Vèsè popilè nan Bib la ki soti nan Matyu 12

Pataje

Ba na ene di teiga, Ene ka gua gua siragl mere ta dimere i, okuo God yoba kotno prabuka igne, God gumuglo mina ene di peglbi, ka tage tenabuka. Yegl pre ene ka dimara i mina God ene tau ka tage tenabuka. Tedre, tau du meglmiwe dinabiwe di, Jisas yegl dugwa.

Ba ene toki kide mere yegl meglkwa. Ene yoba kide meglkwa pre ene ka wakai ta dinaiglkwa i, kuno ta erekrukwa. I siragl pre siragl taragl yoba ta dem muduo mina kau sugwa i, ye ka dugwa igne ede meda ugwa.

Yoba wakai ta morabuka i, ye nomane ya dem muduo wakai paugwa pre ebrie mabunomo ama wakai panabuka. Ba yoba kide ta morabuka i, ye nomanemo ya dem muduo kide paugwa pre ye ebrie mabunomo ama kide panabiwe dugwa.

Yegl pre na ene yegl di teiga, Yoba tadaglme siragl mere ta eraiglkwa ya God ka kide di tenaiglkwa i, God ye gugl ede tenabuka ba yoba ta God Murubuglomo di kide yei tenan, God ye tadaglmemo i, gugl ede tekrabuka.

Jisas ka ta ama yegl dugwa, Ede wakai ta mogo kide ta koglkrabuka. Te, ede kide ta mogo wakai ta koglkrabuka. Yegl pre yoba ede swara swarade mogo siragl mere keglkwa i kandre, ede wakai paimo mo kide paimo mo i, kan pogl sigwa.