Vèsè popilè nan Bib la ki soti nan Matthew 13

Pataje

မ္လေဩဇာကောင်းတဲ့ မ္လေဆီလွှာပေါ်ကော် က္လဟားတဲ့ မျိုးစေ့တေဟ ဆာဆနာတော်အကြောင်းကော် ကြားနိုင်၊ ဆိနိုင်၊ နားလေနိုင်မောက် ဟဲင်းအဆီးအပွင့်တေကော် အဆပေါင်းတစ်ရာ၊ အဆခြောက်ဆယ်၊ အဆဆုံးဆယ်မက ပွားနိုင်ဆမားတေနတူဟယ်" လောက် မိန့်တော်မူလေဟယ်။

ဆူးခြုံပင်တေကြားထဲကော် က္လတဲ့မျိုးစေတေရဲ့အဓိပ္ပာယ်ဟတော့ မဆူ့မဆို ဘုရားရှင်ဆာဆနာတော်အကြောင်း ကြားဆိရလယ်ဝ နေ့စဉ်ဖဝ နေထိုင်ရေးအတွက် စိုးရိမ်ပူပန်မှုန လောကီစည်းစိမ်တေကော် လိုချင်တပ်မက်တဲ့ လောဖတေဟ ကြားဆိထားတဲ့ အကြောင်းအရာတေကော် ပိတ်ဆို့လိုက်ကြမောက် အဆီးမဆီးနိုင်တဲ့ အပင်သလဲ ဖြစ်ဟားကြဟာကော် ဆိုလိုဟာဖြစ်ဟယ်။

မဆူ့မဆို ဘုရားရှင်ရဲ့ဆာဆနာတော်အကြောင်း ကြားဆိရလယ်ဝ ဟဲင်းအရာတေကော် နားမလေနိုင်ဖြစ်နေကြမောက် မာရ်နတ်ဟလဲ လာရောက်မောက် ဆူ့တော့ရဲ့စိတ်နှလုံးထဲမှာ ကြားဆိထားဆမျှတေကော် လုယူဟားဟယ်။ လူဆွားလမ်းပေါ် ကော် က္လတဲ့မျိုးစေ့တေရဲ့ အဓိပ္ပာယ်ဟ ဟဲင်းအရာကော် ဆိုလိုဟာဖြစ်ဟယ်။

ကျောက်ခံမ္လေပေါ်ကော် က္လမောက် ပေါက်လာတဲ့အပင်ဆိုဟာဟ တရားတော်ကော် နာကြားရမောက် ဝမ်းမြောက်ဝမ်းဆာန တခါတည်း လက်ခံဆမားကော် ဆိုလိုဟယ်။ ဟဲင်းပေမဲ့ အမြစ်တေ မစွဲကပ်နိုင်ပဲညောင်း တနားလေး ရှင်သန်နိုင်မောက် ဆူ့တော့ဟ နှိပ်စက်ညှဉ်းပန်းမှုတေန ကြုံတွေ့လာရတဲ့အခါမှာတော့ စိတ်ပျက်မောက် ဆူ့တော့ရဲ့ယုံကြည်မှုတေကော် တခါတည်း စွန့်လွှတ်လိုက်ကြတော့ဟယ်။

ရွှေမြို့တော်ရဲ့ဆာဆနာတော်ဟ လယ်ထဲမှာ မြှုပ်ဟားတဲ့အဖိုးတန်ရတနာတေန တူဟယ်။ လူတစ်ယောက်ဟ ဟဲင်းအရာကော် မြင်တဲ့အခါ ပ္လန်အောင်းဟားမောက် ဆူဟ ဝမ်းမြောက်ဝမ်းဆာန ထွက်ဟားမောက် ဆူပိုင်ဆိုင်ဆမျှကော် ရောင်းခ္လမောက် ဟဲင်းလယ်ကော် ဝယ်လေဟယ်။

တချို့မျိုးစေ့တေဟ ကောင်းမွန်တဲ့မ္လေဆီလွှာပေါ်မှာ က္လဟားမောက် အပင်ပေါက်လာညောင်း တချို့ဟ အဆ တစ်ရာ၊ တချို့ဟ အဆခြောက်ဆယ်၊ တချို့ဟ အဆဆုံးဆယ် အဆီးအနှံတေ ဖြစ်ထွန်းလာဟယ်။

ရိတ်ဆိမ်းချိန်မရောက်ခင်အထိ ဆူ့တော့အတူတူ ကူးလာစေ။ ရိတ်ဆိမ်းချိန်ရောက်မှ ရိတ်ဆိမ်းမဲ့ဆမားတေကော် မြက်ပင်ကော် အရင်စုမောက်မီးရှို့ဖော့ အစည်းလိုက်ချည်ခိုင်းဟားမောက် ဂျုံပင်တေကော်ခါ ငါရဲ့ယိန်ထဲမှာ စုမောက် ဆိမ်းခိုင်းလိုက်မဲင်' လောက် ဆိုလေဟယ်" လောက် မိန့်တော်မူလေဟယ်။