1 Kwonik 13
13
David al chache Bwat Kontra a
(2 Samyèl 6.1-11)
1David reyini tout chèf lame a, ni sa ki te alatèt rejiman mil (1.000) sòlda yo ni sa ki te alatèt divizyon san sòlda yo, li pran konsèy nan men yo. 2Lèfini, #Nonb 35.2-5 David di pèp Izrayèl la:
— Si nou wè se yon bon lide, si se volonte Senyè a, Bondye nou an, nou pral voye misyon bay tout frè nou yo ki rete toupatou nan tout peyi a, bay tout prèt yo ak tout moun Levi yo nan lavil kote yo rete ak nan savann kote yo fè gadinaj, pou yo vin mete tèt yo ansanm ak nou, 3pou #1 Sam 7.1,2; 14.18 n'al chache Bwat Kontra Bondye nou an, paske nou te bliye l pandan tout reny Sayil la.
4Tout pèp la te dakò pou yo te fè sa, paske yo wè se te yon bon lide.
5Se #Joz 15.9; 1 Sam 6.21; 7.1; 1 Wa 8.65 konsa, David reyini tout pèp Izrayèl la nan tout peyi a, depi kannal Sikò sou fontyè ak peyi Lejip la rive jouk Pas Amat la, pou y'al chache Bwat Kontra a lavil Kiriyat-Jarim. 6#2 Sam 6.2-11 Se #1 Sam 4.4 konsa li pati avèk tout pèp Izrayèl la, pou lavil Kiriyat-Jarim yo te rele Baala tou, nan peyi Jida, pou y'al chache Bwat Kontra Bondye a, bwat ki pote non Senyè ki gen tout pouvwa a, Senyè ki gen fòtèy li anwo zanj cheriben yo. 7Lè yo rive kay Abinadab, yo pran Bwat la, yo mete l sou yon kabwa tou nèf. Ouza ak Akijo t'ap mennen kabwa a. 8David #1 Kwo 15.16 ansam ak tout moun Izrayèl yo menm t'ap danse ak tout nanm yo. Yo t'ap chante fè lwanj Senyè a, yo t'ap jwe gita ak bandjo, yo t'ap bat tanbouren ak senbal, yo t'ap kònen twonpèt.
9Lè yo rive bò glasi Kidon an, bèf yo bite, yo manke tonbe. Ouza lonje men l pou kenbe Bwat Kontra a. 10Men, #Lev 10.2; Nonb 4.15 Senyè a move sou Ouza, li touye l frèt, paske li pat dwe manyen Bwat Kontra a. Bondye touye l, Ouza mouri la menm devan Bondye.
11David menm te fache deske Senyè a te touye Ouza. Se konsa yo rele kote sa a Perèz-Ouza, ki vle di Chatiman-Ouza. Non sa a rete jouk jòdi a.
12Lè sa a, David vin pè Senyè a, li di konsa:
— M pa wè ki jan pou m pran Bwat Kontra a avè m kounyeya!
13Se konsa, li pran desizyon pa pote Bwat Kontra Senyè a lakay li nan lavil David. Li fè yo pote l kay Obèd-Edon, yon moun lavil Gat. 14Bwat la pase twa mwa lakay Obèd-Edon, Senyè a te beni fanmi Obèd-Edon ak tout bagay ki te pou yo.
Chwazi Kounye ya:
1 Kwonik 13: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.