Vèsè popilè nan Bib la ki soti nan Jeremi 22

Pataje

Mwen menm Senyè a, m'ap mande nou pou nou fè sa ki dwat, pou nou rann jistis san patipri. Se pou nou wete moun y'ap peze yo anba men moun k'ap peze yo a. Pa malmennen moun lòt nasyon ki lakay nou yo, timoun ki san papa yo ak vèv yo. Pa pwofite sou yo. Pa touye moun inonsan isit la.

Eske w'ap yon pi bon wa paske ou bati kay ou ak bwa sèd pou li pi bèl pase pa lòt moun? Papa ou te manje, li te bwè tankou tout moun. Men, li te fè sa ki dwat, li pat fè lenjistis. Tout zafè l te mache byen. Li te defann kòz pòv malere yo. Tout bagay te mache byen pou li. Se sa ki rele konnen Senyè a.

Madichon pou moun k'ap bati gwo kay ak lajan lenjistis, k'ap mete etaj sou etaj sou kay yo ak lajan yo fè nan move kondisyon. Y'ap fè jwif parèy yo travay pou granmesi, yo pa peye yo lajan yo dwe yo.