Jozye 19
19
Pòsyon tè fanmi Simeyon an
1Dezyèm pòsyon an te vin pou moun #Jen 49.7 Simeyon yo, pou yo separe bay chak fanmi pa yo. Pòsyon tè yo a te nan mitan pòsyon tè yo te bay moun branch fanmi Jida yo. 2Men #1 Kwo 4.28-33 lavil yo te ba yo pou yo separe pou yo: Bècheba, Cheba, Molada 3Asa-Chwal, Bala, Atsèm, 4Eltolad, Betoul, Oma, 5Ziklag, Bèt-Makabòt, Asa-Sousa, 6Bèt-Lebayòt ak Chawouyèm. Sa te fè antou trèz lavil ak tout ti bouk ki sou lòd yo. 7Yo te ba yo ankò Ayin, Rimon, Etè ak Achan, kat lòt lavil ak tout ti bouk ki sou lòd yo. 8Fòk nou konte tou tout ti bouk nan vwazinay lavil sa yo rive jouk Baalat-Beyè ak Rama nan dezè a. Men pòsyon tè yo te bay branch fanmi Simeyon yo pou yo separe bay chak fanmi pa yo. 9Nan pòsyon tè moun Jida yo, yo te pran yon pòsyon bay moun Simeyon yo, paske pòsyon tè ki te pou moun Jida yo te twòp pou yo. Se konsa, moun branch fanmi Simeyon yo te jwenn yon pòsyon tè ki te nan mitan pòsyon tè moun Jida yo.
Pòsyon tè fanmi Zabilon an
10Twazyèm pòsyon tè a te vin pou moun branch fanmi Zabilon yo, pou yo separe bay chak fanmi pa yo. Pòsyon tè yo te resevwa a te rive jouk Sarid. 11Limit #Joz 12.22 la moute bò lwès, li rive Mareala, li pase Dabechèt. Apre sa, li rive nan ravin ki pase anfas Jokneyam, 12lòt bò lavil Sarid, nan direksyon solèy leve, jouk yo rive sou limit Kislòt-Tabò. Apre sa, li pran chemen Daberat, li moute Jafya. 13Li sòti Jafya nan menm direksyon solèy leve a, li rive sou Gat-Efè ak Ita-Kasen. Li pase sou Rimon, li vire sou Nea. 14Sou bò nò, limit la vire sou Anaton, l'al bout nan fon Jiftayèl. 15Yo #Jij 1.30 te ba yo lavil sa yo tou: Katat, Naala, Chimwon, Jideala ak Betleyèm. Sa te fè antou douz lavil ak tout ti bouk ki te sou lòd yo. 16Tout lavil sa yo ak tout ti bouk ki te sou lòd yo te nan pòsyon tè yo te bay moun branch fanmi Zabilon yo pou yo separe bay chak fanmi pa yo.
Pòsyon tè fanmi Isaka yo
17Katriyèm pòsyon tè a te vin pou moun branch fanmi Isaka yo pou yo separe bay chak fanmi pa yo. 18Pòsyon sa a te rive jouk lavil Jizreyèl. Men lòt lavil ki te ladan l: Kesoulòt, Choumèm, 19Afarayim, Chiyon, Ana-karat, 20Rabit, Kichyon, Abèz, 21Remèt ak An-Gannim, An-Ada ak Bèt-Pasèz. 22Fontyè a te rive lavil Tabò, lavil Charasima ak lavil Bèt-Chemèch. Epi l'al bout nan larivyè Jouden. Antou sa te fè sèz lavil ak tout ti bouk ki sou lòd yo. 23Tout lavil sa yo ak tout ti bouk ki te sou lòd yo te nan pòsyon tè yo te bay moun branch fanmi Isaka yo pou yo separe bay chak fanmi pa yo.
Pòsyon tè fanmi Asè a
24Senkyèm pòsyon tè a sòti pou branch fanmi Asè a pou yo separe bay chak fanmi pa yo. 25Men lavil ki te nan pòsyon tè pa yo a: Elkat, Ali, Betèn, Akchaf, 26Alamelèk, Ameyad, Micheyal. Sou bò solèy kouche, li te rive mòn Kamèl ak ravin Libnat. 27Sou #1 Wa 9.13 bò solèy leve, tè a rive jouk Bèt-Dagon, li rive sou limit tè moun Zabilon yo, li pran fon Jiftayèl la moute nan direksyon nò, li pase Bèt-Emèk ak Neyèl, li bout sou Kaboul bò nan nò nèt. 28Konsa #Jij 1.31 men lòt lavil ki te nan pòsyon tè sa a: Abdon, #19.28: Abdon: Nan divès ansyen maniskri se non sa a nou jwenn ki koresponn tou ak chapit 21.30. Men tèks ebre a bay Ebwon. Reyòb, Amon ak Kana jouk gwo lavil Sidon an. 29Apre sa, limit la vire tounen nan direksyon Rama jouk li rive nan gwo fò lavil Tir la, li pouse pou Osa epi l'al bout nan lanmè Mediterane a. Nan menm pòsyon tè yo a, te vin gen tou Maralèb, Aksib, 30Ako, #19.30: Ako: Tèks ebre a bay Ouma. Afèk, Reyòb. Sa te fè antou vennde lavil ak tout ti bouk ki te sou lòd yo. 31Tout lavil sa yo ak tout ti bouk ki te sou lòd yo te nan pòsyon tè yo te bay moun branch fanmi Asè yo pou yo separe bay chak fanmi pa yo.
Pòsyon tè fanmi Neftali a
32Se pou moun branch fanmi Neftali yo sizyèm pòsyon tè a vini pou yo te ka separe bay chak fanmi pa yo. 33Limit la sòti lavil Elèf, bò pye chenn Sanannim lan, li pase Adami-Nekèd, Jabneyèl jouk li rive Lakoum, pou l al bout sou larivyè Jouden an. 34Sou bò solèy kouche, limit la vire sou Aznòt-Tabò. Lè l sòti la, l'al Oukòk, li pase sou limit tè moun Zabilon yo bò nan sid, sou baliz tè moun Asè yo sou bò lwès. Sou bò lès, li pase sou limit tè moun Jida yo kote li lonje larivyè Jouden an. 35Men lavil ki te gen fò ak ranpa pou pwoteje yo: Se te Sidim, Sèr, Amat, Raka, Kinerèt, 36Adama, #Joz 11.1; Jij 4.2 Rama, Asò, 37Kadès, Edreyi, An-Asò, 38Jireyon, Migdalèl, Orèm, Bèt-Anat, Bèt-Chemèch. Sa te fè antou disnèf lavil ak tout ti bouk ki sou lòd yo. 39Men tout lavil ansanm ak tout ti bouk sou lòd yo ki te nan pòsyon tè yo bay moun Neftali yo pou yo separe bay chak fanmi pa yo.
Pòsyon tè fanmi Dann lan
40Se pou moun branch fanmi Dann yo setyèm pòsyon tè a te vini pou yo te ka separe bay chak fanmi pa yo. 41Men lavil yo te jwenn nan pòsyon tè pa yo a: Se te Soreya, Echtawòl, Ichemèch, 42Chalabin, #Jij 1.35 Ajalon, Jitla, 43Elon, #Jij 14.1; Tra 9.36,43 Timnata, Ekwon, 44Eltekè, Gibeton, Baalat, 45Jewoud, Bene-Berak, Gat-Rimon, 46Mejakon ak Rakon, ansanm avèk tout tè ki anfas lavil Jope.
47Men, #Jij 1.34,35; 18.1,27-31 moun branch fanmi Dann yo kite lòt moun pran peyi a nan men yo. Se konsa, yo moute al atake lavil Lechèm. Yo anvayi lavil la, yo touye tout moun ki te rete ladan l. Yo pran lavil la pou yo, yo rete ladan l. Epi yo chanje non l. Yo pa rele l Lechèm ankò. Yo ba li non zansèt yo, yo rele l Dann.
48Men pòsyon tè ansanm ak tout lavil ak ti bouk ki te sou lòd yo, ki te vin pou moun branch fanmi Dann yo pou yo te separe bay chak fanmi pa yo.
Pòsyon tè Jozye a
49Aprè moun pèp Izrayèl yo te fin separe rès peyi a bay chak branch fanmi pòsyon pa yo, yo bay Jozye, pitit gason Noun lan, yon pòsyon nan tè a ki pou rele l pa l. 50Jan #Joz 24.30; Jij 2.9 Senyè a te ba yo lòd la, yo ba li lavil li te mande a: Timnat-Sera nan mòn Efrayim. Li rebati lavil la epi li rete ladan l.
51Men #Joz 14.1; 18.1 divès pòsyon tè Eleaza, prèt la, Jozye, pitit gason Noun lan, ak chèf fanmi yo te separe bay branch fanmi pèp Izrayèl la, devan Senyè a, nan papòt Tant Randevou a, apre yo te fin tire osò. Se konsa yo te fin separe peyi a nèt.
Chwazi Kounye ya:
Jozye 19: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.