Vèsè popilè nan Bib la ki soti nan Ezayi 17

Pataje

Men sa Bondye di k'ap rive lavil Damas: — Lavil Damas p'ap yon lavil ankò. L'ap tounen yon pil demoli.

Peyi Efrayim lan pral rete san anyen pou pwoteje l. Lavil Damas pral pèdi libète granmoun li. Ti rès moun peyi Siri a pral gen menm sò ak ti rès moun pèp Izrayèl yo. Yo pral pèdi bèl pouvwa yo. Se mwen menm, Senyè ki gen tout pouvwa a, ki di sa.

Senyè a di ankò: — Yon jou gen pou rive. Lè sa a, tout bèl pouvwa peyi Jakòb la pral disparèt. L'ap pèdi tout richès li, l'ap vin pòv.

Moun p'ap janm rete nan lavil peyi Siri yo ankò. Se la bèf, mouton ak kabrit pral jwenn zèb pou yo manje. Se la y'a rete san pèsonn pa chase yo met deyò.