Ezayi 8
8
Ezayi gen yon lòt pitit gason
1Senyè a pale avè m', li di m' konsa:
— Pran #Aba 2.2 yon gwo wòch plat ak yon biren mason. Ekri pawòl sa yo sou li ak gwo lèt: PRESE PIYE. PRESE DEVALIZE.
2Lèfini, #2 Wa 16.10 mwen pran de moun serye, Ouri, yon prèt, ak Zakari, pitit Jeberekiya a, pou yo sèvi m temwen.
3Apre sa, mal kouche ak madanm mwen. Li vin ansent, li fè yon pitit gason. Senyè a di m konsa:
— W'a rele l: Prese piye, prese devalize. 4Anvan #Eza 7.16 pitit la gentan ka di papa manman, moun peyi Lasiri yo ap pran tout richès moun lavil Damas yo ak tou sa moun Samari yo pran nan piyay, y'a pote yo ale bay wa pa yo a.
Wa peyi Lasiri a ap vini
5Senyè a pale avè m ankò, li di m konsa:
6— Paske #Jan 9.7 pèp la meprize dlo larivyè Siloe a k'ap koule tou dousman, paske yo tranble devan #8.6: yo tranble devan: Dapre kèk vèsyon, men tèks ebre a bay: yo fè kè yo kontan devan. wa Rezin ak wa Pekak, pitit Remalya a, 7mwen #Eza 7.20 menm, Senyè a, m'ap fè wa peyi Lasiri a vin atake yo ak tout fòs li. L'ap vini tankou dlo gwo larivyè Lefrat la lè l'ap desann. L'ap gonfle, l'ap debòde sou tout rivay li yo. 8L'ap #Eza 7.14 anvayi tout peyi Jida a, l'ap rive rakou, l'ap kouvri tout peyi a.
Bondye avèk nou! L'ap pwoteje peyi a anba zèl li!
9Nou menm, moun tout nasyon yo, manyè konn sa! Nou mèt tranble! Nou menm ki rete nan peyi byen lwen, louvri zòrèy nou! Pare pou nou goumen! Men, konnen nou anba kou! Wi, mwen di nou pare pou nou goumen. Men, konnen nou anba kou! 10Nou mèt fè plan nou. Men, sa p'ap mache! Nou mèt pale jan nou vle. Men, sa p'ap sèvi nou anyen, paske nou menm patizan Bondye yo, se Bondye ki avèk nou!
Bondye pale ak pwofèt la
11Wi, Senyè a lonje men l, li pran m. Li tou pale m pou m pa swiv chemen pèp la t'ap swiv la. Li di m konsa: 12Pa #Eza 7.2; 1 Pyè 3.14 rele konplo sa pèp la rele konplo. Ou pa bezwen pè sa pèp la pè a. Wi, ou pa bezwen gen kè sote. 13Chonje, #Nonb 20.12 se mwen menm, Senyè ki gen tout pouvwa a, pou nou konsidere tankou Bondye apa a! Se mwen menm pou nou pè. Se pou mwen nou dwe gen krentif. 14Paske #Eze 11.16; Wòm 9.33; 1 Pyè 2.8 se mwen menm ki yon Bondye apa. M'ap tounen yon wòch k'ap fè nou bite, yon wòch k'ap fè moun peyi Izrayèl yo ak moun peyi Jida yo tonbe! M'ap tounen yon move pa, yon pèlen pou moun lavil Jerizalèm yo. 15Anpil #Eza 28.13; Mat 21.44 moun pral bite, y'ap tonbe, y'ap kase ren yo. Y'ap tonbe nan pèlen an, y'ap pran ladan l.
Pa janm al kay divinò
16Se #Eza 8.1,2 pou patizan m yo kenbe pawòl Bondye di m lan. Se pou yo kenbe lòd Bondye yo nan kè yo! 17Senyè a #Eza 1.15; Aba 2.3 vire do l bay moun fanmi Jakòb yo. Men, mwen menm m'ap konte sou li, m'ap mete tout espwa m nan li. 18Men #Eza 7.3; 8.3; Eb 2.13 mwen ansanm ak tout pitit Senyè a ban mwen yo! Senyè ki gen tout pouvwa a, li menm ki rete sou mòn Siyon an, li fè nou tounen yon siy nan mitan pèp la pou nou moutre sa ki pral rive. 19Si #Lev 19.31; 1 Sam 28.11-14; 2 Wa 23.24; Eza 19.3 pèp la mande nou pou n'al kay divinò ak kay moun k'ap rele mò, yon bann moun k'ap pale chwichwi pou moun pa ka konprann, si yo di nou: Eske moun gendwa mande fodye sa pou yo fè? Eske yo gendwa al rele mò pou vivan? 20#8.20: Nou pa fin sèten se sans sa a pou nou bay vèsè sa a dapre tèks ebre a. W'a reponn yo: Koute pawòl Senyè a, koute sa li te moutre nou an! Si nou koute moun k'ap di nou fè lòt bagay, n'ap toujou rete nan fènwa.
Sa pral rèd nèt pou peyi a
21Moun pral pwonmennen mache nan tout peyi a, y'ap dekouraje, y'ap grangou. Grangou a ap tèlman manyen yo, l'ap fè yo madichonnen ni wa yo a ni Bondye yo a. Y'a leve je yo gade nan syèl, 22y'a #Eza 5.30; Na 1.8 bese je yo gade atè. Toupatou se va renk kè sere ak fènwa, yon fènwa k'ap fè kè tout moun kase. Y'ap pèdi nan gwo fènwa. Tout moun nan peyi a te mèt gen kè kase, rive yon lè sa gen pou chanje, fènwa a p'ap toujou rete la.
Chwazi Kounye ya:
Ezayi 8: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.