Travay 18
18
Pòl nan lavil Korent
1Apre sa, Pòl pati, li kite lavil Atèn, l'ale lavil Korent. 2Rive la, #Wòm 16.3 li kontre yon jwif yo te rele Akilas, moun peyi Pon, ki te fenk rive sòti Itali ansanm ak madanm li ki te rele Prisil, apre Seza Klòd te bay lòd pou tout jwif te kite lavil Wòm. Pòl al wè yo, 3epi l #Tra 20.34; 1 Kor 4.12 rete lakay yo. Li t'ap travay ansanm ak yo paske li te gen menm metye ak yo: li te konn fè tant an twal. 4Chak jou saba, Pòl te pran lapawòl nan sinagòg la, li t'ap chache pran tèt anpil jwif ak anpil moun peyi Lagrès. 19/9 Men anpil t'ap fè tèt di, yo te refize kwè. Yo t'ap pase mesaj Bondye a nan rizib devan tout moun. Lè Pòl wè sa, li wete kò li nan mitan yo, li pran disip Kris yo ak li. Chak jou, li t'ap preche nan lekòl Tiranis la.
5Men, #Tra 17.14,15 lè Silas ak Timote rive sòti Masedouàn, Pòl te bay tout tan l pou travay predikasyon an sèlman: li t'ap bay jwif yo tout kalite prèv pou moutre yo Jezi se Kris yo t'ap tann lan. 6Men, #Tra 13.46,51; 20.26 jwif yo pran kenbe tèt avèk li, yo t'ap joure l. Lè l wè sa, li souke pousyè ki te sou rad li, epi l di yo:
— Si nou peri, se nou ki chache sa. Se p'ap fòt mwen. Depi kounyeya m'ap vire kò m bò kote moun ki pa jwif yo.
7Konsa li sòti, l'ale lakay Titiyis Jistis. Se te yon nonm ki pat jwif men ki te konvèti nan relijyon jwif yo. Kay li te tou kole ak sinagòg la. 8Krispis, #1 Kor 1.14 chèf sinagòg la, te mete konfyans li nan Senyè a ansanm ak tout fanmi li. Anpil lòt moun Korent te kwè tou lè yo te tande sa Pòl t'ap di yo, epi yo te resevwa batèm. 9Yon #1 Kor 2.3 jou lannwit, Pòl fè yon vizyon. Li wè Senyè a ki di li:
— Ou pa bezwen pè, se pou ou kontinye pale. Pa fèmen bouch ou. 10Mwen #Joz 1.5,9; Eza 41.10; 43.5; Jer 1.8; Oze 2.23; Jan 10.16 la avèk ou. Pèsonn p'ap ka mete men sou ou pou fè ou anyen. Gen anpil moun ki pou mwen nan lavil la.
11Konsa, Pòl pase dizwit mwa lavil Korent, li t'ap moutre moun yo pawòl Bondye a. 12Pandan Galyon te gouvènè nan peyi Lakayi, jwif yo mete tèt ansanm, yo leve dèyè Pòl. Yo mennen l devan tribinal la, 13epi yo di:
— Nonm sa a ap chache pran tèt moun pou fè yo sèvi Bondye yon jan ki kont lalwa.
14Pòl #Tra 25.18-20 ta pral pale, lè Galyon di jwif yo konsa:
— Nou menm jwif, koute: si se te yon krim osinon yon movezak li te fè, mwen ta pèdi tan m koute nou. 15Men, #Jan 18.31 si se yon bann diskisyon sou mo, sou non, sou lalwa jwif yo, sa se zafè ki gade nou. Mwen p'ap antre nan bagay konsa pou m mete rezon.
16Epi li mete tout moun deyò nan tribinal la. 17Lè #1 Kor 1.1 sa a, jwif yo mete men sou Sostèn, chèf sinagòg la, yo bat li byen bat devan tribinal la. Men, Galyon pa okipe yo menm.
Pòl tounen lavil Antyòch
18Pòl #Tra 21.24; Nonb 6.9,18 rete kèk tan ankò lavil Korent. Apre sa, li kite frè yo, li anbake sou yon batiman pou peyi Siri ansanm ak Prisil ak Akilas. Anvan sa, li fè kale tèt li nan Sankre paske li te fè yon ve. 19Rive yo rive lavil Efèz, Pòl kite Prisil ak Akilas, l'al nan sinagòg la, li pran diskite ak jwif yo. 20Yo mande l pou l rete pi lontan ak yo, men li pat vle. 21Anvan l #Wòm 1.10; 1 Kor 4.19; Jak 4.15 kite yo, li di yo:
— M'a tounen vin wè nou, si Bondye vle.
Epi li moute yon batiman, li kite Efèz. 22Lè l #Tra 21.15 debake lavil Sezare, li moute Jerizalèm, li pase di legliz la bonjou. Apre sa, l'al Antyòch. 23Li pase kèk tan la, epi li pati ankò. Li pase nan tout peyi Galasi ak peyi Friji, li t'ap fòtifye tout disip yo nan konfyans yo nan Bondye.
Apolòs lavil Efèz ak lavil Korent
24Yon #1 Kor 3.6 jwif yo te rele Apolòs rive lavil Efèz. Se te moun lavil Aleksandri. Nonm sa a te konn pale byen, li te konn tou sa ki te ekri nan Liv yo. 25Yo #Tra 19.3; Wòm 12.11; Rev 3.15 te moutre l chemen Bondye a. Depi lè sa a, li te cho pou l te anonse pawòl la. San dezanpare li t'ap moutre moun yo tou sa li te konnen sou Jezi yon jan ki konfòm ak verite a. Men, se batèm Jan an ase li te konnen. 26Li t'ap pale avèk fòs konviksyon nan sinagòg la. Lè Prisil ak Akilas tande l, yo pran l avèk yo epi yo fin moutre li chemen Bondye a yon jan ki pi kòrèk. 27Apre #2 Kor 3.1; Kol 4.10 sa, Apolòs fè lide ale Lakayi. Frè yo te ankouraje li. Yo ekri yon lèt voye bay disip yo ki nan peyi sa a pou yo te byen resevwa Apolòs. Lè li rive Lakayi, li bay moun Bondye te fè favè kwè yo yon gwo konkou. 28Se #Tra 9.22; 17.3 avèk gwo konviksyon devan tout moun li t'ap moutre jwif yo ki jan yo te nan lerè: li pran sa ki ekri nan Liv yo a, li t'ap ba yo prèv se Jezi ki Kris la.
Chwazi Kounye ya:
Travay 18: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.