Vèsè popilè nan Bib la ki soti nan Jenèz 21

Pataje

Senyè a fè Sara favè, jan l te di l la. Li fè sa l te pwomèt li a rive vre.

Bondye tande rèl pitit la. Zanj Bondye a rete nan syèl la, li pale ak Aga, li di l konsa: — Sa ou genyen, Aga? Ou pa bezwen pè. Kote Bondye ye a, li tande rèl ti pitit la. Leve non, pran ti pitit la, kenbe l. M'ap fè pitit pitit li yo tounen yon gwo nasyon.

Sara vin ansent. Atout li te fin vye granmoun lan, li fè yon pitit gason pou Abraram, nan dat Bondye te di l la.

Sara di konsa: — Adye o, gade Bondye ap fè mwen ri tèt mwen! Tout moun ki tande sa tou, yo pral pase mwen nan rizib.

Men, Bondye di Abraram konsa: — Ou pa bezwen pran lapenn pou ti gason an ak pou Aga, sèvant ou a. Ou mèt fè tou sa Sara di ou fè a, paske se Izarak ki pral ba ou pitit pitit mwen pwomèt ou yo.

M'ap bay pitit sèvant lan anpil pitit pitit. M'ap fè l tounen yon nasyon, paske se pitit ou li ye tou.