Mothi 1
1
Subrai Jisu Khristoni bosong remtang
(Luk 3:23-38)
1Jisu Khristo ongkha Dayudni bosongni tei Dayud ongkha Abrahamni bosongni kaisa borog. Jisu Khristoni bosongni remtang#1:1 remtangnw banglabai talika hinw. ongkha arai:
2Abraham Isohakni bopha, Isohak Jakobni bopha, Jakobni basa Jihuda bai bini takhokrok, 3Jihuda ongkha Peros bai Serani bopha, bokni boma ongkha Tamor, Peros Hisronni bopha, Hisron Ramni bopha, 4Ram Omminadobni bopha, Omminadob Nohosonni bopha, Nohoson Solomonni bopha, 5Solomon Boyosni bopha, Boyosni boma ongkhade Rahob, Boyos Obedni bopha, Obedni boma ongkha Rut, Obed Jisoyni bopha, 6Jisoy ongkha bugra Dayudni bopha.
Dayud Solomonni bopha, Solomonni boma ongkha Uriyoni randi bwrwi. (Uriyo thwiywi thangjak), 7Solomon Rohobiyamni bopha, Rohobiyam Obiyoni bopha, Obiyo Asani bopha, 8Asa Jihosaphotni bopha, Jihosaphot Joramni bopha, Joram Usiyoni bopha, 9Usiyo Jothomni bopha, Jothom Ahosni bopha, Ahos Hiskiyoni bopha, 10Hiskiyo Monosini bopha, Monosi Amonni bopha, Amon Josiyoni bopha, 11Josiyo ongkhadwi Jikoniyo bai bini takhokrokni bopha. Jihudi dophanw Babil hauarw chubwi tilangphini bok tongw.
12Jikoniyo Soltiyelni bopha, Israyel dophanw Babilw chubwi tilangnai jerw bw achaijak, Soltiyel Sorubbabilni bopha, 13Sorubbabil Obihudni bopha, Obihud Iliyakimni bopha, Iliyakim Asorni bopha, 14Asor Sadokni bopha, Sadok Akhimni bopha, Akhim Ilihudni bopha, 15Ilihud Iliyasorni bopha, Iliyasor Mottonni bopha, Motton Jakobni bopha, 16Jakob Josepni bopha, I Joshep ongkha Moriyomni basai. I Moriyomni ogo Jisu, Jenw Khristo hinwi ring, Bw achaijak.
17Imwtwijar khlaywi Abrahamni jimin Dayudni jora chibrwi piri, Dayudni jimin Babilo chubwi tilangmani jora chibrwi piri, Babilo chupjaknai jerwni jimin Jisu Khristoni jora chibrwi piri tongjak.
Subrai Jisuni achainai kok
(Luk 2:1-7)
18Jisu Khristo imwtwijar khalaywi achaikha. Bini boma Moriyom bai Josepnw kaini thi ongjak, matwr bok baksa tonglaiyakho suni phala katharni pharanbai Moriyom sak kwplwng ongkha. 19Moriyomni basai Josep raidia thani bw Moriyomnw borogni sakangw lachimao khibini nailia, aithani bw bwnw khogwi kakni hinwi kha chongkha.
20Jephuo Josep omorok oansokdok ephuo atakkiani Subraini suari kaisa bwnw emangw saphaikha, "Dayudni bosongni Josep, Moriyomnw lani takiridi, twmwi hinba bini ogw achainaisa Bw phala katharni bisingtwi achaimanise. 21Bini chala basa kaisa ongnw. Nwng Bini mwng Jisu larwkdi, twmwi hinba Bw Bini borogroknw bokni sumsok daini tekhoknai."
22Imwrok ongkha, diyarini bisingtwi sanai Subraini ikok kwplwng ongnaitwi#1:22 Jisaiyo 7:14: 23"Sikla kaisa sak kwplwng ongnai, tei bini chala basa kaisa ongnai, Bini bwmwng Immanuyel hinwi larwknai." I bwmwngni sema ongkha, chwngbai baksa Kaitor.
24Subraini suari Josepnw jebwtwijar tholma rwjak, thumani bachagwi Joshep obotwijar khlaikha. Bw Moriyomnw lakha, 25matwr basala achaiyasak Josep Moriyombai baksa tongniya. Jerw Joshep basalani bwmwng Jisu larwkkha.
Chwazi Kounye ya:
Mothi 1: TPE
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©️2025 Bible Students Fellowship of Bangladesh