Nonb 27
27
Istwa pitit fi Zelochad yo
1Lè sa a, te gen nan branch fanmi Manase a #Nonb 26.33; 36.1-11; Joz 17.3 senk fi, Mala, Noa, Ogla, Milka ak Tiza. Yo tout te pitit fi Zelochad. Zelochad sa a te pitit gason Efè. Efè te pitit gason Galarad, ki te pitit gason Maki, ki li menm te pitit gason Manase, ki te pitit gason Jozèf. 2Medam yo vini, yo kanpe devan Moyiz ak Eleaza, prèt la, devan cèf fanmi yo ak devan tout pèp la, devan pòt Tant Randevou a, epi yo di:
3— Papa #Nonb 16.1-3 nou mouri nan dezè a san li pa kite okenn pitit gason. Li pat fè pati bann moun Kore yo ki te revòlte kont Senyè a. Se poutèt pwòp peche pa l yo kifè li mouri san li pat gentan gen pitit gason. 4Se #Joz 17.4 pa paske papa nou pat gen pitit gason kifè pou non li disparèt nan fanmi an. Ban nou yon pòsyon tè tou nan mitan fanmi papa nou.
5Moyiz #Egz 18.19 al pale koze a avèk Senyè a. 6Senyè a di l konsa.
7— Pitit #Nonb 36.2 fi Zelochad yo gen rezon. W'a ba yo yon pòsyon tè ki va rete pou yo nan mitan fanmi papa yo. W'a ba yo pòsyon tè ki te pou papa yo a. 8Apre sa, w'a pale ak moun pèp Izrayèl yo, w'a di yo konsa: Si yon moun mouri san li pa kite pitit gason, n'a renmèt pòsyon tè pa l la bay pitit fi li yo. 9Si li pa gen pitit fi, n'a renmèt pòsyon tè pa l la bay frè l yo. 10Si li pa gen frè, n'a renmèt tè a bay frè papa l yo. 11Si #Nonb 35.29; Rit 4.3-6 papa l pat gen frè, n'a renmèt li bay fanmi pi pre l la. Epi tè a va rete pou li. Se pou moun pèp Izrayèl yo swiv regleman sa a tankou yon lwa, jan mwen menm Senyè a, mwen te bay Moyiz lòd la.
Bondye chwazi Jozye pou ranplase Moyiz
(Detewonòm 31.1-8)
12Senyè a #Nonb 33.47; Det 3.27; 32.49 di Moyiz konsa:
— Moute sou mòn Abarim. Voye je ou gade peyi mwen pral bay moun pèp Izrayèl yo. 13Lè w'a fin wè li, ou pral mouri, tankou Arawon, frè ou la, 14paske #Nonb 20.1,12,13 nou tou de nou pat fè sa m te di nou fè a nan dezè Zin lan. Lè pèp la t'ap chache m kont bò sous dlo Meriba yo, nou te refize kite m fè yo wè pouvwa mwen nan zafè dlo a.
(Meriba se sous dlo bò Kadès nan dezè Zin lan.)
15Lè sa a, Moyiz pale ak Senyè a, li di l konsa:
16— O #Nonb 16.22 Senyè, Bondye ki bay tout moun lavi, tanpri, chwazi yon nonm ki ka mennen pèp la, 17yon #Det 31.2; 1 Sam 8.20; 1 Wa 3.7; 22.17; Mat 9.36 nonm ki ka mache alatèt yo nan tout antre soti yo, pou pèp ou a, pèp Senyè a, pa rete tankou yon bann mouton san gadò.
18Senyè a #Jen 41.38; Det 34.9; Jij 3.10 reponn Moyiz:
— Pran Jozye, pitit gason Noun lan. Se yon nonm ki gen lespri Bondye k'ap travay nan kè l. W'a mete men ou sou tèt li, 19epi #Det 31.7 w'a fè l kanpe devan Eleaza, prèt la, ak devan tout pèp la. Epi la, devan yo tout, w'a ba li tout lòd ou gen pou ba li. 20W'a #Joz 1.16-18 separe avè l pouvwa otorite ou genyen an, pou tout moun nan pèp Izrayèl la ka obeyi l. 21L'a #Egz 28.30; Joz 9.14; 1 Sam 23.9; 28.6 toujou kanpe devan Eleaza, prèt la, ki va sèvi ak Ourim #27.21: Ourim: Anpil kote mo sa a mache ak yon lòt mo Tourim. Wè Levitik 8.8. yo pou chache konnen sa mwen vle yo fè. Se konsa, Eleaza va dirije Jozye ak tout pèp la nan tout antre sòti yo.
22Moyiz fè jan Senyè a te ba li lòd fè a. Li pran Jozye, li fè l kanpe devan Eleaza, prèt la, ak tout pèp la. 23Li mete men l sou tèt li, epi li ba li lòd li yo, jan Senyè a te di l la.
Chwazi Kounye ya:
Nonb 27: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.