Detewonòm 26
26
Ofrann fwi premye rekòt jaden nou yo
1Lè n'a rive nan peyi Senyè a, Bondye nou an, ban nou pou rele nou pa nou an, lè n'a fin pran tout peyi a pou nou pou nou rete ladan l, 2chak #Egz 23.19; Nonb 15.20; 18.13; Det 12.5; Pwo 3.9 moun va pran premye donn tout pyebwa nan jaden li fè sou tè Senyè a, Bondye li a, va ba li, la mete yo nan yon panyen, epi la pote l kote Senyè a te chwazi pou l rete nan mitan nou an. 3L aval jwenn prèt ki desèvis lè sa a, epi la di l:
— Mwen deklare jòdi a, devan Senyè a, Bondye mwen an, mwen rekonèt mwen antre nan peyi li te pwomèt li t'ap bay zansèt nou yo.
4Prèt la va pran panyen an nan men li, la depoze l devan lotèl Senyè a, Bondye nou an. 5Lè #Jen 28.5; 43.1,2; 46.27; Det 10.22 sa a, moun k'ap fè ofrann lan va pran lapawòl devan Senyè a, Bondye nou an, la fè deklarasyon sa a:
— Zansèt mwen te yon moun peyi Aram ki t'ap pwonmennen mache toupatou. Yon jou, li desann nan peyi Lejip ak moun pa l yo ki pat anpil. Yo pase kèk tan nan peyi a, yo tounen yon gwo nasyon ki te fò ak anpil anpil moun ladan l. 6Moun #Egz 1.11,14 peyi Lejip yo tonbe maltrete nou, yo malmennen nou, yo fòse nou travay di tankou esklav. 7Lè #Egz 2.23-25; 3.9 sa a, nou rele Senyè a, Bondye zansèt nou yo, pou l vin ede nou. Li tande lapriyè nou. Li wè nan ki mizè nou te ye, li wè tout lapenn ki te nan kè nou, li wè jan yo t'ap peze nou. 8Senyè a #Egz 12.37,51; Det 4.34 fè nou sòti kite peyi Lejip la ak gwo fòs ponyèt li, li te fè anpil mirak ak anpil mèvèy, bagay ki te fè moun pè anpil. 9Apre #Egz 3.8 sa, li mennen nou isit la, li ban nou bèl tè sa a, kote lèt ak siwomyèl se kou dlo. 10Se sa ki fè kounyeya, Senyè, mwen pote ba ou pi bèl fwi nan premye rekòt ou ban mwen nan peyi a.
Apre sa, nonm lan va depoze panyen an devan Senyè a, Bondye nou an, la mete ajenou devan l. 11Lèfini, #Det 12.7,12 li menm ak tout moun lakay li, l'a fè fèt pou tout bon bagay sa yo Senyè a te ba li. L'a fè moun Levi yo ansanm ak moun lòt nasyon k'ap viv nan mitan nou yo fete ansanm ak li tou.
Ladim sou tout bagay
12Chak #Lev 27.30; Nonb 18.24; Det 14.28,29 twazan, n'a bay ladim, yon dizyèm nan tout bagay nou rekòlte. N'a ranmase sa n'ap bay la, n'a mache nan tout vil yo, n'a bay prèt yo, moun lòt nasyon yo, òfelen san papa yo ak vèv yo, pou yo tout ka jwenn kont manje yo. 13Lèfini, #Sòm 119.141,153,176 n'a parèt devan lotèl Senyè a, Bondye nou an, n'a di l:
— Mwen pa kite lakay mwen anyen nan sa mwen fèt pou mete apa pou ou. Mwen mache bay prèt yo, moun lòt nasyon yo, timoun san papa ak vèv yo, dapre lòd ou te ban mwen. Mwen fè tou sa ou te mande m fè sou kèsyon sa a. Mwen pa bliye angen nan tou sa ou di m. 14Mwen #Lev 7.20; Jer 16.7; Oze 9.4 pa te manje ladan yo lè mwen te nan lapenn, ni lè mwen pa te nan kondisyon pou fè sèvis pou ou. Ni mwen pa te wete ladan li pou fè manje lenmò. Senyè, Bondye mwen, mwen te obeyi ou, mwen te fè tou sa ou te ban mwen lòd fè sou kesyon sa a. 15Rete #Eza 63.15; Zak 2.13 nan syèl la, nan kay ki apa nèt pou ou a, voye je ou gade pèp ou a. Beni pèp Izrayèl la ansanm ak tè ou te ban nou an dapre pwomès ou te fè zansèt nou yo. Beni peyi kote lèt ak siwo myèl ap koule tankou dlo a.
Pèp Izrayèl apa pou Bondye
16Senyè a, Bondye nou an, pase nou lòd jòdi a pou nou swiv tout lwa ak tout regleman sa yo. N'a kenbe yo, n'a fè sa yo mande nou la a ak tout kè nou ak tout nanm nou. 17Jòdi a #Egz 24.7 nou fè deklarasyon nou bay Senyè a: Nou di se li ki Bondye nou. Nou pwomèt pou nou toujou mache jan li vle l la, pou nou fè tou sa ki nan lwa, nan lòd ak nan regleman li yo pou nou toujou koute sa l di nou. 18Jòdi a #Egz 6.7; 19.5; Det 7.6; 14.2; 2 Sam 7.24 tou, Senyè a te asepte nou pou pèp li renmen anpil la, jan l te fè nou pwomès la. Epi li pase nou lòd pou nou fè tou sa la mande nou fè. 19L'ap #Lev 20.26; Det 7.6; 28.1,9; Jer 2.3 fè nou tounen nasyon ki pi gran pase tout lòt nasyon li te fè yo. N'a gen pouvwa pase yo, n'a gen repitasyon pase yo, y'a respekte nou pase yo. Wi, n'a yon pèp k'ap viv apa nèt pou Senyè a, Bondye nou an, jan l te di l la.
Chwazi Kounye ya:
Detewonòm 26: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.