Vèsè popilè nan Bib la ki soti nan Matthew 7

Pataje

တောင်းကြပါ။ တောင်းခါ သင်တော့ရလိမ့်မဲင်။ ရှာဖွေကြပါ။ ရှာဖွေခါ သင်တော့တွေ့ရှိကြလိမ့်မဲင်။ တံခါးကော် ခေါက်ကြပါ။ တံခါးခေါက်ခါ သင်တော့ကော် တံခါးဖွင့်ပေးလိမ့်မဲင်။

တောင်းတဲ့ ဆမားတိုင်းဟ ရကြလိမ့်မဲင်။ ရှာဖွေဆမားတိုင်းဟ တွေ့ရှိကြလိမ့်မဲင်။ တံခါးခေါက်ဆမားတိုင်းကော်လဲ တံခါးဖွင့်ပေးလိမ့်မဲင်။

ဟဲင်းကြောင့် ငါ့စကားကော် နားထောင်မောက် လိုက်နာကျင့်ကြံဆမားတိုင်းဟ ကျောက်ပေါ်မှာ အိမ်ဆောက်တဲ့ ဉာဏ်ပညာရှိဆမားန တူဟယ်။

ဟဲင်းကြောင့် သင်တော့ကော် တခြားလူဟ ပြုမူဆက်ဆံစေလိုတဲ့အတိုင်း တခြားလူကော်လဲ ပြုမူဆက်ဆံကြပါ။ အဲဟာဟ ပညတ်တရားတော်ကျမ်းန အရိယာဆူတောင်စင်တေရေးခဲ့တဲ့ ကျမ်းစာတေရဲ့ အနှစ်ချူပ်ပဲ ဖြစ်ဟယ်။"

အဆက်ရှင်ခြင်းကော် ရနိုင်မဲ့လမ်းဟ ကြမ်းတမ်း‌မောက် ဝင်ပေါက်ဟလဲ ကျဉ်းမြောင်းညောင်း ရှာတွေ့တဲ့လူတေဟလဲ အကြီးကျယ်နည်းဟယ်။

"ကျဉ်းမြောင်းတဲ့ဝင်ပေါက်မှ ဝင်ကြပါ။ စာလောက်ဟားဆိုခါ က္လယ်တဲ့ဝင်ပေါက်ဟ ဝင်ရလွယ်ကူမောက် ပျက်စီးခြင်းကော်ပဲ ဦးတည်နေဟာဖြစ်မောက် အဲဝင်ပေါက်ဟ ဝင်တဲ့ဆမားတိုင်းဟလဲ အကြီးကျယ်များလိမ့်မဲင်။

သင်တော့ဟ အပြစ်ဒုစရိုက်ဆားတေဖြစ်နေတောင် သင်တော့ရဲ့ဆားဆမီးတေကော် ကောင်းတဲ့အရာတေကော်ပဲ ပေးတတ်ခါ ရွှေမြို့တော်မှာရှိတဲ့ သင်တော့ရဲ့အဖဘုရားရှင်ဟလဲ ဆူ့နားမှာ တောင်းလျှောက်တဲ့လူတေကော် ကောင်းမွန်တဲ့အရာတေ ပိုမောက် ပေးမဲင်မဟုတ်ဝါး။

ကိုယ့်ဟာကိုယ် ဝေဖန်ပြစ်တင်ခြင်းမခံရချင်ဘဲခါ တခြားလူကော် ဝေဖန်ပြစ်တင်ဟာတေ မလုပ်ကြနဲ့။ သင်တော့ တခြားလူကော် ဝေဖန်ပြစ်တင်တဲ့အတိုင်း သင်တော့ဟလဲ ဝေဖန်ပြစ်တင်ခြင်း ခံရမဲင်ဖြစ်ဟယ်။ သင်တော့ တခြားလူကော် တိုင်းတာတဲ့စံနှုန်းအတိုင်း သင်တော့ဟလဲ တိုင်းတာခံကြရလိမ့်မဲင်။

ဟဲင်းပေမဲ့ ငါ့စကားကော် နားမထောင်၊ လိုက်နာကျင့်ကြံခြင်းမရှိတဲ့လူတေဟ သဲပေါ်မှာ အိမ်ဆောက်တဲ့ လူမိုက်တေန တူဟယ်။

သင့်မျက်လုံးထဲဟ ဆစ်တုံးကူးကော်မမြင်ဘဲ သင့်ညီကိုမျက်လုံးထဲဟ အမှုန်အစလေးကော် စာလောက်မြင်နေကြဟား။ သင်မျက်လုံးထဲမှာ ဆစ်တုံးကူး ရှိနေတောင် သင့်ညီအကိုကော် 'သင့်ရဲ့မျက်လုံးထဲဟ အမှုန်အစလေးကော် ငါထုတ်ပေးပါရစေ' လောက် ဖယ်လဲပြောနိုင်မဟား။

အရိယာဆူတော်စင် အတုအယောင်တေကော် သတိထားကြပါ။ ဆူ့တော့ဟ သိုးရေခြုံဟားမောက် ရက်စက်ကြမ်းကြုတ်တဲ့ ဝံပုလွေတေသလဲ သင်တော့နား လာကြလိမ့်။ ဆူ့တော့ရဲ့လုပ်ရပ်တေကော် ကြည့်မောက် ဆူ့တော့ကော် သင်တော့ ဆိကြလိမ့်မဲင်။ ဆူးခြုံပင်ဟ စပျစ်ဆီးကော်ရော၊ ဆူးပင်ဟ သဖန်းဆီးကော်ရော ခူးရဟာရှိလား။

အဲလဲပဲ ကောင်းတဲ့အပင်ဟ အဆီးကောင်းကော် ဆီးတတ်မောက် မကောင်းတဲ့အပင်ဟတော့ မကောင်းတဲ့အဆီးကော်ပဲ ဆီးတတ်ဟယ်။

ကောင်းတဲ့အပင်ဟ မကောင်းတဲ့အဆီးကော် မဆီးနိုင်ပဲသလဲ မကောင်းတဲ့အပင်ဟ အဆီးကောင်းကော် မဆီးနိုင်ဘူး။

ကောင်းတဲ့အဆီးကော် မဆီးနိုင်တဲ့အပင်တိုင်းဟ ခုတ်လှဲခံရမောက် မီးထဲကော် ပစ်ခ္လခံရမဲင်ဖြစ်ဟယ်။