Neyemi 10
10
1Premye moun ki siyen dokiman sele a se te gouvènè Neyemi, pitit gason Akalya a. Apre li, Sidkiya vin siyen. 2Men #Ney 12.2-21 non prèt ki te siyen dokiman an: Seraja, Azarya, Jiremeja, 3Pachou, Amarya, Malkija, 4Atouch, Chebanya, Malouk, 5Arim, Meremòt, Obadya, 6Danyèl, Gineton, Bawouk, 7Mechoulam, Abija, Mijamen, 8Maazya, Bilgayi ak Chemaja. 9Apre yo vin moun Levi yo: Jozye, pitit gason Azanya, Bennwi, moun fanmi Enadad la, Kadmyèl, 10ak lòt moun Levi parèy yo: Chekanya, Odija, Kelita, Pelaja, Anan, 11Miche, Reyòb, Achabya, 12Zakou, Cherebya, Chebanya, 13Odija, Bani ak Kenani.
14Apre #Esd 2.3-35; Ney 7.8-42 yo se te chèf pèp la: Pareòch, Pakat-Mowab, Elam, Zatou, Bani, 15Bouni, Azgad, Bebayi, 16Adonija, Bigvayi, Adin, 17Atè, Ezekyas. Azou, 18Odija, Achoum, Betsayi, 19Arif, Anatòt, Nebayi, 20Magpyach, Mechoulam, Ezi, 21Michezabèl, Tsadòk, Yadwa, 22Pelatya, Anan, Anaja, 23Oze, Ananya, Achoub, 24Alochèch, Pilba, Chobèk, 25Reyoum, Achabna, Maseja, 26Akija, Ranan, Anan, 27Malouk, Arim ak Bana.
Men dokiman angajman an
28Nou #Esd 2.36-54; Ney 9.2 menm, moun pèp Izrayèl la, prèt yo, ak moun Levi yo, gad pòtay Tanp yo, mizisyen Tanp yo, travayè Tanp yo, ak tout lòt moun yo ki te wete kò yo nan mitan moun lòt nasyon k'ap viv nan peyi a pou nou ka fè sa lalwa Bondye a mande nou an, ansanm ak madanm nou yo, pitit gason ak pitit fi nou yo ki gen laj konprann, 29nou #Det 29.12; 2 Wa 23.3; Ney 5.12,13; Sòm 119.106 mete tèt nou ansanm ak frè nou yo ki chèf nan mitan nou, nou fè sèman pou nenpòt bagay rive nou si nou pa kenbe pwomès n'ap fè la a. Nou pran angajman n'ap mache dapre lalwa Bondye te bay Moyiz, sèvitè l la, pou nou. Nou pran angajman n'ap obeyi tou sa Senyè a, Bondye nou an, kòmande nou pou nou swiv ansanm ak tout regleman ak tout lòd li ban nou yo.
30Nou #Esd 9.12,14 pran angajman espesyalman pou nou pa marye pitit fi nou ak lòt moun k'ap viv nan peyi a, epi pou nou pa chwazi pitit fi moun sa yo pou marye ak pitit gason nou yo.
31Si #Egz 20.10; 23.10,11; Lev 23.3; 25.4; Det 15.1,2; Ney 5.12 moun sa yo pote machandiz osinon nenpòt pwovizyon vin vann nou jou repo a, nou p'ap achte anyen nan men yo jou sa a. Se menm bagay la tou si se yon jou fèt pou Senyè a.
Chak setan, n'a kite jaden nou yo poze, epi tout moun ki dwe nou, n'a kite dèt la pou yo.
32Men #Egz 30.13; Mat 17.24 lòt obligasyon nou bay tèt nou ankò: Chak lane, chak moun ap bay yon demika lons lajan pou depans y'ap fè pou sèvis Bondye nou an nan Tanp lan. 33N'a #2 Kwo 2.4 bay tou pen pou yo mete apa pou Bondye yo, ofrann grenn pou chak jou yo, bèt pou yo boule chak jou pou Bondye yo, ofrann pou jou repo yo, pou fèt lalin nouvèl yo, ak pou lòt gwo fèt yo, manje pou yo mete apa pou Bondye yo, ofrann pou wete peche moun pèp Izrayèl yo, ak tout lòt bagay yo ka bezwen pou fè sèvis nan Tanp Bondye nou an.
34Nou #Lev 6.12; Ney 11.1 menm, prèt yo, moun Levi yo ak rès pèp la, men ki jan pou nou regle kèsyon livrezon bwa pou Tanp lan: Chak lanne y'a tire osò pou konnen kilè chak fanmi, yonn apre lòt, va pote bwa y'a bezwen pou boule sou lotèl Senyè a, Bondye nou an, jan sa ekri nan lalwa Bondye a.
35Nou #Egz 23.19 deside tou chak lanne, n'a pote nan Tanp lan pou n ofri bay Senyè a premye grenn nou rekòlte nan jaden nou ak premye fwi ki mi sou tout pyebwa nou yo. 36Jan #Egz 13.2,12,13 sa ekri nan lalwa Bondye a, n'a pote bay prèt yo k'ap sèvi nan Tanp Bondye nou an premye pitit gason nou yo lè yo fèt pou yo ka mete yo apa pou Bondye. Konsa tou, n'a pote ba yo premye ti towo manman bèf nou yo va fè ak premye ti belye manman mouton nou yo va fè ak premye ti bouk manman kabrit nou yo va fè paske se pou prèt yo yo ye.
37Konsa #Nonb 15.20,21; 18.12; Det 18.4 tou, n'a pote bay prèt yo kote y'ap viv nan Tanp lan pen n'a fè ak premye grenn n'a rekòlte chak lanne yo, ansanm ak lòt ofrann fwi pyebwa nou yo va donnen, diven ki fenk fèt ak lwil oliv fre. N'a pote ladim tout rekòt n'a fè nan jaden nou bay moun Levi yo. Se yo menm ki va mache nan tout ti bouk nou yo pou ranmase ladim kote yo fè jaden.
38Yonn #Nonb 18.26; 1 Kwo 9.26; 2 Kwo 31.11 nan prèt yo, ki sòti nan branch fanmi Arawon an, va toujou ale avèk moun Levi yo lè yo pral ranmase ladim lan. Lèfini, moun Levi yo va pote mete nan depo pwovizyon Tanp lan yon dizyèm nan tout ladim y'a ranmase a pou sèvis Tanp lan. 39Se #Det 12.6,11; Ney 13.11,12 nan chanm depo Tanp lan moun pèp Izrayèl yo ak moun Levi yo va pote tout grenn, tout diven ak tout lwil yo fèt pou bay la. Se la tou y'a mete tout veso ak tout lòt bagay ki pou sèvi nan Tanp lan. Epitou, prèt desèvis yo, gad pòtay Tanp yo ak mizisyen Tanp yo va gen kote pou yo rete la tou.
Se konsa nou pran angajman nou p'ap janm neglije kay Bondye nou an ankò!
Chwazi Kounye ya:
Neyemi 10: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.