Vèsè popilè nan Bib la ki soti nan Sòm 112

Pataje

Kè l p'ap kase lè li pran move nouvèl. Li gen yon konfyans fèm nan Senyè a.

Lwanj pou Senyè a! Ala bon sa bon pou moun ki gen krentif pou Senyè a, ki pran tout plezi l nan fè sa li mande! Pitit li yo va grannèg nan peyi a. Bondye ap toujou voye benediksyon sou pitit moun ki mache dwat devan li.

Anyen p'ap brannen l, li pa pè anyen. Se konsa l'ap kanpe gade moun ki pa vle wè l yo.

Nan mitan fènwa a, yon limyè klere pou moun ki mache dwat yo, pou moun ki gen kè sansib, moun ki gen bon kè ak moun ki pa nan patipri.

Ala bon sa bon pou moun ki gen bon kè, pou moun ki konn prete moun, pou moun ki mennen trafik li san fè vis!

Li p'ap janm bite. Yo p'ap janm bliye l.