Psalms 103
103
1Uummatiga qujagiguuk Ataniq, atqa nakuujuq nakuugijauli uvamnun tamaanin.
2Qujagilugu Ataniq uummatiga, puiguqtailutin ikajuningik ilaranainman.
3Huinniqutitka tamaita ihumagijungnaiqpagain, aaniarutitkalu pijaaqhugit.
4Taffuma annautijaanga iluvikhamnin, nakuruqtittunga quviakkutamigun naglingnirmigullu
5Atan'nguplu inuuninga ilumiqtiliqtaa nakuujumik hakugingniqaquplunga unaguqhimaitumik qupanuaqpaktun.
6Ataniq uuktuinaqpaktuq ajuqhaqtun pitjutigilugit tuniplugit pijakhainnik.
7Piniaqtaminik uqautivagaanga Moses, Israelmiunun takupkaqhugit havaani arlingnaqtun.
8Ataniq nagliktaqtuq quviaqqutiqaqhuni nanngaarnaqtuq iliranaitpiarman.
9Anullakharunaiqtaatigut ningautijumanngitkipluta nungulaittumun.
10Atan'ngum huakturunaiqtaatigut pijakhaptingnik akiraqturumanngitkiplutalu huinniqigaluarapta.
11Qilak nunamin kingikpiangman aktigijumik, atjikkiiktumik Godim quviakkutaa pihimajuq tapkununga iqhigippatjuk.
12Huli, ualinirmiun ungahiktigiplutik kivallirnin, taimaatun Godim nuutpagain huinniqutivut uvaptingnin.
13Aahiin, inuk nutaralik nutaqqaminun ilaranainman, taimatun Ataniq ilaranaitpiaqtuq tapkununga iqhigikpatjuk.
14God ilihimajuq nakin qaitauhimajugut itqaumaplunga nunainangmin hanajauhimagapta.
15Angutainnaq, taffuma inuninga iviktun-ilijuq angigliliqhuni nauttiaqtun nauvallialiqtutun.
16Anuqhiqpan kihimi tammainaqtuq tautungnaiqhuni.
17Atan'ngupli quviakkutaa nungulaittuq tapkununga nanngaarikpatjuk. Nakuuqutaalu piiqtaulimaiqtuugaluaq nuna inuqaqtillugu.
18Tapkununga Godim uqarijautainik puigunngitpata tuhaahimaplutik pitqujainnik.
19Ataniq qilangmi ikhivautarjuaqaqtuq tamainnun ataniupluni.
20Ihalrulgit hakugikpiaqtuhi, Ataniq qujagiluhiuk pitqujain tuhaagaffigit nalakhuhi uqaqtainnik.
21Qilangmiut kivgaillu pigaffi pijumajainnik, qujagiluhiuk Ataniq.
22Hanahimajun tamarmik Godim atan'nguviani atani qujagiluhiuk; umatigalu Ataniq qujagiguuk.
Chwazi Kounye ya:
Psalms 103: AQ
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte