Matye 28
28
Jezi resisite
(Mak 16.1-10; Lik 24.1-12; Jan 20.1-10)
1Lè jou repo a te fin pase, dimanch #Mak 16.1-10; Lik 24.1-10; Jan 20.1-18 maten byen bonè, Mari, moun lavil Magdala a, ak lòt Mari a te al vizite kavo a. 2Yo rete konsa, epi tè a pran tranble byen fò. Yon zanj Bondye desann sòti nan syèl la, li vini, li woule wòch la sou kote, lèfini li chita sou li. 3Li #Mat 17.2; Tra 1.10 te klere tankou yon zèklè, rad li te blan kou lanèj. 4Gad yo te sitèlman pè, yo pran tranble, yo tonbe atè tankou moun ki mouri. 5Men, zanj lan pran pale, li di fanm yo:
— Nou menm, nou pa bezwen pè. Mwen konnen se Jezi n'ap chache, nonm yo te kloure sou kwa a. 6Enben, #Mat 12.40; 16.21; 17.23; 20.19; Tra 2.36 li pa isit la. Li leve vivan jan l te di a. Vini wè kote l te kouche a. 7Apre #Mat 26.32 sa, prese al di disip li yo li leve sòti vivan nan lanmò. Li gentan pran devan yo ale nan peyi Galile. Se la y'a wè li. Se sa m te gen pou m di nou.
8Fanm yo kouri kite kavo a. Yo te pè, men anmenmtan tou yo te kontan. Yo t'ap kouri pote nouvèl la bay disip yo. 9Yo rete konsa, yo wè Jezi parèt devan yo, li di yo:
— Bonjou, medam.
Yo pwoche bò kote l, yo kenbe pye l, yo adore li. 10Jezi #Eb 2.11; Jen 45.4; 50.19 di yo:
— Nou pa bezwen pè. Ale di frè m yo pou y'al nan Galile. Se la y'a wè mwen.
Rapò gad yo
11Antan medam yo te nan wout toujou, nan gad ki t'ap veye kavo a te genyen ki te gentan tounen lavil la, yo rakonte chèf prèt yo tou sa ki te rive. 12Lè sa a, chèf prèt yo reyini ak chèf fanmi yo, yo fè plan yo ansanm. Yo bay sòlda yo yon gwo lajan. 13Epi #Mat 27.64 yo di yo:
— Se pou nou di se disip li yo ki te vin vòlò kò a pote ale lannwit antan nou t'ap dòmi. 14Si pawòl la tonbe nan zòrèy gouvènè a, n'a konnen ki jan pou n pale avè l pou nou menm, gad yo, nou pa nan traka.
15Sòlda yo pran lajan an, yo fè jan yo te di yo fè l la. Se konsa, popagann sa a gaye pami jwif yo jouk jounen jòdi a.
Jezi fè onz disip yo wè l
(Mak 16.14-18; Lik 24.36-49; Jan 20.19-28; Travay 1.6-8)
16Onz #Mat 28.7 disip yo ale sou ti mòn nan peyi Galile a, kote Jezi te di yo ale a. 17Lè yo wè l, yo adore li. Men, te gen nan yo ki pat fin kwè nèt. 18Jezi #Mat 11.27; Ef 1.20-22; Da 7.14 pwoche bò kote yo, li di yo konsa:
— Mwen resevwa tout pouvwa nan syèl la ak sou tè a. 19Ale #Mak 16.15,16 fè disip pou mwen nan tout nasyon, batize yo nan non Papa a, Pitit la ak Sentespri a. 20Moutre #Mat 18.20; Jan 14.23 yo pou yo obsève tou sa mwen te ban nou lòd fè. Chonje sa byen: mwen la avèk nou toulejou, jouk sa kaba.
Chwazi Kounye ya:
Matye 28: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.