وبطاعة ربّه بيفرَح وبيعمل كلّ شي عشانُه.
3بيِشبَه شجرة مغروسة عمجرى ميْ،
بتثمِر بوقتها وما بتِدْبَل وَلا شوي،
وكلّ أعمالُه ناجحة.
4مش مِتِل جماعة الأشرار المِشْ فالحة،
يلّي بطيروا متل القشّ بالريح.
5وبيوم الحساب الكَفَرة الأشرار ما بيثبتوا منيح،
وبآخر النهار
أبداً ما بيتحاسَبوا مع الأبرار،
6لأنّه ربّ العالمين بيرعى سُبُل الصّالحين.
أمّا يلّي بيختاروا طريق الشرّ فهنّ من الضّالين.
Trenutno odabrano:
مقتطفات من الزبور 1: LRT
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2021 Sabeel Media