MATIUS 12
12
Yesus Ak Sabat Mem Sum Emba Heibek Yuba
(Mrk. 2:23-28; Luk. 6:1-5)
1 #
Ul. 23:25
Dara onoĘž, Yahudi nim edya Sabat mem sum enyek, Yesus ara gandum weboka memek masa ak sam yabalamok dara, alja yuba doro diriga ban nang era, gwaneng ok ubsukaĘž anasa, gandum hnon dakoka delemek. 2Parisi nim edya ban unulumekaĘž anyek eiyiboka, sikja Yesus ak, âKendelom! Anja yuba doro diriga ban nang era, sikda nunja yub ek sam momnya dobokaĘž yuba blekoka, Sabat mem sum ununggom mem hyoknya nenyek blekoka unulumak,â hyek. 3#1Sam. 21:1-6Dara, Yesus adya sikenek lebsukaĘž ara, âUgunda Daud beb alab neikaĘž ulumek nang eb, sikda gwaneng ok usukaĘž amba umekaĘž momnya dobokaĘž ara ugunda seleb einiwanggulum de? 4#Im. 24:9Daud bera Imik Neyung ek sam wekoka, Imik Neyung amba aboka beillilemek roti gwaneng era doboka delemok. Alda nunja yub ak sam momnya dobokaĘž ara, Daud beneba, alab neikaĘž ulumek nang eb dara, gwaneng era denggunuseng, alda Imik Neyung yuba lenaĘž gak nang edya ok deneseng gwaneng enyekaĘž, anyek delemek. 5#Bil. 28:9-10Goma, Musa bedya unuwanalum an yub ek sam momnya dobokaĘž ara, Imik Neyung yuba wa gak nang era, sikda Imik Neyung gibnaĘž ek sam Sabat mem sum wa welemna dara, Sabat mem sum yuba blekoka, Imik Neyung ek sam wa welemak bok, sikenek ara malya ululum anggulumakaĘž ara einiwanggulum de? 6Ugunda nadya ban lebnesinaĘž anyek, keeboka pe ella danalum: Anyagan ara nimi hnon alda Wenelesilnya bedya e nera mek so bok, alak danyek hyak senenggomnya bek ulumla. 7#Hos. 6:6; Mat. 9:13Imik Neyung yuba bukuk sam momnya dobokaĘž ara, Nara pam oboka gibil yangganaĘž ak perob senenggulunabok, alda angoo yadyek senen ganya ek perob senelamna, ara momnya dobok. Ugunda ban yuba damok enyek, damok ara anasa lebok senewoka dib ella ubsom dara, nimi yok nimi malya unggulumak nim ek ara malya nenewanggunusom. 8Anasa nimi dibaĘž me ara, Sabat mem sum emba dubnya ulumla,â hyok.
Soruka Darasam HeimokaĘž Ak Hweboknya Bemba Yuba
(Mrk. 3:1-6; Luk. 6:6-11)
9Wera Yesus ara anyagan ara loboka, yok Yahudi nim edya yuba don ek sam byuk. 10Wera ban bilimok Imik Neyung ek ara, nimi soruka darasam heimoknya hnon ulumok. Dara nimi wene nim, Yesus ara meknemla aboka malya gebnok senen ganya bomek nang edya sene Yesus ak, âSabat mem sum era nim ara, or hwebnesom gom, mem gom?â aboka heibek. 11#Luk. 14:5Anasa Yesus adya dara, âNimi ben hnon ugun gangganek ara, alja domba pama Sabat mem sum bok, selengaĘž lomok sam malyingginimso dara, pam damnya bedya dara, salawoka dobnenggunumso de? 12Yo, anasa wera, domba ara domdigum soĘž bok, nim ak dara, hyak dib perob nongaĘž ak ulumak! Anasa wera, Sabat mem sum bokaĘž anaba, or perob unaĘž unuwaneseng,â hyok. 13Dara onoĘž Yesus ara soruka darasam heimoknya bek, âAnja soruk nginigalom,â hyok. Wera bera soruk nginigok dara, darasam eik soruk enesoĘž anyek eikaĘž dok. 14Bok Parisi nim ek dara, Yesus ak obnemab aboka, yuba sabnobaĘž aboka, Imik Neyung ek ara loboka yokok mamagel bilimek.
Imik Neyung Adya Sekillilisil Nang Yuba
15Yesus ara Parisi nim edya obnenyak hogunga seleb ella ubok. Anasa alda anyagan anyebaĘž ara loboka bok dara, nimi nauba alab neikaĘž balamek. Dara nimi neiklemeknya nera nidyaĘž hwebsuk. 16Bok Yesus adya dara, alak yeilimek nim ek, Yesus an ulumla aboka yok nim ek neknaĘž ara mem, hyok. 17Nera ununumnaĘž lelemoknya Yesaya bedya Yesus unuwanamla aboka orowek geklewoka momnya domokaĘž anyek gigiwolulaĘž aboka umok. 18#Yes. 42:1-4Momnya dobokaĘž ara,
âNadya weboka doboka bokol bilimsa me nera an. Nadya alak wanaĘž ulumnakanya, alja nadya ganya hekel eleklenel. NadyaĘž ganya era alak gologanamlakanya, jong unaĘž damok ara, alja yok-yok mok soko nim ek lero binimla.
19Alda yuba yalab hwiboka, nim ab obdangoka ubnenggunumak; salyaĘž pik hnoum sekoka yuba saro yabenggulumnamla.
20Gokoka eleklamla leiya eneba leboka dobnenggunumla, dara saranggonunaĘž aboka delemlya uk eneba sarangganggunumla. Bok, jong uboka pe ununaĘž anyek oblamaganggunumla salek era, alda anaso ulumnamla.
21Dara, mok soko me nidyaĘž ara, alja si nek perob amba leboka ganya welemnemak,â
ara momnya dobok.
Yesus Ab BisaĘž Dubnya Beb Yuba
(Mrk. 3:20-30; Luk. 11:14-23)
22Wera Yesus ak heng lum uboka bisaĘž wekoka yuba gomnya dangamoknya bek bo yek. Wera Yesus adya hwebok dara, bera yuba saboka heng gwelegoka eibuk. 23Nimi nidyaĘž eiyimek nim era, ganya loka daboka, âBan benera Daud nang yilaĘž an goma?â aboka lelemek. 24#Mat. 9:34, 10:25Wera wenyan yub enyek, Parisi nim edya keboka sikja dara, âBan benera bisaĘž dubnya Beelzebul bedya unulumnelam aboka alja migib elegokaĘž adya, bisaĘž arobaĘž yakoka ulusil,â aboka lelemek.
25Yesus adya Parisi nimi ganya dukduk ara seleb eiyisuk. Anasa alja sikenek lebsukaĘž ara, âMok soko hnon nimi dub nang ulumakaĘž gigiro isaĘž nang gebdanaseng dara, mok era goĘž pe senenya loboka ubnenggunumso. Anya nauba heika hnon gom, nim e hnon dolubdangoka, yok-yok isaĘž neneldalaseng dara, sikda hyak gobdo dengheneseng. 26Anasonya neikek, bisaĘž dubnya Satan adya alja aran mabo yaknamso dara, wera bisaĘž dub heik era dolubdangoka, eimik gobdo denghenemso. 27Ugunja dara, nara Beelzebul bisaĘž dubnya migib adya bisaĘž yaklamla hunulum. Wera danyek dara, hek migib edya ugunja mab era, sikda bisaĘž yaklamak do? Anasa, sikja ugunuk yana lelewanasak. 28Bok nak dara, Imik Neyung Geisinya migib adya, bisaĘž ara yaklamna dara, wera anara Imik Neyung adya seleb ugun gangganek wenelesilaĘž ara an seleb yal an,â hyok.
29âOnoĘž nimi ben hnon hyak migib nongnya bedyaĘž ek wekoka bonaĘž dobnunaĘž senewoka, migibnya bek men bera henga goubnaĘž orok bok dara, ek or salyaĘž weknamso de? Seleb al nong anyek men henga goubsodyok, wera eimik era bonaĘž or hokaĘž dobnamso.â
30 #
Mrk. 9:40
âNak perobaĘž leboka mala donenaĘž orok nim era, nak lek senewoka lolonyak. Nak aranenaĘž orok nim era, sikda nadyinya nenyek bolomak! 31Anasa wera, ugunda pe ella danalum, nimi ben hnon yok-yok malya unulamlakanya, yok nimi si ak malyaĘž nenewanamla dara, alja malya unaĘž era or alja sobaĘž meewanamla bok, alda Imik Neyung Geisinya bek malya nenewanamla malya unaĘž era alak ab dibaĘž meewanggunumla! 32#Luk. 12:10Nimi ben hnon nimi dibaĘž me nek malya leboka walamla dara, wenyamso malya unaĘž era, or alja sobaĘž memelamla bok, alda Imik Neyung Geisinya ak walamla dara, wene salek gom, soko sidyaĘž daknamla sum eneba, benedya malya unaĘž era alak ab dibaĘž meewanggunumla!â hyok.
Gal Nong Ab Dok Ab Yuba
(Luk. 6:43-45)
33 #
Mat. 7:20; Luk. 6:44 âPerob gal doka moubnamla aboka dara, gal nong ara mesaĘž pe bleblamla. Gal nong anyek pe mesaĘž denaĘž orok dara, gal dok anaba malya ura moulumla. Gal nonga pe mesaĘž ulumla gom, orok gom ara, gal dok adya ella dangalamak. 34#Mat. 3:7, 15:18, 23:33; Luk. 3:7, 6:45Ugunda malya unaĘž hwam nim ek ululumaĘž anasa, ugunda malya unaĘž nim ululum bok dara, perob yuba goboka sabnesom de? SibamaĘž ak ab laga salamakaĘž ara, ganya lomok sam seleb ulumlaĘž ara an. 35Nimi nidyaĘž perob yub ok saro ulumak nim era, sikda perobnya nok deknewoka ulumak adya pe saro ulumak. Dara onoĘž malya unaĘž adya ok deknewoka ulumak nim era, sikjaĘž sibamaĘž ak abaĘž anaba malya yub ok saro ulumak an. 36Anasa ugunda pe seiniwoka beknelum: Soko sidyaĘž daknamla sum era, nimi wen salyaĘž yuba saro ulumaknya nidyaĘž amba, Imik Neyung adya, anaso lelemek aboka, laga yana lelewanasil. 37Anasa ugunja yuba sanaĘž enedya, anda pe unulum gom, malya unulum gom ara, laga danamla,â hyok.
Yesus Ak Yok Damoka Meewalom Aboka Sene Molowek Yuba
(Mrk. 8:11-12; Luk. 11:29-32)
38 #
Mat. 16:1; Mrk. 8:11; Luk. 11:16 Dara onoĘž hnonda Yahudi yuba neklesik nang eb, Parisi nim eb dadya, Yesus ak, âNeklesilimnya o, neyung lok so beknaĘž hnon meewalom, wenyek nunda eibnemab bar,â aboka molowek. 39#Mat. 16:4; Mrk. 8:12Anasa Yesus adya dara, âWenyek ulumak nim era, hyak malya unaĘž hwam nim uboka, ganya uka oboka jok nim ek ulumak!â hyok. OnoĘž, âUgunda nak yok senenggom damoka hnon meewalom aboka molowounulum de? Ugunuk ara yok damok era hnon eleganggunusin bok, alda ununumnaĘž lelemoknya Yunus bek unumokaĘž anyek hnonok eleganesin. 40#Yun. 1:17Yunus bera senenggom hadyaĘž mon lomok sam inimnek yubyek lika winilya mabmorumok. Anasonya neikek, eimik era onoĘž nimi dibaĘž me neneba soko lomok sam inimnek yubyek lika winilya mabmoruwanamla. 41#Yun. 3:5Soko sidyaĘž daknamla sum era, Niniwe heikek ulumek nim era, wene salek an ulumak nim eblaboka neikaĘž suboka buknemaakanya, Niniwe nim edya wen ulumak nim ek malya ululum aboka yana kibnemak. Nera Niniwe nim era, Yunus be sikenek Imik Neyung yuba leb elegosuk sum era, sikda ganya dangawoka domekaĘž anasa ubnesak. Bok anyaganera Yunus bek alda mek so bok, wera nauba sonya ben hnon ulumla! 42#1Raj. 10:1-10; 2Taw. 9:1-12Soko sidyaĘž daknamla sum era, woru sam ab soko dub gel gera sekoka, wenyek an ulumak nimi nidyaĘž ak malya ublum aboka yana kibnesil. Ban soko dub gel gera, alda Salomo bek ab perob el danganaĘž dobnamna aboka dara, gel gera mok sam ab yanggan pika jakgiga yeilimok. Bok wenyek dara, anyagan Salomo bera mek so bok, ben hnon naubenya hnon ulumla!â hyok.
BisaĘž Ganya Saaboka Wekel Yalamla Yuba
(Luk. 11:24-26)
43âBisaĘž ganya yamaĘž ara, nim ek ab loboka balamla dara, gelelom arobaĘž ak sam dek-deka sobnamna aboka ero yabalamla bok, oulyanga eilinggulumla. 44Anasa, wera bisaĘž adya dara, Nadya youmaĘž lo yeilimsa ek sam onsok saaboka binimna. Wenyaboka lanawoka e nenyek an yalamna enyek, e nera e dem uboka, sembejaĘž orokaĘž anyek perobaĘž ak ulumnaĘž ak eillilamla. 45Anya onoĘž eimik era, yok sekbadya bisaĘž era alda mek so bok, hyak yu nong bisaĘž enyek el balamla. Anya wera sikda benedya lomok an wekna dara, sikda anyagan ulumak. Dara bisaĘž dan weknanya bedya nong unaĘž era, youmaĘž dara, or mek so bok, wenyek dara, hyak gobdo malya dangalamla. Ban nenyekaĘž anyek, wene salek an ulumak nim era unuwanasil,â hyok.
Yesus Eilinggeb Alja Weisab Eb Yuba
(Mrk. 3:31-35; Luk. 8:19-21)
46Wera Yesus ara wenyaboka anyagan ulumek nimi mandebnaĘž eb anam yuba salamek sab-sab, alja genong geb, alja weisab eb yeilimek. Sikda beiyik sam sekoka, Yesus ab eibdangoka yuba sabsibya senewoka ulumek. 47Dara, nimi ben hnonja Yesus ak, âNeyung o, neyung anja genong geb, anja weisab eb dara, beiyik sam anak diri seklenjak,â hyok.
48Dara Yesus adya lebnemokaĘž ara, âNadya genong gera heknya do? Nadya weisab era hek nang ek do?â hyok. 49Dara Yesus ara alja yuba doro diriga ban nang ek, soruka okoka, âNadyaĘž genong geb nadya weisab eb dara, ban. 50Nadya neyung be imik heikek ululanya bedya alja unuwanok senelamlaĘž anyek, unulumak nim era, nadya weisabo, nadya hmal gelewa, nadyaĘž genong yab ulumakaĘž ara an,â hyok.
Chwazi Kounye ya:
MATIUS 12: LAINLC
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte