Detewonòm 24
24
Lwa sou divòs ak remaryaj
1Si yon nonm marye ak yon fanm epi rive #Mat 5.31; 19.7; Mak 10.4 yon lè fanm lan pa fè l plezi ankò, paske li dekouvri nan fanm lan yon bagay ki pa byen, l'a ekri yon papye divòs bay fanm lan, epi l''a voye l tounen lakay papa l. 2Apre sa, si fanm lan kite kay papa l, l'al marye ak yon lòt gason, 3sipoze dezyèm mari a tou ta rive pa vle wè l, epi li ekri yon lèt divòs ba li, epi li voye l tounen lakay papa l ankò, osinon sipoze dezyèm mari a ta rive mouri, 4lè #Jer 3.1 sa a, premye mari a p'ap ka marye avè l ankò. Se pou li konsidere fanm lan tankou yon moun ki pa nan kondisyon pou sèvi Bondye. Paske si li marye avè l apre sa, l'ap fè yon bagay Senyè a pa vle wè. Piga nou rale madichon sou peyi Senyè a, Bondye nou an, ap ban nou pou rele nou pa nou an.
5Si #Pwo 5.18 yon nonm fenk marye, li pa fèt pou l'al nan lagè, ni yo pa bezwen mande l fè okenn travay nan sèvis piblik pandan ennan. Konsa, pandan tan sa a, la lib pou l rete lakay li pou l fè kè madanm li kontan.
6Lè n'ap prete yon moun lajan, nou pa gendwa pran de wòl moulen li yo, pa menm yon sèl ladan yo, pou garanti. Si nou fè sa, se tankou si se te lavi moun lan menm nou te pran pou garanti.
7Si #Egz 21.16 yo bare yon moun pèp Izrayèl ap kenbe yon moun pèp Izrayèl parèy li pou fè l tounen esklav li osinon pou l vann li, se pou yo touye l. Se konsa n'a wete bagay mal k'ap fèt nan mitan nou.
8Lè #Lev 13.2-59; 14.2-57; Mak 1.44 gen yon ka move maladi po, se pou nou sèten yo fè tou sa moun Levi yo mande fè. Se pou nou swiv tout regleman mwen te ba yo sou sa. 9Pa #Nonb 12.10 janm bliye sa Senyè a, Bondye nou an, te fè Miryam, lè nou t'ap sòti kite peyi Lejip la.
10Lè n'ap prete yon moun yon lajan sou garanti, nou pa gendwa antre lakay li pou n'al pran sa l'ap ban nou pou garanti a. 11N'a rete deyò, n'a tann li pote garanti a ban nou deyò a. 12Si se yon pòv, pa kite rad li ban nou pou garanti a pase nwit lakay nou. 13Se #Egz 22.26,27; Det 6.25; Jòb 24.7; 31.19,20; Sòm 112.9 pou nou tounen l ba li lè solèy kouche, pou l ka mete l sou li lè l'ap dòmi. L'a genyen nou rekonesans, epi nou menm nou va fè yon bon zèv devan Senyè a, Bondye nou an.
14Piga #Lev 25.39-43; Mal 3.5 nou peze yon pòv malere k'ap travay pou lajan l, li te mèt yon moun pèp Izrayèl parèy nou, li te mèt yon moun lòt nasyon k'ap viv nan peyi a nan yonn nan lavil nou yo. 15Peye l #Lev 19.13; Det 15.9; Jer 22.13; Jak 5.4 lajan l chak jou, anvan solèy kouche, paske li pòv, li bezwen lajan an pou l viv. Konsa, li p'ap bezwen rele Senyè a pou nou. Men, si sa rive, se nou menm k'ap antò.
16Nou #2 Wa 14.6; Jer 31.29,30; Eze 18.20 pa gendwa touye yon papa pou krim pitit li fè. Ni nou pa gendwa touye yon pitit pou krim papa l te fè. Y'a touye yon moun pou krim li menm li fè. 17Pa #Egz 22.21,22; Jòb 24.3; Eza 1.23; Jer 5.28; Mal 3.5 fè okenn moun lòt nasyon k'ap viv nan mitan nou lenjistis. Respekte dwa òfelen san papa yo. Pa pran rad yon vèv pou garanti lajan nou prete li. 18Chonje #Det 5.15 nou menm tou nou te esklav nan peyi Lejip. Se Senyè a menm, Bondye nou an, ki te delivre nou. Se poutèt sa mwen mande nou pou nou swiv regleman sa a.
19Lè #Lev 19.9; 23.22; Det 14.29 n'ap ranmase rekòt ble nan jaden nou epi nou bliye ranmase kèk grap ki tonbe atè, pa tounen al pran yo. N'a kite yo pou moun lòt nasyon k'ap viv nan mitan nou, pou timoun san papa ak fanm ki pèdi mari yo. N'a fè sa pou Senyè a, Bondye nou an, ka beni nou nan tou sa n'ap fè.
20Lè n'ap keyi oliv, nou pa bezwen pase yon dezyèm fwa pou keyi sa ki te rete yo. N'a kite yo pou moun lòt nasyon k'ap viv nan mitan nou yo, pou ti òfelen san papa yo ak pou vèv yo. 21Lè #Lev 19.10 nou fin koupe grap rezen nan jaden nou yo, pa tounen yon dezyèm fwa anba chak pye rezen pou repase branch yo. Sa ki va rete a, n'a kite yo pou moun lòt nasyon k'ap viv nan mitan nou yo, pou timoun ki san papa ak pou fanm ki pèdi mari yo. 22Se pou nou toujou chonje yon lè nou te esklav nan peyi Lejip. Se poutèt sa mwen mande nou pou nou swiv lòd mwen ban nou la a.
Chwazi Kounye ya:
Detewonòm 24: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.