Jenèz 18
18
Anons Sara pral ansent
1Senyè a #Jen 13.18 parèt devan Abraram bò pye bwadchenn Manmre yo. Abraram te chita nan papòt kay li, lè ki te fè pi cho nan lajounen an. 2Abraram #Jen 19.1; Eb 13.2 leve je l, li rete konsa li wè twa mesye kanpe devan li toupre pyebwa yo. Wè li wè yo, li leve nan papòt la, li kouri al jwenn yo, li bese tèt li jouk atè pou l di yo bonjou. 3Li di:
— Mèt, tanpri. Pa pase devan lakay mwen san ou pa fè yon ti rete. Se sèvitè ou mwen ye. 4Kite m #Jen 19.2; 43.24; Lik 7.44; Jan 13.14; 1 Tim 5.10 mande yo pote ti gout dlo pou lave pye ou. Lèfini, w'a pran yon ti repo anba pyebwa sa a. 5M'a pote yon ti manje pou ou soutni kè ou pou ou reprann fòs pou ou ka kontinye vwayaj ou. Ou rive lakay mwen, mwen la pou m sèvi ou.
Yo reponn li:
— Dakò. Ou mèt fè jan ou di a.
6Abraram kouri lakay li, l'ale jwenn Sara. Li di l konsa:
— Fè vit. Pran trant liv farin bon kalite, mouye l, fè pen.
7Apre sa, Abraram kouri al nan bann bèt li yo, li pran yon jenn ti bèf byen gra, li bay yonn nan domestik li yo li pou li prese al kòche l. 8Apre sa, li pran fwonmaj, li pran lèt fre, li mete yo ansanm ak vyann yo te pare a, li sèvi mesye yo. Pandan yo t'ap manje, Abraram te kanpe bò kote yo anba pyebwa a. 9Lèfini, yo mande l:
— Kote Sara, madanm ou?
Li reponn:
— Li la wi, anndan kay la.
10Yonn #Jen 21.2; 2 Wa 4.16; Wòm 9.9 nan vizitè yo di l:
— Mwen gen pou m tounen isit la, lè konsa lanne k'ap vini an. Lè sa a, Sara, madanm ou, ap gentan gen yon pitit gason.
Sara menm te kanpe nan papòt la dèyè Abraram, li t'ap koute. 11Abraram #Jen 17.17; Wòm 4.19; Eb 11.11,12 ak Sara te fin vye granmoun. Yo te antre nan laj. Sara te sispann gen lalin li. 12Sara #Lik 1.18; 1 Pyè 3.6 tonbe ri nan kè l, li t'ap di:
— Kounyeya, kalite jan m fin vye a, ou kwè lide m ta sou gason toujou! Epitou, mari mwen, mèt mwen, fin granmoun!
13Senyè a di Abraram:
— Sa ki gen la a atò pou Sara ri konsa a, pou l'ap di nan kè li: O wi, ou kwè m'ap janm rive fè pitit pou jan mwen fin granmoun nan! 14Bon. #Jòb 42.2; Jer 32.17; Zak 8.6; Mat 19.26; Lik 1.37; Wòm 4.21; 9.9 Eske gen kichòy ki twòp la a pou Mèt la fè? Sou dat mwen fikse a, m'a tounen pase wè ou ankò. Lè sa a, Sara va gen yon pitit gason.
15Sara te pè, li t'ap plede, li t'ap di:
— Mwen pat ri non!
Men Senyè a di l:
— Men wi, machè, ou te ri.
Abraram mande gras pou Sodòm
16Mesye yo leve, yo pati, yo mete tèt sou Sodòm. Yo rive kote yo te ka voye je yo gade anba pou wè Sodòm. Abraram menm t'ap mache ak yo. Li t'ap kondi yo mete pi devan sou wout la. 17Senyè a #Sòm 25.14; Am 3.7; Jan 15.15 di nan kè l:
— Mwen pa kapab kache Abraram sa m pral fè a. 18Pitit #Jen 12.3 pitit li yo pral tounen yon gwo nasyon ki va gen pouvwa. Gremesi Abraram, tout nasyon sou latè pral jwenn benediksyon. 19Mwen #Det 4.9; Joz 24.15 te chwazi l pou l te pase pitit li yo ak tout rès fanmi l k'ap vin apre li yo lòd pou yo mache nan chemen Senyè a met devan yo, pou yo fè sa ki kòrèk ak sa ki dwat devan Bondye. Se konsa m'a fè pou li tou sa mwen te pwomèt li a.
20Apre #Jen 4.10; 19.13; Jak 5.4 sa, Senyè a di:
— Se pa ti kras bagay y'ap di sou moun Sodòm ak moun Gomò, paske peche moun sa yo lou anpil. 21M'ap #Jen 11.5; Egz 3.8 desann pou m wè ak je mwen si sa y'ap di sou yo a se vre. Si se pa vre, m'a konnen.
22Mesye #Jen 19.1; Sòm 106.23 yo pati, yo mete tèt sou Sodòm. Men, Senyè a te rete ak Abraram. 23Abraram #Jen 20.4; Nonb 16.22; 2 Sam 24.17 pwoche bò kote Senyè a, li mande l:
— Eske se vre ou pral touye inonsan yo ansanm ak koupab yo? 24Si gen senkant moun inonsan nan lavil la, eske w'ap detwi tout lavil la? Eske ou p'ap fè pa lavil la poutèt senkant inonsan sa yo? 25Aa! #Jòb 8.3,20; 34.10; Sòm 58.11; Wòm 3.5,6 Pou di w'ap fè inonsan peri ak koupab? Se pa posib. Ou pa ka fè sa. Se lenjistis pou inonsan gen menm sò ak koupab. Non, sa pa ka fèt. Bondye k'ap jije tout moun sou tè a pa ka nan fè lenjistis.
26Senyè a #Jer 5.1; Eze 22.30; Mat 24.22 reponn:
— Si mwen jwenn senkant inonsan nan lavil Sodòm, m'ap fè pa tout lavil la, poutèt senkant inonsan sa yo.
27Abraram #Lik 18.1 pale ankò, li di:
— Eskize m wi! Senyè, si m penmèt mwen pale ankò. Se moun ase mwen ye, mwen pa gendwa di ou anyen. 28Men, si se karannsenk moun inonsan sèlman ou jwenn, eske ou pral detwi tout lavil la paske manke senk pou fè senkant lan?
Senyè a reponn:
— Si mwen jwenn karannsenk inonsan sèlman, mwen p'ap detwi lavil la.
29Abraram pale ankò, li di:
— Ou pa janm konnen, ka gen karant inonsan ase?
Senyè a reponn:
— Si gen karant inonsan, mwen p'ap detwi lavil la.
30Abraram di:
— Tanpri, Senyè, pa fache sou mwen non. M'ap di ou yon ti mo ankò. Ou pa janm konnen, ou ka jwenn trant inonsan ase nan lavil la.
Senyè a reponn:
— Si mwen jwenn trant, m'ap fè pa lavil la.
31Abraram di:
— Eskize m wi, Senyè, si m penmèt mwen pale toujou. Men, sipoze ou jwenn ven inonsan sèlman?
Senyè a reponn li:
— Si mwen jwenn ven inonsan, m'ap fè pa lavil la.
32Abraram #Jij 6.39 di ankò:
— Tanpri, Senyè, pa fache sou mwen non. M'ap di yon dènye mo. Si ou jwenn dis inonsan ase?
Senyè a reponn li:
— Si mwen jwenn dis inonsan, m'ap fè pa lavil la.
33Apre li fin pale ak Abraram, Senyè a al fè wout li. Abraram menm tounen lakay li.
Chwazi Kounye ya:
Jenèz 18: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.