लूका 5
5
पहलो चेला गीनला हाकलनो
(मत्ती 4:18-22; मरकुस 1:16-20)
1 #
मत्ती 13:1-2; मरकुस 3:9-10 जनता जबा, परमेस्वर को गोस्टी आयकन को लाई, सबा जमा होय गईन। तबा यीसु गनेसरत झील को कीनार मा, उभो होत्यो। 2वोना झील को किनार मा, दुई नाव होतो, अखीन ढीमर जाल धोवत होतीन। 3वोना मा लक एक नाव, समोन को होतो। नाव मा यीसु बस गयो, अखीन समोन ला जघा लक जरा हटान ला, कव्हयो, अखीन यीसु सिक्सा#5:3परमेस्वर को बचन देवन लगयो।
4जबा सिक्सा देके ना भई गयो, तबा यीसु ना समोन ला कव्हयो, गहरो मा नाव लेचल, अखीन अपरो जाल डाख।
5समोन ना कव्हयो, हे मालीक, हमी रात भर मेहनत करीसेजन, अखीन काही “हात नही लगयो#5:5 काही नही मिलयो” तोरो कव्हनो को सनुसार, मी जाल डाखासु।#योहन 21:3 6जबा वोना जाल डाखीस, तबा गजब मसरी#5:6 लगत सो मसरी जाल मा फस गईन, अखीन जाल फाटन लगी।#योहन 21:6 7तबा समोन आपरो संगीइन ला, हाकलिस, अखीन सबा आय केन, जाल हेड़न लगीन, नाव मसरी लक एतरो भर गयो, का नाव बुड़न लगी। 8असो चमत्कार चोवकेना, समोन यीसु को पाय मा पड़ गयो। अखीन वोला कहीस, हे मालीक मोरो जवर लक जाय, काहे का मी पापी मानूस सेव।
9काहेकि एतरो मसरी ला समट लेवन को कारन ओला अना ओको संगीगिन ला अचंभा भयो। 10वहान जबदी को टूरा याकूब, अखीन योहन भी होत्यो। तब जोन समोन को संगी होतिन, अचंभा करन लगीन, तबा यीसु, समोन लक कहीस, भेव नोको करो अबा, लक तू मानूस ला, परमेस्वर को राज मा आनजोस। 11अना उनना नाव ला किनारे जघा मा, आनीन अना सबा काही ला सोड़के वोको मंघा गईन।
कोढ को रोगी ला साजरो करनो
(मत्ती 8:1-4; मरकुस 1:40-45)
12जबा उ कोनी नगर मा गयो होत्यो, ता वहान एक कोढी मानूस आयो। अना यीसु को पायमा, तोन्ड को बल पड़के ना बिनती करन लगयो, हे पिरभू! यदि तु चाव्हजोस, ता मोला साजरो कर सकासेस।
13वोना हात छिवके कहीस, मी चाव्हसू, तू साजरो भय जास, वोच बेरा वोको कोढ साजरो भय गयो। 14यीसु ना वोला हुकूम दियो, यो गोस्टी तू कोनीला नोको सांगजोस, पर आपरो आप ला मुखिया याजक ला दिसाजोस, अना जोन चढावा चढ़ावन ला मोसे गुरूजी ना सांगिसेस, उ भेंट चढाजोस, तबा लोक गीन ला गवाही भई जाहे, का तू साजरो भय गइसेस।
15मंग यीसु की गोस्टी गजब फैलत गई, भीड़ वोकी गोस्टी आयकन लाई, अना अपरी बीमारि लक साजरो होवन लाई, जमा भईन। 16पर यीसु उन लक बेगरो होयके जगंल मा जायकेना, पिराथना करन लगियो।
लकवा को रोगिला साजरो करनो
(मत्ती 9:1-8; मरकुस 2:1-12)
17एक रोज यीसु, सिक्सा दे रहयो होतो। मोसे को नियम को गुरू अखीन मुखिया याजकगिन, वोको कठा बस्या होतिन। वय गलील, अना यहुदिया छेतर को हर, एक गाँव लक येरुसलेम नगर मा आयो होतिन। रोगिन ला साजरो करन को लाय, पिरभू को ताकत यीसु को संग होत्यो। 18वोच बेरा काही लोग गीन खाट मा एक लकवा को रोगि ला आनीन। वय वोला भीतर ली जायके, यीसु को पूढा राखन चाव्हत होतिन। 19पर गरदी को कारन लक, वोला भीतर नही आन सकिन, ता वय सपरी मा चघ गईन। अना सड्डन कापके, रोगिला जहान यीसु बस्यो होतो, वहान पूढा मा खाट ला, खाल्या उतार देइन। 20उनको भरोसा ला चोवके, यीसु कव्हयो, जा भाऊ, तोरो पाप छिमा भय गयो।
21एको पर मोसे को नियम को गुरू लेखक, अना पुरोहित एक दुसरो ला, जवाब करन लगीन। का यो परमेस्वर को निन्दा करन वारा कोन से? परमेस्वर को सिवाय कोन, पाप छिमा कर सकासे?
22उनको यो जवाब जान के यीसु ना उनला जवाब दियो। तुमारो मन मा यो जवाब काहे, उभो रहयो से? 23सबा लक सरल का से? यो कव्हनो तोरो पाप छिमा भय गयो। का उठ चल? 24पर एकोलाय का तुमला मालूम भई जाये, का मानूस को टूरा ला, धरती मा पाप छिमा करन को अधिकार से। तबा उ लकवा को रोगी ला कहीस, उभो होयके आपरी खाट उचल, अना घर जाय।
25वोनोच बेरा उ सबको पूढा उभो भयो, अना जोन खाट मा उ झोपयो होतो, वोला उचल के परमेस्वर को बड़ाई करत-करत आपरो घर चली गयो। 26वय सबा चकीत भय गईन, अना परमेस्वर को भजन बड़ाई करन लगीन। अना सबा डराय के कव्हन लगीन। आज तकन अमीना असो काम नही परख पायी सेजन।
लेवी ला हाकलनो
(मत्ती 9:9-13; मरकुस 2:13-17)
27मंघा उ बाहेर गयो अना उ लेवी नाव को एक जमा वसूल करन वालो ला वसूल करन को नाका पर जायके बसयो चोयो, अना उ वोला कहीस मोरो मंघा भई जाय। 28तबा उ सारी चिज ला सोड़के उभो भयो अना ओको मंघा भय गयो।
29तबा लेवी ना अपरो घर मा वोको लाय एक मोठो जेवन देईस, अना वहान पर जमा वसूल करन वालो, अखीन बेजा लोग वोको संग मा जेवन करन ला बस गईन, वहान लगत मानूस होतिन। 30एको पर मोसे को नियम को गुरू, अना लेखक भन्नात यीसु को चेला गीन ला कव्हन लगीन, तूमी जमा वसूल करन वालो अधिकारी अना पापी गीन#5:30 अधरमी को संग मा काहे जेवन करासो?#लूका 15:1-2
31यीसु ना जवाब देईस बइद साजरोगिन लाई नाहाय, लेकिन बिमार लाई जरुरी से। 32नेक मानूस गीन ला नही पर पापी गी ला पस्तावा करन काजी हाकलन आईसेव।
उपास को सवाल
(मत्ती 9:9-13; मरकुस 2:13-17)
33उनना यीसु ला कहिन, योहन को चेला गीन बार-बार उपास राखासे। अना पिराथना मा लग्यो रव्हसे, अना मोसे को नियम को गुरू चेलागिन भी वसोच करासेत पर तोरा चेलागिन काहे जेवत रव्हासेत?
34तबा यीसु ना उन लक कहीस की जबा तकन बराती नवरदेव को संग मा रव्हासे, त बराति कसो उपास रव्ह सकासेत? 35पर वोना दिवस आवन वारा से। जबा मि इनको लक दुहुर भई जाहू उना दिवस मा वय उपास करयेत।
36वोना अखीन एक उदाहरन उनको लक कहीस। कोनी मानूस नयो कपरा मा जुनो कपरा को तनी नही लगाय सकासेत। काहेकि जूनो कपरा फट जाहे अखीन जुनो कपरा मा नवतो कपरा को तनी नही लगा सकासे काहेका जूनो तनी टुट जाहेत। एकोलाय नयो मेल नही खायेत। 37अखीन कोनी नवा अंगूर को रस जुनो चमड़ा को कुप्पा मा नही डाखत। नही तो नयो वालो अंगूर रस छागल ला फाड़के बोह जाएत अखीन छागल नास भई जाहेत। 38मंग नवा अंगूर को रस नवो छागल मा डाखनो खरो से। 39कोनी मानूस जुनो अंगूर को रस पिवके नयो नही चाव्हासे। सांगासे क जुनो च साजरो से।
Trenutno odabrano:
लूका 5: NTPSP23
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
The New Testament in Powari Language © The Word for the World International and Powari Madhya Pradesh, 2023.