Sealm 14
14
Sealm XIII (14)
Ða Dauid þisne þreotteoðan sealm sang, þa seofode he to Drihtne on þam sealme þæt æfre on his dagum sceolde gewurðan swa lytle treowa, and swa lytel wisdom wære on worulde; and swa deð ælc rihtwis man þe hine nu singð, he seofað þæt ylce be his tidum; and swa dyde Crist be Iudeum; and Ezechias be Rapsace, Assyria cyninge.
1Se unrihtwisa cwyð on his mode:
“Nis nan God þe þis wite oððe wræce.”
Þonne byð þæt folc for þam cwyde gewemmed
and gescynded on heora won willan.
Nis nan þe eallunga wel do - ne forðon anlepe.
2Drihten locað of heofenum ofer manna bearn,
and hawað hwæðer he geseo ænigne
þæra þe hine sece oþþe hine ongite.
3Ac hi hine fleoð ealle endemes,
and secað and lufiað þæt hy syn idle and unnytte;
nis heora furðum an þe eallunga wel do.
Hi synt byrgenum gelice: seo byð utan fæger and innan ful.
Heora tungan wyrcaþ mycel facn, þeah hi fægere sprecon;
heora geþeaht and heora willa and heora weorc
byð swylce þære wyrrestan nædran attor, þa mon aspis hæt.
Ðara muð byð symle full wyrignessa and bitera worda;
heora fet beoð swiðe hraðe blod to ageotanne unþearfes for yflum willan.
And heora wegas beoþ symle gedrefede.
Hie wilniað ealle mægne oþera manna unsælþa,
and him cymð sylfum þæt ylce.
Ne secað hi nane sibbe,
ne Godes ege ne byð beforan heora modes eagum.#14:3 This whole paragraph Hi synt byrgenum...beforan heora modes eagum comes from the LXX via the Latin version that Alfred used, and was quoted by St Paul in Romans 3:10-18. These words are missing from the Masoretic text and ME versions.
4Hwi ne ongitað ealle þe unriht wyrcað -
þa þe wilniað fretan min folc swa ænne hlaf,
þa ne clypiað to Gode mid gōdum weorcum -
5hwi ne ongitað hi þæt him cymð, þonne hi læst wenað, ege and ungelimp?
Hwy ne ongitað hi þæt God byð mid þam rihtwisran folce?
6Hwi gedrefe ge min yrmingæs geþeaht,
for þam God ys min geþeaht?
7Hwa arist elles of Syon to þæm þæt#14:7 O'Neill has to þam þæt he sylle Israelum hælo,
butan þu, Drihten, þe afyrst hæftnyd of þinum folce?
Blissie nu Iacobes cyn and fægnian Israele.
Trenutno odabrano:
Sealm 14: ASPsa
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
Sealm 14
14
Sealm XIII (14)
Ða Dauid þisne þreotteoðan sealm sang, þa seofode he to Drihtne on þam sealme þæt æfre on his dagum sceolde gewurðan swa lytle treowa, and swa lytel wisdom wære on worulde; and swa deð ælc rihtwis man þe hine nu singð, he seofað þæt ylce be his tidum; and swa dyde Crist be Iudeum; and Ezechias be Rapsace, Assyria cyninge.
1Se unrihtwisa cwyð on his mode:
“Nis nan God þe þis wite oððe wræce.”
Þonne byð þæt folc for þam cwyde gewemmed
and gescynded on heora won willan.
Nis nan þe eallunga wel do - ne forðon anlepe.
2Drihten locað of heofenum ofer manna bearn,
and hawað hwæðer he geseo ænigne
þæra þe hine sece oþþe hine ongite.
3Ac hi hine fleoð ealle endemes,
and secað and lufiað þæt hy syn idle and unnytte;
nis heora furðum an þe eallunga wel do.
Hi synt byrgenum gelice: seo byð utan fæger and innan ful.
Heora tungan wyrcaþ mycel facn, þeah hi fægere sprecon;
heora geþeaht and heora willa and heora weorc
byð swylce þære wyrrestan nædran attor, þa mon aspis hæt.
Ðara muð byð symle full wyrignessa and bitera worda;
heora fet beoð swiðe hraðe blod to ageotanne unþearfes for yflum willan.
And heora wegas beoþ symle gedrefede.
Hie wilniað ealle mægne oþera manna unsælþa,
and him cymð sylfum þæt ylce.
Ne secað hi nane sibbe,
ne Godes ege ne byð beforan heora modes eagum.#14:3 This whole paragraph Hi synt byrgenum...beforan heora modes eagum comes from the LXX via the Latin version that Alfred used, and was quoted by St Paul in Romans 3:10-18. These words are missing from the Masoretic text and ME versions.
4Hwi ne ongitað ealle þe unriht wyrcað -
þa þe wilniað fretan min folc swa ænne hlaf,
þa ne clypiað to Gode mid gōdum weorcum -
5hwi ne ongitað hi þæt him cymð, þonne hi læst wenað, ege and ungelimp?
Hwy ne ongitað hi þæt God byð mid þam rihtwisran folce?
6Hwi gedrefe ge min yrmingæs geþeaht,
for þam God ys min geþeaht?
7Hwa arist elles of Syon to þæm þæt#14:7 O'Neill has to þam þæt he sylle Israelum hælo,
butan þu, Drihten, þe afyrst hæftnyd of þinum folce?
Blissie nu Iacobes cyn and fægnian Israele.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.