Vèsè popilè nan Bib la ki soti nan Pwovèb 29

Pataje

Si ou pè sa moun ap di, ou antrave. Men, si ou mete konfyans ou nan Senyè a, ou pa bezwen pè anyen.

Lè pa gen moun ki pou fè pèp la konnen sa pou l fè, pèp la an debandad nèt. Men, ala bon sa bon pou moun k'ap fè sa lalwa mande!

Lè moun fou ankòlè, li di sa ki vin nan bouch li. Men, moun ki gen bon konprann kontwole bouch li.

Baton ki korije timoun ap ba yo konprann. Men, timoun yo kite fè sa yo pito gen pou fè manman yo wont.

Korije pitit gason ou lan, li p'ap ba ou tèt chaje. L'a fè kè ou kontan.

Awogans fè moun pèdi pye. Men, y'ap respekte moun ki soumèt devan Bondye.

Moun ki ankòlè fasil toujou ap fè bagay yo pa dwe fè. Moun ki gen san wo toujou nan goumen.

Gen plis espwa pou yon moun ki san konprann pase pou yon moun k'ap prese pale san kalkile.