Matiw 4
4
Shetan kamm Jesu
(Mar 1:12-13; Luk 4:1-13)
1Riin khi Naan ni dum kihh Jesu dhighin dh'em tihh Shetan kamm nyi diy. 2Bwoonrooh Jesu yaa'pwoo p'ee witt laar feerr kihh t'eer laar feerr zag, bhi kussum laah nyi. 3Shetan gu-zhwampee ji kihpee nyi diy bhi satt nyi le, “Dhok a gha shi a L'aa khi Naan e'h, ghi satt pangg mhize mwopp buakhar biisoh sihng.”
4Jesu lapp nyi satt le, “Nyi a rih-ran dhighin pwoo khi Naan le, ‘Baah gurum kihh tong a sh'i biisoh kyekk mou; kihh tong a sh'i kapp pwoo w'u put pwoo Naan.’ ” #4:4 WSW 8:3
5Bhi Shetan dum kihh nyi Urshalima, khishikhitt wu'bhangg, bhi le tihh dharr tihngg-tihngg kih m'ee deell LuhNaan ni w'u reghen mett weett. 6Bhi satt nyi le, “Dhok a gha shi a L'aa khi Naan e'h, ghi mett ghi sam yill dhak e'h, p'ee nyi a w'u rih-ran dhighin pwoo khi Naan le,
“ ‘Naan p'ee gab'bhellepp mhi'lop keeniy mwopp kaah gha,
yakhal mwopp p'ee kihh fw'ang gha sh'i sarr ruh,
tapp baah ghi sak shiiy gha kih m'ee pangg mou.’ ” #4:6 KoogNaan
7Bhi Jesu pring nyi satt le, “Pwoo khi Naan satt le, ‘Tapp ghi kamm Daah Naan keegha mou.’#4:7 WSW 6:16.”
8Dyi zag, Shetan dum kihh nyi kih m'ee pee w'u tihngg-tihngg, bhi dyingg kapp dhenglong mhi yill mhize kihhsheh kihh men'rett khimwopp weet nyi. 9Bhi Shetan satt nyi le, “A'n p'ee pihh bii mihhse mwopp weett gha, kadmihh ghi taah yill ghi soyill a'n.” 10Bhi Jesu pring Shetan satt le, “Shetan, yakhal ghi dhel kihh mihhseh pwoo na! P'ee nyi a rih-ran le, ‘Gha p'ee kurum yill a Naan keegha kyekk; a nyi kyekk a gwooh gha p'ee soyill nyi.’#4:10 WSW 6:13.”
11A nyi seh, bhi Shetan yakhal yet Jesu diy, bhi mhi'lop khi Naan mwopp ja kok kih nyi.
Jesu y'aa satt pwooNaan Galili
(Mar 1:14-15; Luk 4:14-15)
12Kaarooh Jesu klihng rooh mwopp shakhat Yohanna luh'shakhat, bhi baa'dum gaar'yill Galili. 13Yakhal Nazaret, bhi sam dum kihh t'ong bhakk Kafarnahum, w'u a m'ee tughuzyill w'u pwoo kur'am Galili dhighin shapyill mhi seghen khi Zebulun kihh seghen khi Naftali mwopp. 14Bii mihhseh sh'in a tihh pwoo w'u gyet Naan satt sh'i pwoo khi Ishaya gu'wanggshiiy gam diy; pwoo w'u kihh satt le:
15“Yill Zebulun kihh yill Naftali,
yill w'u mwopp kih arr w'u sam dum pwoo kur'am Galili
yill w'u mwopp yit a'm Urdu,
Galili khi Seghen'gurum mwopp,
16gurum w'u mwopp kihh tong dhighin pee'kwoo mwopp naah m'ee peebhangg wu'yon;
mwooh kihh tong dhighin yill mhi ryiin muutt, bhi peebhangg bhanggpee kih mwopp.”#4:16 Ishaya 9:1, 2 ff
17Yakhal sh'i pee mhizeh ni bhi Jesu y'aa satt pwooNaan le, “Wu tu'wapp, p'ee dhenglong khi Naan wull kuss.”
Jesu peet zheppkamm keeniy wu'shee
(Mar 1:16-20; Luk 5:1-11)
18Kaarooh Jesu kaah mwaan pwoo Kur'am Galili, bhi naah m'ee emnhikhin shag mwopp vel, Siman w'u mwopp kihh peet Bitrus, kihh emnhikhin, Andrawus. Mwopp kaah meng tenggsherep keeru dhighin kur'am, p'ee mwopp a mhi-yaksherep. 19Jesu satt mwopp le, “Wu langdang na bhi a'n p'ee l'e tihh wu dheeh a mhi ja kihh gurum mwopp kihpee na diy.” 20Abet bhi mwopp yet tenggsherep keeru dheeh l'e, bhi mwopp langdang nyi.
21Kaarooh Jesu yakhal bihzeh, m'ang reb mwaan lee, bhi naah m'ee emnhikhin shag dyi mwopp vel; Yakub em Zebedi kihh emnhikhin Yohanna. Mwopp dhighin kong'am dang puup ru, mwopp kaah dhakk tenggsherep keeru, bhi Jesu peet mwopp. 22Abet bhi mwopp yet kong'am ni kihhsheh kihh puup ru, bhi mwopp dumdang Jesu.
Jesu bar mhi'shwal mwopp
(Luk 6:17-19)
23Jesu mw'aan dum koohneeh dhighin yill Galili kihh sh'in kamm dhighin Luh'kang khimwopp, kihh satt Pwoo'wurett mhi dhenglong, yakhal kihh bar kapp shiin-kakhamm kihh v'ur shw'al dhighin gurum ni mwopp. 24Pwookaah nyi kangpee koohneeh gaar'yill Siriya kihhdihng, bhi gurum mwopp kihh mwan ja kihh kapp mwooh a gok kihh v'ur shiin-kakhamm, kihh mwooh shikshwal kihh pyarram mwopp pwetd, kihh mwooh riin wu'bis yak mwopp, kihh v'ur mhi-kihhkwinn, kihh mwooh a kud, bhi kihh bar mwopp weett. 25V'ur dw'uu gurum mwopp mwan pwat Galili, kihh koghob Dekapolis, kihh Urshalima, kihh Yahudiya kihh gaar'yill w'u yit'am Urdu w'u takhann mwopp tuud langdang nyi.
Chwazi Kounye ya:
Matiw 4: Chakfem
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©️2022 Luke Initiative for Scripture Translation