Jòb 24
24
1Poukisa Bondye ki gen tout pouvwa a #Ekl 9.12; Eza 2.12; Jowèl 1.15; 2.1; Am 5.18 pa fikse yon dat pou li jije tout moun,
yon jou pou li rann tout moun k'ap sèvi l yo jistis?
2Mechan #Det 19.14 yo deplase bòn tè moun.
Yo vòlò mouton lòt moun, mete ansanm avèk bann mouton pa yo.
3Yo #Jòb 22.6 pran bourik ki pou timoun san papa yo.
Yo sezi bèf vèv la jouk li resi peye dèt li.
4Yo #Pwo 28.28; Am 5.12; Sof 2.3 enpoze pòv yo jwenn sa ki vin pou yo.
Yo fòse tout pòv malere kouri al kache.
5Tankou #Sòm 104.21,23 bourik mawon, pòv yo sòti al nan dezè a,
y'al chache lavi pou pitit yo ki grangou.
Pa gen lòt kote yo ka ale.
6Y'ap ranmase rekòt pou lòt moun. #24.6: ranmase rekòt pou lòt moun: Lè grannèg yo fin pran tè pòv malere, malere yo blije al travay sou tè a pou yo pou yon ti kraze kòb.
Y'ap keyi rezen nan jaden pou mechan yo.
7Lè #Egz 22.26,27 yo toutouni, yo pa gen rad pou mete sou yo.
Lannwit, yo pa gen anyen pou chofe kò yo lè yo frèt.
8Lapli #Lam 4.5 k'ap tonbe sou mòn yo mouye yo jouk nan zo.
Yo kwoupi kò yo dèyè wòch pou pare lapli.
9Mechan yo wete timoun san papa yo nan men manman yo pou fè yo tounen esklav.
Yo pran rad pòv malere yo pou garanti dèt yo.
10Pòv #Jak 5.4 yo menm ap mache yon men devan yon men dèyè, san rad pou mete sou yo.
Y'ap mache ranmase rekòt nan jaden, men y'ap mouri grangou.
11Nan lakou mechan yo y'ap moulen grenn oliv fè lwil.
Y'ap kraze rezen fè diven. Men, y'ap mouri swaf dlo.
12Nan #Jer 51.52 lavil yo, ou tande moun k'ap mouri yo ap plenn.
Ou tande moun ki blese yo ap rele anmwe.
Men, Bondye fè tankou li pa tande yo.
13Se #Jan 3.19,20 moun sa yo ki pa vle wè limyè a.
Yo derefize konprann limyè a.
Yo pa vle pran chemen limyè a nan tou sa y'ap fè.
14Anvan #Sòm 10.8 bajou kase, ansasen an gentan leve,
pou l'al touye pòv malere yo.
Lannwit, se vòlò l'ap mache vòlò.
15Mouche #Pwo 7.9 marye k'ap fè adiltè a ap tann solèy kouche konsa.
Li bouche figi l pou pèsonn pa wè l.
16Lannwit, #Egz 22.2; Mat 6.20 vòlè ap kraze kay moun.
Lajounen yo kache, y'ap kouri pou solèy.
17Yo pè limyè lajounen an.
Men, pa gen anyen ki pou fè yo pè nan fènwa a.
18Lè #Jòb 9.26; Oze 10.7 sa a, Sofa di konsa: #24.18: Lè sa a, Sofa di konsa: Pa gen fraz sa a nan tèks ebre a, men tout moun dakò pawòl nou jwenn nan vèsè 18 rive vèsè 25 lan se pa pawòl Jòb yo ye.
— Men dlo desann pote mechan yo ale.
Madichon Bondye tonbe sou tout tè ki pou yo.
Yo pa sòti al travay nan jaden rezen yo.
19Menm #Jòb 21.13 jan chalè fonn lanèj, lèfini tè sèk bwè dlo a,
se konsa moun k'ap fè peche yo ap disparèt ale nan peyi kote mò yo ye a.
20Tout #Jòb 18.16; Pwo 10.7 moun bliye yo. Ata manman ki fè yo pa chonje yo.
Se vè k'ap manje kadav yo.
Yo fini tankou yon pyebwa yo koupe jete.
21Tou sa rive konsa, paske li maltrete fanm ki pa ka fè pitit.
Li san pitye pou vèv yo.
22Lè sa a, Bondye detwi gwo chèf yo ak fòs ponyèt li.
Li annik parèt, mechan an konnen li mouri.
23Bondye #Sòm 11.4; Pwo 15.3 kite l viv alèz san pwoblèm,
men, se toutan l'ap veye tou sa l'ap fè.
24Zafè #Jòb 14.2; Sòm 37.10 mechan yo mache byen pou yon tan.
Men apre sa, yo fennen tankou zèb.
Yo cheche tankou flè yo kase.
25Si se pa konsa sa ye, ki moun ki ka demanti sa m di la a?
Ki moun ki ka fè wè pawòl mwen yo pa vo anyen?
Chwazi Kounye ya:
Jòb 24: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.