Vèsè popilè nan Bib la ki soti nan Egzòd 23

Pataje

Se mwen menm Senyè a, Bondye nou an, pou nou sèvi. M'ap beni nou, m'ap ban nou manje pou n manje, dlo pou nou bwè. Mwen p'ap kite maladi tonbe sou nou. Nan peyi nou an p'ap gen fanm k'ap fè fòskouch, ni fanm ki p'ap ka fè pitit. M'ap kite nou viv jouk nou fin granmoun.

Men m'ap voye yonn nan zanj mwen yo devan nou pou pwoteje nou sou wout la, pou l fè nou rive san danje kote mwen pare pou nou an.

Men, si nou koute sa li di nou, si nou fè tou sa mwen di nou fè, m'ap rayi moun ki rayi nou, mwen p'ap vle wè moun ki pa vle wè nou.

Pa konprann pou nou fè sa ki mal paske nou wè se sa tout moun ap fè. Lè n'ap sèvi temwen nan yon pwosè, piga nou pran pati pou bò ki gen plis moun lan lè nou konnen se yo ki antò. Konsa tou, lè gen pwosè, se pa paske yon moun pòv pou nou pran pati pou li.

Piga nou fè kouri fo bri. Piga nou mete nou ak mechan pou bay fo temwayaj.