Jenèz 27
27
Jakòb pran benediksyon Ezayi
1Izarak #Jen 48.10; 1 Sam 3.2 te fin vye granmoun, je l pat bon, li pat kapab wè ladan yo ankò. Li rele premye pitit li a, Ezayi, li di l konsa:
— Pitit mwen,
Ezayi reponn li:
— Men mwen wi, papa.
2Izarak di l:
— Ou wè jan m fin vye. Mwen pa konn ki jou m'ap mouri. 3Tanpri, #Jen 25.27,28 pran zam ou yo, flèch ou yo ak banza ou la. Ale nan bwa a, chase jibye pou mwen. 4Lèfini, #Jen 27.9,10; 48.9,15; 49.28 pare vyann lan jan ou konnen mwen renmen l lan, pote l ban mwen. M'a manje. Epi m'a ba ou benediksyon mwen anvan m mouri.
5Rebeka menm t'ap koute sa Izarak t'ap di Ezayi, gason li an. Ezayi soti, l'ale lachas pou papa li. 6Lè sa a, Rebeka di Jakòb, pitit li a:
— Men mwen fenk tande papa ou di Ezayi, frè ou la: 7Al chase jibye pote pou mwen, kwit li, m'a manje. Apre sa, m'a beni ou devan Senyè a anvan m mouri. 8Kounyeya, pitit mwen, koute sa m'ap di ou: Fè sa m'ap mande ou la. 9Ale pran de jenn kabrit byen gra nan bann lan, pote yo ban mwen. M'a pare yo pou papa ou jan m konnen li renmen l lan. 10W'a #Jen 27.4 pote l bay papa ou, l'a manje, l'a beni ou anvan l mouri.
11Jakòb #Jen 25.25 reponn manman l:
— Men manman, Ezayi, frè mwen an, gen pwal sou tout kò li. Mwen menm, po pa m lis. 12Si #Jen 27.22; Det 27.18 papa m manyen m, l'a wè se twonpe m'ap twonpe l. Lè sa a pase li ban mwen benediksyon, la ban m madichon pito.
13Men #Jen 27.8; 1 Sam 25.24; 2 Sam 14.9 manman an reponn:
— Madichon l'a ba ou a va tonbe sou mwen, pitit mwen. Ou menm, fè sa mwen di ou fè a, al chache kabrit yo mennen ban mwen.
14Jakòb ale chache bèt yo, li mennen yo bay manman l. Manman l pare yon manje jan li konnen papa a te renmen l lan. 15Apre #Jen 27.27 sa, Rebeka pran rad Ezayi, premye pitit li a, pi bèl rad Ezayi te gen lakay la, li mete yo anwo Jakòb, dezyèm pitit li a. 16Avèk po ti kabrit yo, li kouvri bra ak kou Jakòb. 17Apre sa, li bay Jakòb manje a avèk pen li te fè. 18Jakòb al jwenn papa l, li di:
— Papa.
Izarak reponn li:
— Men mwen, pitit mwen. Kilès nan nou ki la a?
19Jakòb reponn:
— Se mwen menm Ezayi, premye gason ou lan. Mwen fè sa ou te di m fè a. Leve non, chita. Manje vyann mwen pote pou ou a. Apre sa, w'a ban mwen benediksyon.
20Izarak di Jakòb:
— Ki jan ou fè jwenn bèt la vit konsa, pitit mwen?
Jakòb reponn li:
— Senyè a, Bondye ou la, ede m. Li fè jibye a vin devan mwen.
21Izarak #Jen 27.12 di:
— Pwoche non. Vini mwen manyen ou, pitit mwen, pou m wè si wi ou non ou se Ezayi, pitit mwen an.
22Jakòb pwoche bò kote Izarak, papa l, ki manyen l. Epi Izarak di:
— Vwa a se vwa Jakòb, men bra a se bra Ezayi.
23Li #Jen 27.16; Eb 11.20 pat rekonèt Jakòb, paske bra li te plen pwal tankou bra Ezayi, frè li a. Izarak beni l. 24Li di l:
— Se vre, se Ezayi, pitit mwen, ou ye?
Jakòb reponn li:
— Se mwen wi.
25Izarak #Jen 27.10 di l:
— Sèvi m non. M'a manje vyann ou pote a. Apre sa, m'a beni ou.
Jakòb sèvi l manje a, li manje. Lèfini, Jakòb ba li diven, li bwè. 26Izarak, papa l, di l:
— Pwoche non, pitit mwen. Vin bo m.
27Jakòb #Jen 27.15; Oze 14.6; Eb 6.7 pwoche, li bo papa l. Papa a pran sant rad ki te sou li a, epi li ba li benediksyon l. Li di l:
— Sant kò pitit mwen an tankou sant yon tè jaden Senyè a beni.
28Se #Det 33.13,28; 2 Sam 1.21; Jowèl 2.19; Zak 8.12 pou Bondye ba ou lawouze ki sòti nan syèl la.
Se pou l fè jaden ou donnen anpil.
Se pou l ba ou bèl rekòt ble ak rezen.
29Se #Jen 12.3; 49.8; 2 Sam 8.14 pou kantite pèp soumèt devan ou.
Se pou kantite nasyon bese tèt devan ou.
Se ou menm ki pou mèt frè ou yo.
Se pou pitit pitit manman ou yo bese tèt devan ou.
Se pou tout moun ki ba ou madichon jwenn madichon.
Se pou tout moun ki beni ou jwenn benediksyon.
30Izarak te fin beni Jakòb. Jakòb te fenk kite papa li, Izarak, lè Ezayi, frè li a, antre sòti lachas. 31Li te pare yon bon plat manje, li pote l bay papa l. Li di l:
— Leve chita non, papa. Manje vyann pitit ou pote pou ou a, pou ou ka beni l.
32Izarak, papa l, mande:
— Ki moun sa a?
Li reponn:
— Se mwen menm, Ezayi, premye pitit gason ou lan.
33Tande #Nonb 23.20 Izarak tande sa, li sezi, li pran tranble kou fèy bwa. Li di:
— Kilès sa ki te pote ban m manje jibye li sot chase a? Mwen fenk fin manje anvan ou rive la a. Mwen ba li benediksyon m lan ki pou li nèt.
34Lè #Eb 12.17 Ezayi tande sa, yon sèl kòlè moute l, li tonbe rele byen fò:
— Beni m tou non, papa!
35Izarak reponn li:
— Frè ou la vini, li twonpe m. Li pran benediksyon ki te pou ou a.
36Ezayi #Jen 25.26,33 di:
— Sa fè dezyèm fwa li twonpe mwen. Eske se paske li rele Jakòb la (kenbe talon) kifè l'ap pase sou mwen konsa? Yon premye fwa, li pran dwa mwen kòm premye pitit. Men koulyeya, li pran benediksyon ki te pou mwen an!
Apre sa, li di:
— Men papa, èske pa gen lòt benediksyon ki rete pou mwen?
37Izarak #Jen 27.28,29 reponn Ezayi:
— Mwen mete l chèf sou ou. Mwen fè tout rès fanmi an tounen moun k'ap sèvi l. Mwen ba li mèzi pwovizyon l. Kisa m ka fè pou ou ankò, pitit mwen?
38Ezayi #Eb 12.17 di papa a:
— Se sèl benediksyon sa a ou te genyen, papa? Tanpri, beni m tou non, papa!
Lè sa a, Ezayi pete yon sèl rèl, li kriye byen fò. 39Se #Jen 36.6,7 konsa Izarak di li:
— Latè p'ap ba ou sa li ta dwe ba ou.
P'ap gen lawouze ki soti nan syèl la pou wouze jaden ou.
40Se #Jen 25.23; 2 Wa 8.20,22 zam ou k'ap fè ou viv.
W'ap sèvi frè ou la se vre.
Men se pyepoudre ou ye, W'a jwe jouk ou soti anba men li.
41Ezayi te rayi Jakòb poutèt papa a te ba li benediksyon ki te pou li a. Li di nan kè l: Papa m pa lwen mouri. Fini yo fini antere l, m'ap touye Jakòb, frè mwen an.
42Yo vin rapote Rebeka entansyon Ezayi, premye pitit gason li. Li rele Jakòb li di li:
— Koute non! Frè ou Ezayi vle tire revanj sou ou wi. L'ap chache jwen pou li touye ou. 43Kounyeya, pitit mwen, koute sa m'ap di ou la. Leve, pati ale kay Laban, frè mwen an ki rete nan peyi Karan. 44W'a rete kèk tan la avèk li, jouk tan kòlè frè ou la va bese, 45jouk tan l'a sispann move sou ou, jouk li va bliye sa ou te fè l la. Lè sa a, atò, m'a voye chache ou, m'a fè ou tounen. Poukisa pou m ta pèdi tou de pitit gason m yo yon sèl jou a?
Jakòb kay Laban
46Rebeka #Jen 26.34,35 di Izarak konsa:
— Mwen degoute, mwen bouke ak bann fi Et sa yo. Pase pou m ta wè Jakòb pran yonn nan moun sa yo, yonn nan bann fi Et sa yo k'ap viv nan peyi a pou madanm, pito m mouri!
Chwazi Kounye ya:
Jenèz 27: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.