Jenèz 23
23
Lanmò Sara
1Sara viv sanvennsetan (127 an). 2Li #Jen 13.18 mouri Kiryat-Aba, nan zòn Ebwon, nan peyi Kanaran. Abraram chita bò kadav la, nan gwo lapenn, pandan tout tan veye a ap fèt la. 3Abraram leve bò kote kadav la, l'al pale ak moun Et yo. Li di yo konsa:
4— Se #Sòm 105.12; Tra 7.5; Eb 11.9 etranje mwen ye, se depasaj mwen ye nan mitan nou. Vann mwen yon anplasman pou m ka antere madanm mwen, konsa m'a wete kadav la devan je m.
5Moun Et yo reponn Abraram, yo di l konsa:
6— Mèt, #Jen 13.2; 14.14 koute sa n'ap di ou. Ou se yon grannèg Bondye voye nan mitan nou. Chwazi yonn nan pi bon kavo nou yo pou antere madanm ou. Pa gen yonn nan nou ki pou ta refize ba ou kavo li pou antere madanm ou.
7Abraram kanpe. Pa respè pou moun Et yo, li bese tèt li byen ba devan yo. 8Li di yo:
— Si nou dakò pou m antere madanm mwen isit la, pou m wete kadav li devan je m, koute sa m'ap di nou. Nou konnen Efwon, pitit gason Zoka a? Pale avè l pou mwen. 9Mande l pou l vann mwen twou wòch Makpela a ki pou li nan bout jaden l lan. Mande l pou l vann mwen li pou pri li vo, pou sa ka sèvi m simityè isit la.
10Efwon #Jen 34.20; Rit 4.1,4 te chita la avèk lòt moun Et yo, bò pòtay lavil la, kote moun yo konn reyini an. Devan moun Et yo, devan tout moun ki t'ap pase bò pòtay la, Efwon reponn Abraram. Li di li:
11— Non, #2 Sam 24.20-24 mèt! Koute sa m'ap di ou: Mwen fè ou kado jaden an ak tout twou wòch ki ladan l lan. Mwen fè ou kado l devan tout moun peyi m yo. M'ap ba ou l pou ou ka antere madanm ou.
12Men, Abraram bese tèt li byen ba devan moun Et yo. 13Li pale ak Efwon pou tout moun ka tande. Li di l:
— Koute sa m'ap di ou: M'ap achte tout jaden an nan men ou pou pri li vo. Tanpri, asepte lajan m'ap ba ou pou li a. Se lè sa a m'a antere madanm mwen ladan l.
14Efwon reponn Abraram:
— Mèt, tanpri koute sa m'ap di ou: 15Yon #Egz 30.13 moso tè ki vo katsan (400) pyès lò, pa gen rezon pou n'ap diskite pou sa. Antere madanm ou sou li non!
16Abraram #Jer 32.9 dakò ak sa Efwon di l la. Li peze lajan an, li bay Efwon li devan tout moun Et yo. Wi, li ba li katsan (400) pyès lò dapre jan kòmèsan yo te sèvi nan peyi a.
17Se konsa, moso tè Efwon te gen Makpela a, anfas peyi Manmre a, ansanm ak tout twou wòch la ak tout pyebwa ki nan jaden an, jouk sou lizyè li, 18yo vin pou Abraram, devan tout moun Et yo, devan tout moun ki te bò pòtay la. 19Apre sa, Abraram antere Sara, madanm li, nan twou wòch ki te nan jaden Makpela a, anfas Manmre yo rele Ebwon an, nan peyi Kanaran. 20Se #Rit 4.7-10; Jer 32.10,11 konsa, Abraram achte jaden an ak tout twou wòch ki te ladan l lan, nan men moun Et yo, li fè l sèvi simityè pou li.
Chwazi Kounye ya:
Jenèz 23: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.