Vèsè popilè nan Bib la ki soti nan Ezekyèl 17

Pataje

Tout pyebwa nan peyi a va konnen se mwen menm ki Senyè a. Mwen koupe gwo pyebwa yo mete atè. Ti pyebwa piti yo, m'ap fè yo grandi. Mwen cheche pyebwa ki vèt yo. Pyebwa ki fin mouri yo, mwen fè yo boujonnen ankò. Se mwen menm Senyè a ki pale. Sa mwen di m'ap fè a, m'ap fè l.

Men sa Senyè sèl Mèt la di: — M'ap koupe boujon tèt yon pye sèd ki byen wo. M'ap kase yon jenn ti boujon nan branch ki pi wo yo. M'ap plante l sou tèt yon mòn byen wo, sou tèt mòn ki pi wo nan peyi Izrayèl la. L'ap fè branch, l'ap donnen. L'ap vin fè yon bèl bèl pye sèd. Tout kalite zwazo pral rete ladan l. Y'ap pare solèy nan lonbray branch li yo.