Mattayo 6
6
1Mlolechesye mnatende yambone yenu pa ujo pa wandu, mlolekwe nao; ligongo nu upanganya elee ngakola metulo kwa Atati wenu wali kwiunde. 2Ligongo alili, pe timpanganya sadaka, mnagombe lipenga pa ujo penu kupelaga waulamba mmasunagogi na mwitala, wapate majina kwa wandu. Amin ngwasalila, wakwete metulo jao. 3Nambo mweji pa timpanganya sadaka, mkono wako wa mchiji, unamanyilile mkono wa mlio liu kulitenda, 4sadaka siako siwaga kwa mtemela, ni Atati wenu wa kuona kwa mtemela, takupe metulo pa meso kulola.
5Nomwe pa timjuje, kasimmba mpela wakulamba wa kusakao kujuga pa wajimaga chilikati masunagogi ni pa mbali petala, waoneche na wandu. Amin ngwasalila, apatile mitulo jao. 6Nambo mwe pa timjuje, mjinjile mnyumba mwenu mkati, ni mlango kajimleka wa ngaugala, mwajuje Atati wenu wali kwa mtemela, ni Atati wenu wa kuona kwa mtemela, tampe mitulo pa meso kulola.
7Nomwe pe timjujepo kasimsala malowe pe, mpela wandu wa makosyo wa kuchitao takundilwe kwa malowe gao kwa kuwa ga majinji: 8kasimlingana ni welewo; ligongo Atati wenu akumanyilila imkusakayo pa ujo umwe nganimmjuje. 9Mjuje mpela yelee;
10Atati wetu, wa mli kwiundeko, lina lienu likusye; uchimwene wenu ujise, timsachelio litendeche mpela kwiunde, eleo mchilambo; 11mtupe lelo yakulia yetu itukwisaka; 12mtulechesye uwe magongo getu mpela uwe twalechesye wa kutulonga uwe; 13kasimtujigalila mkulingwa, nambo mtulamye mwangalumbana. Ligongo yenu mweji ni uchimwene, ni machili, ni majina mpika ku milele. Amina.
14Ligongo mchalechesyaga wandu kulemwa kwao, Atati wenu wali kwiunde tamlechesye mweji; 15nambo pangalechesya wandu kulemwa kwao, na muno Atati wenu angamlechesya mweji kulemwa kwenu. 16Soni pa timtawepo, kasimmba mpela wa kulamba asiene pausio pa kulila; ligongo alimkutindanya usio siao, aoneche na wandu achitawaga. Amin ngwasalila, apatile metulo jao! 17Nambo umwe pa titawepo mlitaje mauta mtwe, mkanawe ku usio; 18kasimboneche ni wandu mtawaga, nambo na Atati wenu wali ku mtemela; na Atati wenu wa kuona kwa mtemela tampe metulo pa meso kulola. 19Kasimliwichila chipanji pa chilambo, pa tichijonasechepo na masichini ni mkuo, na wa kuiva wa kusotola ni kuiva; 20nambo liwichileni chipanji kwiunde kwangajonasika ni masichini, namuno na mkuo; namuno wa kuiva ngasotola ni ngajiwa. 21Ligongo pe tichiwepo chipanji chenu, soni ni mtima wenu tiuwepo.
22Jua kulanguka pa chiilu ni liso, liso lienu ndiwaga kwa limo, chielu chienu chose tikugumbale kulanguka; 23nambo liso lienu liwaga liangalumbana, chiilu chenu chose tiugumbale chipi. Kulanguka uli mkatimo mwenu nuwaga chipi, chipi chapi chikulungwa?
24Ngapagwa mundu jua kupakombola kwatumichila Ambuje wawili; ligongo tamchime jumo, akumsaka wa wili; tamkamule jumo nampataga june. Ngamkombola kwatumichila Mulungu ni Mamona. 25Ligongo alili ngawasalila, kajimlaga kwa kumala kwenu, chichi timlie, na muno chichi chi mching’wa; namuno pa chiilu penu chimtakule chichi. Kumala ngapunda yakulia, ni chiilu ngachipunda itakulo? 26Mlolechesye ijuni ya mbepo, ngapanda, ngauna, ngawika mnyumba, nambo Atati wenu wa kwiunde walisya wewala. 27Mweji ngampita welewo? Wani wenu alimkulochesya alimkulinga takombole kulijonjichesya uleu wakwe kwa mkono umo? 28Mkumbuche ndua sia megunda tisimmelepo, ngatenda masengo, namuno ngalaka; 29nambo ngwasalila Sulemani kwa kukolosya kwao kose, nganawala mpela mmojamope juao. 30Ligongo Mulungu nawalisyaga elee manyasi ga megunda gali lelo, ni malawi kwasa ku moto, ngapunda kuwalisya mweji, mweji wa imani inandipe. 31Ligongo elee, kajimlochesya mchisalaga, chichi tutulie, ambi tutung’we chichi, tutakole chichi? 32Ligongo aga gose makosyo gakusaka. Ligongo Atati wenu wa kwiunde amanyilile yati mkusaka aga gose. 33Msache ku ndanda uchimwene wa Mulungu na wambone wao, na aga gose tamjisie nago; 34namuno kajimlochesya kwa malawi, ligongo malawi tailochesye kwa malowe gakwe. Ga kwenela kwa liua gangalumbana gakwe.
Trenutno odabrano:
Mattayo 6: YAO1880
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Published by the British and Foreign Bible Society in 1880.