زبُور 2
2
فصلِ دوّم
پادشاهِ اِنتِخاب شُدِه خُدا
1چرا مِلَّت ھا دَ شورِش اَمَده
و قَوم ها عَبَث نقشه مِیکشه؟
2پادشایونِ زمی باله شُده و حُکمرانا یگدِست شُده دَ ضِدِ خُداوند
و دَ ضِدِ مَسَح شُدِه#۲:۲ «مَسَح شُده» مسیح معنیٰ مِیدیه. بَلدِه معنای «مسیح» دَ فهرِستِ لُغاتِ مُشکِل رُجوع کُنِید. ازُو مشوَره کده مُوگیه:
3”بیِید که زَنجِیرای ازوا ره مُنٹی کنی
و بَندِ ازوا ره پورته کنی!“
4ولے امُو که دَ آسمونا شِشته، میخَنده،
خُداوند دَ بَلِه ازوا رِیشخَندی مُونه.
5اوخته اُو قد قار خُو قد ازوا توره مُوگیه
و قد غَضَب خُو اُونا ره دَ وَحشَت مِیندَزه و مُوگیه:
6”ما پادشاهِ خُو ره دَ صَهیون،
دَ کوهِ مُقَدَّس خُو مُقرَر کدیم.“
7 پادشاه مُوگیه:
”ما حُکمِ خُداوند ره اِعلان مُونُم.
اُو دَز مه گُفت: ’تُو باچِه مه اَستی،
ما اِمروز آتِه تُو شُدُم.
8از مه درخاست کُو و ما مِلَّت ھا ره بحَیثِ میراث دَز تُو مِیدُم
و تمامِ زمی ره مُلکیَت تُو جور مُونُم.
9تُو اُونا ره قد سوٹِه آینی مَیده مُونی
و رقمِ کوزِه کوزه‌گَر اَلّی تِکه-و-پرچه مُونی.‘“
10پس، اَی پادشایو، دانا بَشِید،
و اَی رھبرای زمی، باخبر بَشِید!
11خُداوند ره قد ترس عِبادت کُنِید
و ازی ترس-و-لرز خوشحال بَشِید.
12اُو ره قد نیَّتِ پاک اِحترام کُنِید،#۲:۱۲ معنای امزی عِبارَت واضِح نِییه. دَ بعضی ترجمه ها «باچه ره ماخ کُنِید» نوِشته یَه. نَشُنه که قارِ ازُو باله بییه،
و شُمو دَ راه نابُود شُنِید،
چراکه قارِ ازُو دِستی باله مییه.
نیک دَ بَختِ پگِ کسای که دَزُو پَناه مُوبره.
Trenutno odabrano:
زبُور 2: HAZ
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.