Vèsè popilè nan Bib la ki soti nan - उत्पत्ति 18

Pataje

का यहोवा परमेसुर के लाने कोऊ काम कठन आय? ठीक बेरा पै, मतलब बसंत ऋतु में, मैं तोरे लिगां फिन आहों, और सारा लौ एक मोंड़ा हुईये।”

ई लाने सारा मनई मन हंसकें कैन लगी, “मैं तौ बुढ़ा गई आंव, और मोरो घरवारो सोई बूढ़ो आय, तौ का मोहों जौ सुख हुईये?”

अब्राहम सें तौ पक्‍कौ एक बड़ी और सामर्थी जाति उपजहै, और पृथ्‍वी की सबरी जातियां अब्राहम सें आसीस पाहें।

तब अब्राहम ऊके लिगां जाकें कैन लगो, “का तें सांची में दुस्‍ट के संगै धरमी हों भी नास करहै? जदि ऊ नगर में पचास धरमी होएं; तौ का तें सांची में ऊ जागां हों नास करहै और उन पचास धरमियन के कारन जो ऊमें होएं, नें छोड़है?

यहोवा परमेसुर ने कई, “जदि मोहों सदोम में पचास धरमी मिलें, तौ उनके कारन ऊ पूरी जांगा हों छोड़हों।”