Jenèz 25
25
1Alò, Abraham te pran yon lòt madanm, ki te rele Ketura. 2#I Kwo 1:32-33Li te fè pou li Zimran, Jokschan, Madian, Jischbak, avèk Schuach. 3Jokschan te vin papa a Séba avèk Dedan. Epi fis Dedan yo te Aschurim, Letuschim, avèk Leummim. 4Epi fis a Madian yo te Épha, Epher, Hénoc, Abida, avèk Eldaa. Tout sa yo se te fis a Ketura yo. 5#Jen 24:35-36 Alò Abraham te bay tout sa li te posede a Isaac; 6men a fis a fanm konkibin yo, li te bay yo kado pandan li te toujou ap viv la, e li te #Jen 21:14voye yo lwen fis li a vè lès, nan peyi lès la.
7Sa yo se tout ane lavi ke Abraham te viv, #Jen 12:4 san-swasann-kenz ane. 8Abraham te respire dènye souf li. Li te mouri yon granmoun byen mi, e li te byen satisfè avèk lavi. Konsa, li te vin #Jen 25:17ranmase vè pèp li. 9Fis li yo, Isaac avèk Ismaël te antere li nan #Jen 23:17-18 kav Macpéla a, nan chan Ephron an, fis Tsochar, Etyen an, anfas Mamré, 10#Jen 23:3-16chan ke Abraham te achte nan men fis a Heth yo. La, Abraham te antere avèk madanm li, Sarah. 11Li te vin rive apre mò Abraham nan, ke #Jen 26:3Bondye te beni fis li a, Isaac, epi Isaac te viv toupre Lachaï-roi.
12Alò, sa yo se achiv a desandan a jenerasyon #Jen 16:5Ismaël yo, fis Abraham nan, ke Agar, Ejipsyen an, sèvant a Sarah a, te fè ak Abraham; 13epi sa yo se non #I Kwo 1:29fis Ismaël yo, selon non yo, nan lòd nesans pa yo: Nebajoth, premye ne a Ismaël la, Kédar, Adbeel, Mibsam, 14Mischma, Duma, Massa, 15Hadad, Théma, Jethur, Naphisch avèk Kedma. 16Sila yo se fis Ismaël yo e sa se non yo, pa vil, e pa anplasman yo; #Jen 17:20douz prens yo selon tribi pa yo.
17Sa yo se lane lavi Ismaël yo, #Jen 16:16san-trant-sèt ane. Li te respire dènye souf li, e li te mouri, epi yo te ranmase li vè pèp li. 18Yo te deplase soti nan #I Sam 15:7Havila jis rive nan Schur ki nan kote lès Égypte lè yon moun ap pwoche Assyrie; li te rete la malgre sa te fè ènmi avèk tout paran li yo.
19Alò, sa yo se achiv #Mat 1:2 jenerasyon ki swiv Isaac yo, fis Abraham nan: Abraham te vin papa Isaac.
20Lè Isaac te gen laj karant ane, li te pran Rebecca, #Jen 22:23fi Bethuel la, Araméen an nan kote Paddan-Aram, #Jen 24:29sè Laban an, Araméen an, pou vin madanm li. 21Isaac te priye a SENYÈ a anfavè madanm li, akoz li te esteril. Konsa, SENYÈ a te reponn li, e Rebecca, madanm li an te vin #Wo 9:10 ansent.
22Men pitit yo te an konfli anndan vant li. Li te di: “Si se sa, poukisa mwen viv?” Li te ale #I Sam 9:9mande a SENYÈ a.
23SENYÈ a te di li:
“#Jen 17:4-16 Gen de nasyon nan vant ou.
De pèp va vin separe sòti nan vant ou.
Yon pèp va pi pwisan ke lòt la.
Pi gran an va sèvi pi jèn nan.”
24Lè jou li yo pou akouche te rive, gade, te gen jimo nan vant li. 25Premye a te vin parèt byen wouj. #Jen 27:11 Li te kouvri toupatou tankou yon rad ki plen plim sou li. Yo te nonmen li Ésaü. 26Apre, frè li a te vin parèt avèk #Os 12:13men li ki t ap kenbe talon pye a Ésaü. Akoz sa #Jen 27:36yo te rele li Jacob. Isaac te gen swasant ane lè madanm li te bay nesans a yo.
27Lè gason sa yo te grandi, Ésaü te vin fò nan lachas, yon nonm ki fèt pou chan a. Men Jacob te yon nonm byen trankil, ki te #Eb 11:9 viv nan tant. 28Alò, Isaac te renmen Ésaü akoz ke li te gen yon #Jen 27:19gou pou vyann bèt sovaj, men Rebecca te renmen Jacob.
29Lè Jacob te fin kwit yon #II Wa 4:38soup, Ésaü te vin antre pandan li t ap kite chan an, e li te grangou anpil. 30Konsa, Ésaü te di Jacob: “Souple, ban m goute bagay wouj sa ki la a, paske mwen grangou anpil.” Se pou sa yo te rele non li Edom.
31Men Jacob te di: “Premyeman vann mwen #Det 21:16-17 dwa nesans ou an.”
32Ésaü te di: “Gade byen, mwen prèt pou mouri, e konsa pou ki bagay yon eritaj ap sèvi mwen?”
33Jacob te di: “Premyeman, sèmante ban mwen.” Li te sèmante ba li. Li te #Eb 12:16 vann dwa nesans li an bay Jacob.
34Jacob te bay Ésaü pen avèk yon soup pwa. Li te manje e bwè, e li te leve al fè wout li.
Konsa Ésaü te vin rayi dwa nesans li an.
Chwazi Kounye ya:
Jenèz 25: BSA
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2017-2023 Ron Smith