Matye 6
6
Jezi ap pale sou kèsyon fè sa ki byen
1— Fè atansyon lè n'ap fè devwa nou pou Bondye pou nou pa fè l yon jan pou fè moun wè. Lè nou fè l konsa, Papa nou ki nan syèl la p'ap ban nou okenn rekonpans.
2— Se sa ki fè tou, lè w'ap bay yon moun ki nan nesesite kichòy, ou pa bezwen fè tout moun wè sa, tankou ipokrit yo fè l nan sinagòg ak nan lari. Yo fè sa pou moun ka fè lwanj yo. Sa m'ap di nou la a, se vre wi: Konsa, yo tou jwenn rekonpans yo. 3Men, #Mat 25.37-40; Wòm 12.8 lè w'ap ede moun ki nan nesesite, fè sa yon jan pou men ki bay la, lòt men an pa bezwen konn sa. 4Konsa, byen ou fè a rete sekrè. Bondye ki konnen sa ou fè a, l'a ba ou rekonpans ou.
Jezi ap pale sou lapriyè
(Lik 11.2-4)
5— Lè #Mat 23.5,6 n'ap lapriyè, pa fè tankou ipokrit yo ki renmen kanpe nan mitan sinagòg ak nan pwent kalfou pou yo lapriyè. Yo fè sa pou moun kapab wè yo. Sa m'ap di nou la a, se vre wi: Konsa, yo tou jwenn rekonpans yo. 6Men #2 Wa 4.33 ou menm, lè w'ap lapriyè, antre nan chanm ou. Fèmen pòt ou. Lapriyè Papa ou ki la pou kont li avè ou. Konsa, Papa ou menm ki wè sa ou fè an sekrè a, se li ki va ba ou rekonpans ou.
7— Lè #Eza 1.15 w'ap lapriyè, pa plede repete yon bann pawòl pou gremesi. Se konsa moun lòt nasyon yo fè. Yo mete nan tèt yo Bondye va tande yo si yo pale anpil. 8Piga #Mat 6.32 nou fè tankou moun sa yo. Paske, Papa nou tou konnen sa nou bezwen anvan menm nou mande li. 9Men #Lik 11.2-4; Jan 17.6 ki jan pou nou lapriyè:
Papa nou ki nan syèl la,
Nou mande pou yo toujou respekte non ou.
10Vin #Mat 7.21; Lik 22.42 tabli gouvènman ou,
pou yo fè volonte ou sou latè,
tankou yo fè l nan syèl la.
11Manje nou bezwen an, ban nou l jòdi a.
12Padonnen #Mat 18.21-35; 18.21-35 tou sa nou fè ki mal,
menm jan nou padonnen moun ki fè nou mal.
13Pa #1 Kwo 29.11-13; Jan 17.11,15 kite nou nan pozisyon pou n tonbe nan tantasyon,
men, delivre nou anba Satan.
[Paske, se pou ou tout otorite, tout pouvwa ak tout lwanj,
depi tout tan ak pou tout tan. Amèn.] #6.13: [Paske, se pou ou... Amèn.]: Se sèlman nan kèk maniskri nou jwenn pawòl sa yo.
14— Si #Mak 11.25,26 nou padonnen moun lè yo fè nou mal, Papa nou ki nan syèl la va padonnen nou tou. 15Men, si nou pa padonnen moun lè yo fè nou mal, Papa nou p'ap padonnen peche nou yo nonplis.
Jezi ap pale sou kèsyon fè jèn
16— Lè #Eza 58.5-9 n'ap fè jèn, pa pran pòz kagou nou tankou ipokrit yo: Y'ap mache ak figi yo rale konsa pou tout moun ka wè y'ap fè jèn. Sa m'ap di nou la a, se vre wi: Konsa, yo tou jwenn rekonpans yo. 17Men ou menm, lè w'ap fè jèn, penyen tèt ou byen penyen, lave figi ou byen lave. 18Konsa, moun p'ap wè si w'ap fè jèn. Papa ou ki la pou kont li avè ou, se li ase ki konn sa. Konsa, Papa ou menm ki wè sa ou fè an sekrè a, se li ki va ba ou rekonpans ou.
Richès nan syèl la
(Lik 12.33-34)
19— Pa anpile richès nou isit sou latè, kote vè ak lawouj ap manje yo, kote vòlè kapab vòlè yo pote ale. 20Okontrè, #Mat 19.21; Lik 12.33,34; Kol 3.1,2 anpile richès nou nan syèl la. Paske la pa gen vè ni lawouj ki pou manje yo, ni vòlè ki pou pran yo pote ale. 21Paske, kote richès ou ye, se la kè ou ye tou.
Lanp kò nou
(Lik 11.34-36)
22— Je #Lik 11.34-36 ou se lanp kò ou. Si je ou nan bon eta, tout kò ou nan limyè. 23Men, #Mat 20.15 si je ou nan move eta, tout kò ou nan fènwa. Se sa ki fè si limyè ki andan ou la se fènwa li ye, se pa ti fè nwa anndan ou fè nwa.
Bondye ak lajan
24— Pèsonn #Lik 16.9,13 pa ka sèvi byen ak de mèt anmenmtan. Li gen pou l rayi yonn si l renmen lòt la. L'ap sèvi byen ak yonn, men l'ap meprize lòt la. Nou pa kapab sèvi Bondye ak lajan anmenmtan.
Mete konfyans nou nan Bondye
(Lik 12.22-31)
25— Se #Lik 12.22-31 poutèt #Fil 4.6; 1 Pyè 5.7; 1 Tim 6.6; Eb 13.5 sa mwen di nou: Pa bat kò nou pou keksyon manje ak keksyon bwè, ni pou keksyon rad. Paske èske lavi pa pi konsekan pase manje? Eske kò a pa gen plis valè pase rad? 26Gade #Mat 10.29-31 zwazo k'ap vole nan syèl la: yo pa plante, yo pa fè rekòt, yo pa sere anyen nan galata. Men, Papa nou ki nan syèl la ba yo manje. Eske nou pa vo pi plis pase zwazo yo? 27Kilès nan nou, afòs li fè tèt li travay, li kapab ajoute yon ti longè anplis sou lavi li?
28— Poukisa pou n'ap bat kò nou pou rad pou nou mete sou nou? Gade ki jan flè raje yo pouse nan savann. Yo pa travay, yo pa fè rad. 29Malgre #1 Wa 10 sa, m'ap di nou sa, wa Salomon ki wa Salomon, ak tout richès li yo, pat gen bèl rad tankou yonn nan flè sa yo. 30Se konsa Bondye abiye pye zèb yo ki la nan jaden an jòdi a, men denmen yo jete sa nan dife pou chofe fou. Nou pa bezwen mande si li p'ap abiye nou tou. Ala manke nou manke konfyans nan Bondye!
31— Pa chaje tèt nou ak yon bann kèsyon: Kisa n pral manje? Kisa n pral bwè? Kisa n pral mete sou nou? 32Tout #Mat 6.8 bagay sa yo, se moun lòt nasyon yo k'ap kouri dèyè yo tout tan. Men nou menm, nou gen yon Papa nan syèl la ki konnen nou bezwen tout bagay sa yo. 33Pito #Wòm 14.17; 1 Wa 3.13,14; Sòm 37.4,25 nou chache bay bagay peyi Wa ki nan syèl la premye plas nan lavi nou, chache viv jan Bondye vle l la anvan. Lè sa a, Bondye va ban nou tout lòt bagay sa yo tou. 34Se #Egz 16.19 sa ki fè, pa chaje tèt nou pou denmen, paske denmen va gen zafè pa li. Chak jou gen kont chay pa yo.
Chwazi Kounye ya:
Matye 6: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.